認真倒霉的一天，朝早等個早餐等咗超過十五分鐘，結果…冇時間慢慢食就要趕住返工，唔係唔欣賞McDonald嘅high technology，但佢嘅配套明顯不足，快餐都要等咁耐，破壞駛客人嘅心情。也許今日係黑色星期三，返到公司連早餐都未食就接二連三有唔少嘢需要處理，d 任務一浪接一浪打埋嚟，有一刻嚴重到feel到喘不了氣呢！面對新duties，首次處理已經會做得比較慢，仲要一嚟就打破最高記錄，彷彿應接不暇般，不過就算數量之多，都唔會敷衍了事，惟有將平時嘅任務加速完成，好讓剩餘更多時間仔細做好。

由於今朝係gen出信嘅日子，尋日放工前趕住轉埋擱置咗嘅list，點知到今日毅然發覺轉錯駛，如果當初問多一問，就唔會有出錯嘅機會，唔直接向request嘅同事查詢，反而用自以為嘅決定，結果…就係產生錯誤，每一個錯誤都有可能牽連幾個parties做相對嘅補救呢！察覺出一個唔好嘅慣性，就係乜都話”唔知道”，無論問嘅問題程度深定淺，都會懶到諗都唔諗就第一時間答”唔清楚””唔知道”，唔知道唔係一個問題，問題係由始至終冇用心嘗試思考，每次都渴望他人講出答案，呢個根本唔係一個正確態度，要努力改善。

天氣炎熱，遇上冇冷氣，真係碰巧到不得了，幸好唔係壞一整日，否則可能會焗到暈呢！過於簡略嘅交代，徹底地令他人不了解明白，當到達他人反問時，其實已經証明講咗等於冇講般，this moment唔知應該點去交代，係因為呢個唔係一個習慣，但只要練多d試多d，就會慢慢變成習慣，亦漸漸學會如何能清晰地交代事情。唔習慣嘅又何止一樣咁少，有時唔習慣係因為應知不足…hold線變成cut線，真係十分大意…唔係凡事都要別人教導，好多嘢都可以自我摸索。

有那般感受時其實總有原因，唔係察覺唔到，但…想做嘅一刻往往選擇停頓，冇做可能根本唔係一個問題，不過實況係應該去鍛鍊，覺得彼此之間有種距離，諗深一層就會發現係因為做得唔夠多，阻礙只係一個畀自己嘅藉口，知會一聲又有何難度，為何不願開口呢？最後會覺得好唔應該，點解一早唔做好呢？有問題就出聲，有事情就交待，呢d係基本功，基本都做唔好，如何到達深層呢？

呢兩日返工要學習即將離職同事嘅部份任務，起初真係一知半解，始終大家管轄嘅範疇唔同，even之前學過，不過印象已經模糊，經過同事耐心解釋，現在已經清楚了解。其實有時做嘢頗為大意，可能只係需要觀察多少少，就會發覺有問題，但習慣於做完就算，雖然有d嘢好minor無傷大雅，但係凡事都應該做到最好，提高觀察力好重要。

唔明，真係唔明，點解要咁摶咁辛苦？究竟為乜呢？

情緒好唔穩定…唔選擇連放假係有原因，情況係呢幾日又出現，好厭倦…雖然有必要用annual放假做revision，但產生嘅感覺實在不好受，心情唔好做乜都冇駛心情，好想換個角度想想，但力不從心，不過原來所有嘢只係短暫性，但出現嘅時候真係幾痛苦…

有d嘢其實唔駛講都會知道答案...初時認為有可能性，隨住時間流逝，睇住沒有任何行徑，傻嘅都會知道有乜決定，所作嘅決定往往被唔同因素影響，也許perception 唔好，也許根本未達水準，也許睇唔順眼等等…上級在茫茫人海中找尋一個認為掂嘅人談何容易，下屬做好自己份內事唔一定會得到賞識，其實好多嘢都唔係絕對…

備試進行中…level越高程度越深係一個定律，由最初開始做revision時，對住d艱深題目真係感到束手無策，直至呢一刻，知道時間越來越接近，點都要努力嘗試克服恐懼，真係要好好加油。 

不斷思考實在太無謂，冥冥之中自有安排，遲d就會揭曉，難道沒有等待的耐性嗎？沒有刻意作出比較，但明顯地面對同一件事情，每人都會有不同反應，好欣賞能夠處變不驚，臨危不亂嘅人，真係要好好學習。

拖咗一段時間，每一次都搵藉口唔進一步，果一步其實可以好簡單，但偏偏化易為難，強行假設一d無謂嘅可能性，將思想複雜化…又唔係唔想知，但想知又唔敢問，就係因為唔習慣，就更加應該珍惜機會去習慣，唔真正去嘗試同停頓有何分別呢？