事情總喜歡週而復始地發生…唔出現唔覺有問題，一出現就知道其嚴重性，將責任攬上身，完全忽略了能否負荷，別人已經習慣了依賴，可以停止依賴嗎？只係做小咗一步，可以抹殺做咗嘅一大步…對於唔好嘅嘢，就算係都話唔係，各有各嘅辯駁…同一件事用唔同嘅手法，是否等於公平對待？

既然係permit to do，就好好try吓，難得有機會，應該珍惜而fully utilize。每個人都會有自己嘅選擇，因為目標唔同所以出現唔同種類嘅事情，與其去研究其他人嘅想法做法，倒不如去深入了解自己嘅心態。忙碌就忙碌，空閒就空閒，好多嘢都無法估計，面對變化多端嘅環境，就需要有適應能力，arrange好唔代表一定能夠follow，始終突如其來事情總有機會發生。處理濕碎嘅任務，可以睇到每件事情總會有人付出過努力及牽涉多重步驟，output係需要process過先occur。 

一個震驚嘅提問，要不斷作出review，幸好沒有任何損失，否則真係不知如何交待，呢件唔係少事，因此需要加以警惕提防，每一次出錯時總會利用一個身同感受嘅方法令人覺得有所共鳴從而不至於過度自責，呢份心思真係難能可貴。既然機會少之又少，當出現時就應該好好珍惜…有時會覺得格格不入，但其實只係因為多疑，當中根本沒有圍牆阻擋。以為已經放下，原來事實不是這樣，心中嘅刺依舊存在，記憶相當深刻，感受相當強烈…在唔清楚嘅清況下處理，理應事先了解清楚，問多d就會知多d。

埋頭苦幹唔代表多嘢做，或者只係想專注d，又或者係隱藏住另類意思…因為唔習慣，每次都會不其然事前花少少時間諗一諗，諗完未必出現想像嘅結果，反而同諗咗嘅好大差別，始終at that moment嘅狀況無法預測，今朝講咗幾句之後就知道自己嘅技巧唔好，難以將意思清楚表達，講到好模糊，始終學習真係需要不斷嘗試練習。想以旁觀者角度去睇，因此由始至終選擇抽離，既然揀選咗該角色，就應該好好體驗，點知…最終反而質疑自己所做嘅是否正確，繼而變得沉靜，彷彿錯過了一個機會般，take action involve入去其實好簡單，但我並沒有這樣做，我所做嘅係咪一個錯誤呢？

一個十分貼切嘅比喻，開始時嘅否定到最終嘅部分肯定，中途一個又一個嘅藉口，其實係唔敢正視問題嘅表現，理應擺脫但依然不斷徘徊，重複又重複著，實際上改善嘅極度有限…一種強烈嘅感覺，令我苦不堪言，是我想得太負面嗎？不常出現嘅寬鬆，完全忘記了彼此嘅位置，第一句已經發覺有問題，但仍然唔機警，腦筋依稀唔夠靈活，覺得是因為別人指示不足，但其實係自己諗得唔夠全面仔細。還以為清楚明白了解，一接觸就發覺不是想像中般，了解嘅範圍其實好狹窄。 

當初不經意的留意，過了數日後，竟然徹底地忘記了，我覺得同記憶關係唔大，反而同有冇heart相關。”心急”引起一個錯漏，出現後變得心亂如麻般手忙腳亂，應該好好學習”鎮定”及掌握”隨機應變”技巧。凡事包含了唔少因素，想achieve一件無形嘅嘢應該慢慢一步一步著手，思路錯誤就需要明白不同角度的存在，不應固執於既定set死的一套。