對住一部重新create profile 嘅電腦，我真係覺得好無奈，雖然大部份documents依然keep住，但format上有一定嘅改變，dream weaver嘅connection 斷咗需要重新map過、MSN嘅表情符號一下子冇駛…好多細微嘅嘢要重新執過，由於我完全不懂招架衍生出來嘅問題，所以麻煩咗幾個同事，宜家乜嘢都話寫programme讓system automatically run，遲d人類分分鐘比電腦取代，人類要點做先可以生存？hang機事件令我驚覺自己知識貧乏，我應該多d研究電腦嘅基本運作功能，唔好一encounter問題就變得驚慌失措呢！

今日公司有旱災，唔夠水供應畀同事，所以當一樽樽水運送到後同事立即更換，而同事好似飢民一樣即刻走去倒水出來飲用，我覺得幾誇張，不過大家嘅觀點角度唔同，我覺得係一件平凡嘅事可能同事覺得好嚴重…無論事情有幾微不足道，只要能夠幫忙，我都樂意去做，畀我去接觸其實係畀機會我去知多d，其實凡事都有學習嘅地方。

真討厭，科技發達雖然可以加快速度，但亦帶來不便，今日部電腦突然hang咗，open file時retrieve唔到network drive，搞到keep住loading嘅畫面，初時我以為只要restart過就可以work，點知都係唔work，最後只好尋求IT同事協助，好一個問題唔大，原來係個profile出錯，建立一個新profile取代舊嘅profile，真係講就容易，大體上原有嘅files係唔會消失，不過例如desktop嘅file、my received file嘅folder、bookmark、email address book等都需要backup，將profile再create過，除咗發覺冇咗某幾個 network drives，亦發覺email部份folder唔見咗，同時excel show日期嘅format改變咗，電腦原有嘅format又要重新setting，hang機嘅effects真係搞到我勁煩躁，咁多部電腦唔壞，點解要壞我個部？

除咗臨放工前hang機嘅阻礙，其實今日返工做嘢都係不大順暢，延遲給予嘅data，中途插入嘅任務，system run data嘅speed等等，引致整個過程比較混亂，有時我要額外remind自己，否則分分鐘會做錯嘢。萬事起頭難，其實既然我可以慢慢改變，點解我覺得解決唔到，我係明白個道理，拖咗大半年我終於願意嘗試，同樣地只要踏出第一步，之後嘅日子就會好過d，但為何我依然欲言又止、停滯不前？

今日要handle嘅duties都算多，地址send咗上SZ但上面d system壞咗，最終都需要我協助check一半，尋日print完bills今日要上notes，一大堆record要enter 去master inventory，d duties比平時已經多咗少少，點知上司又極度忙碌，平日佢handle開嘅daily duty要我幫手處理，面對一個新接觸嘅任務，首先感到有點兒迷茫，繼而做嘅時候會質疑自己嘅準確性，適應嘅時間加上double又double嘅checking用咗我唔少時間，lunch IT同事在我部腦加咗條RAM，之後佢見畫面有d模糊，極其細心幫我調教至清晰，唔知係咪習慣咗模糊嘅畫面，望住清晰畫面總覺得有d唔自在，後來抵受唔住光度尋求該同事再度調教，之後學會了如何調教後try咗好耐先搵到一個適合自己嘅光度呢！

早已預料今日要做嘅任務，繼而作出適當安排，點知…結果都係做唔切，好想一次過將所有要郵寄嘅信件整出來，但忽略了開bill所需嘅真實時間，係咪我做嘢速度慢呢？除咗要處理自己嘅份內事，今日亦要兼顧埋切水果，一個西瓜加一個哈密瓜，哈密瓜嘅size唔大，但我仍需切到一粒粒，之前切到一舊舊要同事攞住食佢哋唔鐘意，所以今次要好仔細咁煎皮拆骨，完全估唔到自己會咁有耐性去切，切嘅過程係完全冇問題，不過最後將一筒牙籤歸還同事時，竟然極其(論)(盡)將成筒牙籤倒在地上，好一個落地開花浪費了整筒剛開嘅牙籤，我到宜家仍然感到內疚呢！

