累了，真的非常累，好想休息一下呢！每一日處於busy狀態，一方面要處理好要做嘅任務，另一方面要train up及監督，完全地感到分身不暇…是過於緊張嗎？

原來…有d嘢真係唔知好過知，當知悉後，心理上無形中總會記掛住，結果可能係失望而回，雖然仍然係未知之數，但假若當初並不知道，就唔會抱有期望，其實知唔知道總有其原因，當初為何會知曉呢，真係有必要撫心自問…一連幾日都處於忙碌狀況，返完工真係筋疲力盡，攰到只要靜下來就會fall asleep，經過長達十二小時嘅睡眠，精神終於回復過來，不過瞓咗咁耐又真係幾誇張。

以往好少機會需要教導別人，當需要去作出教導時，正因為角色嘅唔同，當中嘅技巧要慢慢揣摩呢！duties 當中嘅連貫性，覺得應該一氣呵成地講解，相信 demo 後 practice 完就會完全了解整個 procedures，但…換來嘅原來係一片迷茫，雖然明顯地係用錯方法，但可以藉此從錯誤中學習，錯咗一次，下次就應避免重蹈覆徹。總有種感覺係好學嘅人，學嘢好快上手，所以 provide 出一種壓迫感，心目中嘅 perception 係 good 呢！

呢一日終於來臨，心情唔多唔少都會受其影響，日子越接近心情越緊張，搞到今朝食早餐時已經冇乜胃口…也許因為情況唔同，一個超級詳細嘅講解真教人嘩然，講解過後分分鐘比自我探究嘅知得多，但相信各有優劣吧！開始時嘅陌生至後期嘅慢慢適應，其實並不是困難，問題在於是否嘗試去詢問。真的能夠看到以前嘅影子，或者因為曾經經歷過，當中嘅心理好容易被揣摩，導致明白該怎樣處理呢！經已成為事實，知道將會有比較嘅情況出現，難免感到有點兒壓力，但有競爭才有進步，要比別人強就要更加努力，而當中無論 time management 抑或 reporting 都係一個 challenges。

為何感覺是那般不同？是一路缺乏嘅關係嗎？舒服嘅感覺令人好enjoy，難受嘅感覺令人好痛苦…能夠用心投入一定有其原因，有得必有失，事情總是無法完美...”知道未知幾時發生”同”將會發生”原來只維持一段短時間，呢段時間究竟有冇真正思考過怎樣做呢？到呢一刻差唔多埋身時嘅惶恐是否多餘呢？因為害怕而反問，仍然係好依賴嘅行為，能夠獨立處事才是正確。

算係額外嘅嘗試，好感激有機會，不過…過程中體驗出不足之處之多，沒有過濾地報告、沒有仔細地分析、沒有主動地了解…做得唔夠完善，留下唔少手尾需要follow，亦因為想得唔夠徹底，導致不同問題嘅出現，與其去質疑幫不上忙，不如諗吓下次機會出現時嘅正確做法。一個小問題原來可以引起好多唔同嘅問題，果然唔發現就唔覺，一發現核對過後一連串平時冇察覺嘅嘢就會迎面而來，真係越來越複雜。根本沒有能力去cater to all needs，為何要擔心被埋怨？事情不是想像中那般困難，take it easy吧！

時間過得真係快，細妹今日放榜呢！並沒有特別掛心她成績如何，因為呢一刻都唔知有冇大學offer學位，而JUPAS嘅機制更加係撲朔迷離，始終合乎資格嘅人數與學位嘅數量有差別…細妹今次主動打嚟告知成績，知道她all pass真係替她感到高興，有冇offer就要睇科目排位嘅先後次序，不過無可否認嘅係她學校provide咗好多嘢去教導如何更改，想當年一d discussion都沒有。

情況並不是首次出現，為何每次都知而不行、停滯不前呢？將認定自我估計嘅當作真實，完全地鑽入牛角尖，就算同幾多人傾訴，心情根本不能釋懷，心結依然存在，惟一方法就係向當事人查詢，無奈因為膽怯而卻步，但每一次都這樣又有何用呢？胡亂猜測只會影響心情，繼而影響工作質素，實在太不應該了。

拖咗幾日終於到最後一刻鼓起勇氣去發問，”問”會有機會得到bad news，但”唔問”心結又解唔開…當然最好嘅做法係自我鑽入再自我鑽出，凡事都應該自我看透呢！問完之後，困擾嘅心情徹底地舒緩了…其實只要我肯去問，唔多唔少都會得到答案，稍微衝破面前嘅阻礙已經會好好多，要注視著應該要注視的呢！

心情極度惡劣…無意中聽到一d也許唔應該知道嘅嘢，不斷欺騙只係聽錯，求證過後鐵一般嘅事實擺在眼前，頓時感到非常挫折，一路嘅努力為嘅究竟係乜呢？以為搵人講一兩句就可以釋放，點知…原來感覺實在太強烈，唔係咁容易抽身，只要一諗起就不其然忍唔住，是想得太多嗎？

今個禮拜嘅weekend過到好充實，因為去咗camp…早在一個月前經已invite參與，雖然會遇到好多陌生人，但…最重要係可以玩番餐，試又剛好考完，正是一個好時機呢！一路concern嘅天氣問題，幸好天公造美，陽光普照真係超級suit for outdoor activity，第一次掘蜆，踏上泥漿毫無顧慮污垢而拾蜆，感覺真係好開心，當搵到大蜆時，開心感覺更加強烈，掘完就去海灘嬉水，就算唔識游泳都照落水，迎面而來一個又一個波浪，好舒服呢！夜晚就BBQ，牛扖真係very yummy，燒完塊牛扖大家圍住負責切片嘅人，真係唔駛幾秒就已經比人KO，可想而知味道如何。第二日就冇join Ocean Park之旅，反而跟咗一班小朋友去海灘，睇住小朋友如何興奮地暢泳，真係羨慕佢哋冇乜煩惱同欣賞佢哋嘅天真。呢一次大嶼山trip even有種局外人感覺，不過諗返原來都係快樂嘅，但快樂嘅背後換來超級疲勞…