終於考完試，不過今個Semester d 成績應該危危乎，繼上星期四考個科唔識，今日又出現相同情況，今日果科相對嚟講應該會有充足時間take revision，但自從星期一返工後，每晚返到屋企簡直攰到連睇一睇份notes都冇精力。尋晚係公司一年一度嘅Christmas party，今年玩新嘢要design games搞氣氛，經過不斷searching加不斷比人ban ideas，到最終come up咗d games要prepare materials，放咗唔少心機落去，要consider嘅已經盡量adjust去遷就，但…最終…原來每件事都會受好多因素影響…星期三係牛一大日子，今年收咗唔少禮物，好開心呢！最驚訝嘅係公司同事慶祝嘅蛋糕有張牌寫上了名字。

好攰，真係好攰…條問題問得好好，何解有兩個新同事，仲會有咁多嘢做？究竟當中係咪有出錯嘅地方呢？問題根本冇時間去深究，因為當下就係要盡快完成手頭上嘅任務，漸漸地覺得好多嘢開始出現混亂情況，一亂就好容易做錯嘢同做漏嘢呢！時間管理係重要，但適當地分工同樣重要，其實每個人都在學習階段，只係彼此需要學習嘅有所不同。

沮喪中…專登攞咗大假為咗有多d時間溫書應付考試，清楚知道今日考果科係需要背誦內容，已經迫使死記大部分內容，亦了解不能去”tip”題，因為每次都會”tip”錯，但…結果係…考咗嘅questions剛好撞正沒有多加留意嘅power point slides，真係…又唔見得中六合彩，睇住條題目竟然load極都load唔到內容，完全係白白等待分數逃離，問題係佔分相當重，今次真係大穫，唉…

至於試後活動，終於有消息，竟然係cancellation，在此請各位報團千祈唔好報”永安”，佢哋可以話收夠人但冇機位，仲要大條道理return back所有團費就當冇事發生過，乜旅行社唔係預留機位先接受報名？就算唔係，都冇理由唔成團…

話咁快已經完成咗13 weeks，緊接著嘅係examination，今個semester exam佔分比較重，可以話一兩分足以改變grading，而內容較為艱深，考嘅syllabus嘅coverage亦較多，真係要下一番苦功！抓緊時間係重要嘅一環。本來plan好咗考試過後嘅節目，仍然係未知之數，始終出咗社會工作就身不由己，唔係想放假就可以放假。有時真係好奇怪，明知係做得唔啱，但依然做咗出來…無形中築起一座又一座嘅圍牆…需要往前走但卻往後退…犯罪要處分，同樣地做錯要懲罰，但無論怎樣，最終都要走出困局去補救，不能越踩越深…

好想快d settle好，但現實往往產生唔同嘅挑戰，點解…只係想take a rest都好似係一件難事，time management開始有偏差，要同時兼顧原來一d都唔容易…以前渴望有機會接觸，呢一刻需要handle時，可能只係make comparsion，但其實會消耗唔少時間，不過…第一次永遠都係最辛苦，只要做得多就會慢慢熟練，另一方面，就係要樂在其中。因為性格嘅問題，但知道一定要共事，無形中調節咗要求，而容忍度多咗，開始去適應之時，突然有所變動，的確對住唔同嘅人要用唔同嘅手法，短時間內feel到難以return back，之前實在太過度了。

接近semester 尾，又係時候要趕做功課，撞上電腦壞咗，搞到想搵下資料都搵唔到，其中一科仲要不斷search articles…自從星期六要返學後，一個星期可以真正make revision嘅時間只剩下Sunday，完全體會到why好多人唔prefer上星期六，除非係極度逼不得已。工作上出現咗唔少改變，稍為郁一郁可以導致唔同嘅情況出現，一時之間太多嘅轉變，形成咗resistance to change呢！呢一刻仍然思索著如何能夠有效地作出適當安排，另一面同事殺出一個措手不及，不論決定是否正確，但從中感受咗好多…

可以用電腦嘅機會好少，搞到冇乜機會update…上星期讀嘅三科都有mid-term test，考完每一科都要即刻洗腦，而每一科都出到好深呢！上星期五係一個恐怖嘅日子，一切實在太突然，原以為惡劣時間已過，唔會出現該情況，但…現實往往難以想像，根本估計唔到。每件事情嘅發生一定有所安排，能否察覺同是否觀察入微有好大關係，其實可能有好多蛛絲馬跡可尋…受影響嘅會有怨恨情況，不過怨恨嘅對象是否正確呢？每個人都有各自嘅身份，而當中要擔當嘅角色會唔同，唔同嘅situation就會present out唔同嘅attitude…今日終於得到formally嘅交待，同時帶出另一個重點，當中內容不大相關，但act as listener學習嘅地方都有唔少。

一大堆問題，原來一個答案已經可以徹底解釋…知道嘅一刻真係好突然…一個誤打誤撞嘅情況下…好多嘢都係有跡可尋，只係一路搵藉口，所謂嘅藉口只係呢一刻嘅感覺，當初完全唔覺得係一回事…好恐怖，點解可以咁黑暗？一切已經太遲，無形中已經去到重傷嘅地步，想扭轉局勢機會率微乎其微…

究竟一個真正嘅社會係點？一時之間話變就變，實在難以捉摸…一個人有雙重性格係一件好common嘅事嗎？事情是否有對與錯之分呢？問題係咪一定會有答案？哪一方向才是真實的呢？講出來真的有用？收埋會唔會好過唔出聲？有時講咗係想尋求答案，但最終只會令問題擴大…乜嘢先係一個唔信任嘅表現？睇嘅角度真係有所偏差嗎？

感到非常吃力…係咪真係要一凹一凸先會有效果？因為太執著嗎？從未遇見過唔等於唔存在，但沒有真正嘅體會就唔會知道實況如何…環境真係會影響心情，that why身處唔同嘅situations會有唔同嘅感覺，心情驟變嘅速度究竟能否控制呢？一下子嘅改變，要短時間去習慣去適應一定有難度…無論是對或錯，一個人可能不能準確判斷，嘗試綜合其他人嘅觀點，再慢慢研究。每一秒其實都有學習嘅地方，一切只在乎思考嘅角度...