每次當我嘗試碰運氣搏一舖，結果往往係一個輸家，尋日嘅考試明顯係一個好例子，今日同事問我考成點，答案只有”戰敗””陣亡””死”等字眼，有冇一半識做？我可以好肯定答”冇”，夜晚上堂miss問出咗乜題目後，我才驚覺原來我忽略了溫果幾課嘅內容，我嘅tip題技能真係差勁，知道我要考試然後問我考成點係一種關心，因為唔識做，所以當我作出回答就會無意間表露出失落嘅情緒，”一次唔得咪再接再厲試多次””以前中五我都要repeat多年””知道今次溫唔熟下次就要避免”，同事們每句安慰說話嘅最終目的都係要我重新振作，將我由谷底拯救，真係非常感激。

今日返工頭半晝彷似雲遊一樣，幸好靈魂好快歸回原位，因為突如其來有幾樣濕碎嘢要處理，所以時間比較充實，少少嘅出錯分分鐘需要幾個department嘅同事攜手解決，牽涉嘅範圍可能會好廣闊，因此唔可以將錯誤睇小，繼尋日嘅口窒窒後，今日又心慌慌，只係簡短嘅溝通都搞到詞不達意，只係錯手嘅close file都搞到不知如何處理，每日都係一個學習機會，要加油呢！

呢幾日為咗今日嘅考試，d時間唔係用嚟溫書就係做past paper，適逢電腦壞咗，所以好耐冇update，個人認為份卷好難，做極都balance唔到，有點兒感到無奈…是次考試令我最困擾係心理戰，每次我攞起本textbook，都會feel到涉及嘅範圍好廣，要記嘅嘢有好多，跟住就會覺得唔夠時間，究竟溫書定做past paper先？於是陷入混亂局面，今日好難得地平伏了心情，不過睇完d題目就驚覺係時候玩完，面對特別係涉及數字嘅考試，最主要嘅係要有清晰嘅頭腦，但我明顯缺乏了，我可以亂到每條題目做少少，成績簡直係無法想像。

唔明點解，想知道其實可以好簡單，只要企係別人嘅位置從佢嘅角度思考，答案隨時呼之欲出，但易地而處嘅學問好高深呢！情緒反覆無常，無人明白我內心有幾痛苦，一句說話已經可以打沉我，更何況係連串嘅爆發…態度令我好反感，無論我點做，最後受害者都係我，要我承受嘅實在太多，我好驚遲早會癲呀！

真奇怪，尋日面對一大堆return mail嘅思索，當今日少到只有十數封時，感覺完全唔同，仲以為之前嘅說法係錯誤，經過今日，我知道我唔應該對自己嘅說法疑惑，好多嘢唔係由自己控制，呢一刻同果一刻係兩回事，短暫見到嘅嘢未必係事實嘅全部，唔同崗位要deal with嘅職責會唔同，最重要係做好本份。

勁搞笑，當我打算放日假溫書，我揀嘅日子上司都碰巧有嘢要做需要行開行埋，成個department又唔可以冇人，所以當我知道後不斷思索放邊日好，我幾驚係我考試前根本冇一日適合我take leave，呢個考試對我嚟講頗為急促，要我係未上完堂嘅情形下去應考唔多唔少都存有一定嘅risky，加上cover嘅課題多咗好多，我真係有點兒擔心同緊張呢！今日返工算多嘢做，原本check地址可以叫SZ admin同事做，不過一到月頭月尾佢哋會比較忙，如果我send駛三日地址上去好似好過份咁，最後為咗公平起見決定一人check一日，除咗地址，return mail數量又係好多，搞咗大概兩個鐘先徹底消滅。距離考試嘅日子越來越近，不過我發覺最近自己好疲勞，成日都冇乜精神，放咗工返到屋企只想瞓，而對於課題嘅熟悉程度好薄弱，唔可以hea住咁過，要加把勁呢！