堆積嘅任務比想像中多，d嘢係就係比較濕碎，但原來要做妥都要用唔少時間，其實錯覺嘅出現係有根據。慣於沉靜，當要開口說話時就嚴重感覺到詞不達意，好多時會選擇可免則免，但避開嘅結果真的是想得到嗎？

過咗一段時間，原來陰影依然存在，陰影對將來再嘗試存有一定程度嘅easyZB，雖然免不了胡亂思考，但不會鑽入牛角尖，清晰嘅頭腦影響，其實每一次失敗都係一個鍛鍊，埋首於失敗中對事情根本沒有任何好處，唔撞過板又點知有什麼不足之處，從失敗中學習往往會得到更多，學會正視失敗嘅經歷，不應選擇逃避，反而需要overcome呢！

當提出request時，一心為咗知多d，好慶幸得到個opportunity，當然有得亦有失，失嘅係可以用嚟做嘢嘅時間減少咗，雖然之後變得忙碌，完全係忙到一頭煙，但學會嘅會終生受用，再加上呢d機會好難得，唔係你想有就有。一個無形嘅障礙仍然存在，要衝破一定有困難，要知道唔勇於衝破同乜都冇做一樣，多咗chance去鍛鍊為何依然選擇逃避呢？”Better late than never”，只要唔好諗咁多，take it easy，只要行出一步，感覺就會舒服，為何偏要感覺痛苦。

好enjoy心情平靜嘅日子…呢d日子可以有講有笑，雖然免不了胡亂思考，但不會鑽入牛角尖，諗嘢都會諗得好d呢！

點解…點解到呢一刻仍然那樣在乎那樣在意？為何依舊抱有期望呢？事實明明擺在眼前，但偏要扮見唔到，一切都只係逃避，逃避根本唔係辦法，為何不勇於接受呢？無謂多想吧！

原來一路都欠缺”匯報”呢一part…做好咗根本唔代表任何嘢，如果冇作出匯報，其他人又怎能估計有冇做過呢？諗嘅方向完全錯誤，以為嘅嘢未必係事實，吓吓用”以為”作標準，結果就係諗埋d冇用嘅嘢，將d時間用在有用嘅嘢身上仲好呢！

一切只係不斷重複又重複…前幾日明明解開疑團，過幾日又步進迷惑中，既然辛辛苦苦諗掂諗好，為何偏喜歡繼續沉淪在矛盾中？「進可攻，退可守」，站在中間猶豫著不進也不退，只會令事情變得糟透，花園遊完一個又一個，容許太多藉口存在，這樣實在太不應該。有機會唔珍惜，冇機會如何能夠嘗試？就係因為恐懼就應該加以去克服，咁簡單嘅嘢都唔去踏出第一步，如果面對更加複雜嘅只會選擇逃避，逃避唔係一個辦法，與其因為冇做而感到不安，倒不如消滅恐懼而做一做，已經比其他人遲起步，最拖只會嚴重落後，要發力追回失去的。

久違咗嘅感覺再度出現，even不斷嘗試搜索原由，但仍然無法尋求，也許真係受一連串嘅影響，以致霎時不能解脫釋放，問題嚴重到產生咗僵硬嘅局面，情緒真係大起大落，要做到唔影響工作，只可盡力而為，因為曾經試過去作出抗衡但並不成功，要假裝若無其事，需擁有深厚嘅功力，不過有必要去阻止抑制呢！

越唔想出現偏要出現，真係估佢唔到…只係渴望帶住一個唔疲倦嘅身軀去應試，但任務數量比起預料嘅多，連lunch原本諗住做簡單revision都要用嚟歇息吓，為嘅只係想用稍為好嘅狀態去考試，其實一路以來諗起公開試就會感到恐懼，始終程度深咗而做練習又少咗，返工最大好處就係暫時忘卻恐懼感，可以唔經唔覺就到達開考時間，不過…結果都係唔多識做，同做過嘅past paper問法唔同，有d題目可以引証答案嘅真偽，但份卷cover嘅完全係無法引証，出嘅題目偏偏係溫得唔熟果part…

開唔到電腦嘅日子已經難捱，開到電腦但上唔到網嘅日子同樣難捱。