近期精神狀態不佳，就算前一晚早咗瞓都於事無補，呢兩晚仲要發夢tim…body check貢獻咗第一次，講到咁懸疑，其實就係抽血，將支針抽出來果一刻真係痛呢！為咗備戰校內試專登選擇放假，結果因為天氣凍做咗一隻懶豬，study嘅嘢真係唔多，最終係不過不失，呢個result完全係拜阿sir所賜，佢所做嘅實在過多，得到好嘅result的確有鼓勵作用，但隱藏咗好多唔好嘅因素，好與壞真係見仁見智。感覺不妥嘅一周，反覆嘅思緒足以遮掩一切，明知係一條掘頭路，但偏要走入去，道路並不狹窄，偏restrict不能轉頭…

總喜歡胡亂猜度…只要鑽入牛角尖，鑽出何其容易，更何況身處同一環境中，彷彿點諗都諗唔通，將事情設定咗原意，就不自覺將假設當真，難道真係不能自拔？一切只係因為鑽得太深，也許事情並不是想像那般…每個人都有自己慣用嘅方法，每個人都有獨特嘅處事手法，有d嘢可以第一時間知道，同樣地可以最後一刻才知道，應該知道始終都會知道，為何要在乎先後次序呢？第一次出現還可以原諒，有咗第一次經驗，再度出現就應避免再犯，要防止週而復始嘅毛病。

今日雖然疲累但是值得的…平時要處理嘅事項往往係整體嘅一少部份，想知道整體唔係一件容易嘅事，因為可能涉及唔同嘅departments，由於負責嘅職責同call centre有關，要深入了解最好嘅方法就係到Shenzhen(SZ) office一趟，今日終於有機會。返SZ為咗安全理由所以專程安排咗唔同嘅同事陪伴上落，到達一個陌生地方唔多唔少都存在驚慌心情，未到達時真係好擔心，到達後得到同事嘅悉心照料遮蓋駛一切嘅擔心，節目經已編排妥當，純粹係後知後覺，一開始嘅admin工作了解，到follow up team嘅職責範圍，繼而聆聽同事講call，到excel testing，首三項可以知多d daily operation，而最後係考knowledge，每一個環節都會有所得著，用咗唔夠一日嘅時間，明白知道嘅冇可能係100%，但就算只知多1%已經好好，知多d總比唔知嘅好，好開心有呢個機會，亦感謝每一位落力招待嘅同事。

同一時段幾個同事放假，要handle嘅事項無形中增多，宜家全部返駛嚟，要handle嘅嘢相對地減少，而時間亦因此變得稍為寬鬆。今日極度欠缺精神，晏晝出現好幾次打瞌睡嘅情況，有一次同事喊叫後突然回神，然後覺得靈魂終於與軀體結合，果一刻真係徹底地醒過來，不過過咗一陣又出現睡意，嚴重影響工作嘅進度。臨放工前收到指示要幫忙做activation，一個從未接觸過嘅任務，第一次果然係第一次，好多嘢都會做錯駛，也許一個一個真的比bulk簡單快捷…

已經好耐冇update blog，皆因呢兩個星期部主機在維修中，半個月冇電腦用，當中需要嘅忍耐可想而知，開心見到主機嘅回歸。呢個星期橫誇咗兩年，由零七過渡至零八，新一年應該有所展望，但…唔駛幾日就已經察覺重蹈覆轍中，以往嘅問題依舊存在，好多嘢唔係齋講齋話明白，要落實實踐踏出第一步才實際，好嘅開始係成功嘅一半，付諸實行才是一個開始，知道明白不是一個開始。除夕日同樣地可以放早兩個鐘，一心希望將duties盡量完成，但結果往往出人意表，最終還是擱置了需要別人跟手尾，真係唔好意思呢！元旦日氣溫突然驟降，在被窩中完全沒有起床意欲，故此勁晏先wake up。Wednesday放咗annual 同細妹換HKID card，點知…去到入境大樓都未夠鐘開門但已經派完籌，之後去九龍果間試吓博一博，結果都係派駛，每日有605張籌，都唔明點解香港有咁多人需要申請或換領身份証？星期四就係零八年第一日返工嘅日子，是日仍然處於busy狀態，而夜晚去咗參與Road Show至尊音樂頒獎禮，雖然唔係坐前排，但座位幾乎在中間位置，首次可以現場睇歌手真係好excited，而fans嘅叫喊簡直極度震撼。四號朝早去咗attend a course，同想像中可以學習嘅有出入，不過都知多咗少少嘅，之後返office繼續完成遺下而隱藏嘅duties。

今年嘅Christmas在不知不覺間原來已經度過了，完全感受唔到任何節日氣氛呢！呢兩日返工過得好充實，手頭上要處理嘅嘢彷彿做極都做唔完排山倒海般，放工後已經攰到唔想再郁動，慶幸呢個星期唔駛返學，唔係就相信應該冇乜精力去聽書。唔駛返學唔代表可以唔做revision，放假hea住咁過，返完工會消耗咗唔少體力，咁幾時先會畀心機溫下書，唔可以再咁懶惰呢！

平安夜，放工放早兩個鐘，是日頗為疲累，朝早主機嘅搬運已經消耗唔少體力，返到office除咗要處理新issue，亦要完成daily duties，而新issue衍生出唔少問題要即時解決，所以好多時候會被打斷，做做吓真係唔經唔覺時間流逝速度嘅快捷，話咁快就到食lunch時間，食完lunch過多一陣就可以放工，時間真係快過，而忙碌更加會覺得時間唔夠用。

沒有電腦用嘅日子並不好過，一整日等待著CPU fan 嘅來臨，結果換完都唔work，後來嘗試recover Windows，要remain files又唔可以totally format過，最後由見唔到畫面到不斷reboot，部電腦又再一次係假期前玩嘢，激死人啦！

無奈極了，昨日部電腦仲好聽話function得好好，點知…今朝開嘅時候竟然開唔到，原以為只屬短暫性，事實並非如此，惟有致電求救，得到遙距嘅教導，悉心清洗完仍然唔function，真係感到無可奈何。

時間比想像中過得快，不知所謂地過咗一日annual，都唔知做過d乜…返工再度體會不同嘅替換，呢一刻覺得空閒完全唔代表下一刻可以繼續空閒，選擇拖延唔係一個好辦法，今天嘅事應該今天做妥。過咗去話唔在乎，其實係咪事實呢？有比冇始終係好事，正如遲到好過冇到，存在時原來頗為愉快。一浪緊接著一浪，過咗一個星期就要處理另一樣issue，由一開始知悉到真正需要做嘅呢段period，徹底地沒有做過任何preparation，唔發生就話唔知有乜應該prepare，呢個明顯地係一個藉口，到真正發生時反而需要別人調頭協助，實在太唔應該，一個好嘅員工唔會容許有呢樣嘢發生…