年初一，祝大家身體健康、心想事成、事事如意！ 

選擇唔放咁早，都係想唔執屋，但係最終難以逃避厄運，真係返工好過放假，清潔嘅責任完全落在家中女性身上，唔幫忙袖手旁觀已經係唔好嘅行為，仲要嫌三嫌四覺得阻住佢哋，真係感嘆”唔該駛”，原本plan咗去行花市，年年都係因為要執屋而取消，呢兩日忙到休息時間都冇，肚餓只好求其搵d嘢食，想瞓覺唔到零晨兩三點都唔駛瞓，佢哋唔做根本唔知有幾多嘢做，仲要發脾氣去作出反鎖，心中隱藏咗嘅怒氣好多，可以怎樣舒緩呢？

也許因為在乎，也許因為覺得唔公平，面對住所謂嘅大道理，真的不能接受…如果男性嘅職責只係出去賺錢，女性嘅職責係處理家中所有家務，若要將事情分得咁仔細，那麼家中所有消費應該由男性一力承擔，女性應該安份守己搞好家中濕碎事。宜家已經係嬌生慣養，仲要繼續縱容，將擺明唔正確嘅行為講到好arm，的確既有嘅思想好難改變，但每次盡心盡力做完得到嘅只係埋怨，仲嫌棄做得少，一個就可以乜都唔做連早餐都要他人買，另一個就要做到死死吓仲不斷加重負擔，所有嘢都會有其限度，唔好成日問點解你會咁忟，假若仔細探究一定能找出原因，問題嘅出現唔會係單方面。情緒直至返工仍未恢復過來，但神奇地之後彷彿得到解脫一樣，完全係判若兩人般，好enjoy返工有講有笑嘅感覺，真係好relax。

越接近新年就越多藉口消費，而信用卡呢樣先用未來錢嘅嘢更加係嚴重罪犯，所以擁有信用卡必須有節制能力，但魔鬼往往戰勝天使，真係難搞…尋日出咗街，目的除咗攞body check report同hkid card，仲有辦年貨呢一環，結果買咗唔少計劃以外嘅嘢，兼用咗好多$$，物價嘅不斷上升，$$真係用得容易賺得難。今日做咗lazy pig，面對寒冷天氣，只好瑟縮被窩中保暖，只要一起身，就會feel到陣陣寒風吹過，身軀特別手腳繼而冰冷起來，晏起床亦標誌時間會過得好快，始終朝早時間係最好用，而夜晚因為一場爭吵搞到出現好僵嘅局面，過程發生得好突然，要費盡九牛二虎之力攔截，引致筋疲力竭呢！

只要有少少進步，其實已經係一個好開始，有d嘢或者唔應該睇得咁重…當思想朝向某一方向，好容易只埋首於該方向，試吓用唔同心態去對待，就會發覺事情並非想像中那般惡劣…重要與否也許需要他人肯定，但假若你已經斷定唔重要，就算他人如何覺得重要也沒用，因為一開始你就選擇舉起白旗投降。當知道有d任務唔識做時，直接嘅方法係向有經驗人仕作出提問，間接方法就係自我埋首專研，但其實share知識令雙方都有得著。

當下有機會都唔願做唔願試，假若冇機會還會嘗試嗎？只係存在咗差別，就出現唔好嘅狀態…過於充實時會埋怨唔夠時間，稍為可以靜下來時又諗東諗西，思考唔係唔好，但要用得其所，與其天馬行空，何不落實諗有用嘅嘢…

唔知就想知，知咗又彷彿唔想知般…的確最終都會知悉，胡亂估計只會擾亂思緒，其實好簡單嘅道理，為何偏偏自尋煩惱？真係想知可以選擇詢問，如果唔問就應該唔理會當冇事發生，要care但唔問算什麼呢？停頓不能改變情況，想有所突破唔係借助他人，take initiative係好重要，睇住情況越來越差，唔可以處於半放棄狀態，要加倍努力扭轉頹勢…

究竟係一知半解還是溝通不足？當初嘅目的發覺改變了，繼而知道一路做咗唔少多餘嘢，有時唔係你做多步我做少步，事情可能有簡化嘅地方，如果冇人提問，步驟只會原封不動，諗多d係有好處。唔經意嘅移動，一見到就立即停止，及後查看依然找不到問題，直至其他人嘅機警，先知道停止並不是立即進行，只是中途遭截停，睇得實在不夠仔細…一樣額外嘅duties，可以體會知識嘅局限，為咗方便快捷，放棄咗探究而利用咗相類似嘅作出更改，呢一步完全學唔到任何知識，選擇擱置嘅同時，有否真的計劃何時研究？好多時擱置就擱置咗，將來再遇上同一問題還是需要探究…

照舊冇變，set個boundary實在太大，究竟幾時可以有所突破？每樣嘢都會有困難嘅地方，只要刻服咗第一步隨後嘅已經唔係一個問題，第一步就已經卻步，這樣已經可以斷定係一個失敗者。好辛苦搵返條離開嘅路將繩索解開，唔駛幾日又再度打結，有d嘢係應該放開，繼續執著只會更辛苦…察覺維持了一段日子，好想了解原因，苦思下仍未找出答案，不是沒有堅持，難道堅持並不足夠？唔希望假設變成事實，惟有努力作出克服。

諗起都有兩三年冇踩單車，開心今日終於有機會，來回大埔至大尾督，用咗三個多小時，沿途雖然踩咗幾次入掘頭路，亦不幸炒車弄至損手爛腳，不過周遭風景十分怡人，特別係船灣淡水湖旁水壩嘅景色，迎面吹來嘅風，加上寧靜嘅環境，感覺十分舒暢。