復活節四日假期經已無聲無色地完結，今日係時候要收拾心情返工，前幾日差d搞亂日子，因為適逢學校放 Easter break 呢！呢四日真係…完全同計劃嘅唔同。放假有放假嘅生理時鐘，返工有返工嘅生理時鐘，所以今日要早起完全係自動自覺，仲要出奇地頗清醒，朝早發生咗件小插曲，明明可以做更多，但果一刻並沒有那樣做，難道呢d就係彼此相處之道？而返工由於 server 嘅問題，duties hold 咗大約半個月時間先容許 process，經過一整日嘅專注，回家後攰到乜都唔想做，只想休息下。試問如果日日如是，幾時先會有時間去做 revision？但好感激之前嘅時間，其實係好珍貴而稀罕又難得。

隨住時間嘅流逝，係咪事情總會變質？為何有種奇怪嘅感覺？是因為講多錯多嘅結果嗎？唔想去理會，但現實present咗個image出來，要視而不見扮無知？做好本份真係已經足夠？環境無法改變，要改變係自己嘅心態，其他人要怎樣做根本不能控制，要學會接受，談何容易？是疑心太重引起嘅問題？強烈嘅感覺使人難受…初期嘅計劃，及至後來無形中轉變，一切產生了不少疑問，疑問開始越來越多，去了解真係得到想要嘅答案嗎？選擇去trust，原來…

只要認為係take for granted，就唔會去重視唔會去珍惜…但係咪所有嘢都係理所當然呢？每日返工都會上網，上網呢個過程無形中變成生活嘅一部份，有時甚至認為上網好無聊或浪費時間，但原來可以上網係一種福份，當server壞咗而導致上唔到網一段period，徹底地會察覺其重要性…

近期d mid-term test同projects接踵而來，考完一科諗住休息一下都冇時間，一來日子非常緊貼，二來課程內容有好多唔明白嘅地方，需要額外擺多d時間做revision。不過今個semester d projects冇上個semester咁heavy，未止於要通頂完成。至於mid-term成績，實在太出人意表，可以講嘅係 expect <> actual，明明比其他人有信心，但turn out個分數比人低，無言以對……而existing較為困擾嘅係手痛問題，睇咗醫生就話冇問題，但仍然感到疼痛麻痺，仲要出唔到力，難道只是心裡作用？

好矛盾…“直接”唔係一個好方法，但“間接”真係好方法嗎？要“間接”去表達，但get到又有幾多呢？如果真係咁easy，早就已經KO咗。講就講得容易，但現實是否想像中那般簡單？interpersonal relationship係一門學問...

一路都覺得多咗會分薄駛，毫無好處，但原來個planning其實隱藏著優點，如果唔係，就唔會有時間去諗深一層，去了解更多，去協助他人…沒有任何發現時可能會覺得無聊絕頂，但只要有少少發現，繼而鍥而不捨去探索問題所在，感覺真係會180度轉變…

之前嘅懶散，係時候要好好彌補，呢一刻要開始努力發奮，唔係到考試真係唔知點應付。當埋首於study時，另一邊廂又被d胡思亂想影響，同一條問題思考咗無數次，時間經已過去，後悔是沒用的，真的不知道嗎？知道又為何繼續沉淪？令人十分費解…情況唔係未曾預料，但真正需體會時並不好受，同當初談及嘅有出入，不過已經知會了，要學會接受，既然冇人覺得唔妥，就代表沒有問題。有d嘢唔應該強迫去轉變，與別不同又如何？不該刻意改變呢！唔去比較其實可以少d煩惱，嘗試由另一方向思考，感覺真係會好唔同。

真係好疑惑？究竟點解呢？一個人體會到仲可以界定為錯覺，但其他人同時察覺到嘅時候其實已經証明事實嘅真偽…係開頭知道嘅一刻曾經思考過問題嘅因由，但原來情況比想像中嚴重呢！過於明顯了，亦証明的而且確有問題存在著。高超嘅技巧可以霎時將困擾嘅心情舒緩，實在太強勁，完全招架不住，及後就會發覺彷彿只係變魔術一樣，想解開嘅依舊存在…昔日嘅情景不在，突然之間變得好陌生，究竟係因為什麼而演變成這樣？

牛年首日開工，精神狀態欠佳，皆因生病了，雖則年初睇醫生唔係好意頭，但咳嗽嚴重到不得不睇呢！新年先嚟病，真係令人討厭，日日都彷彿沒有精力，結果整個假期都沒有心情做任何revision。今朝同事們派利是時氣氛好好，勁有新年feel，無論收或派嘅都好開心，除咗”身體健康”、”心想事成”呢類恭賀說話、仲收到”學業進步”，突然醒覺現階段讀緊書，真係好arm聽。

就算continue feel disappointed都於事無補，因為已成定局，凡事都係cause-effect relationship，呢個result其實係反映pay咗幾多effort…一個人抱有期望而達不到自然會失望，但得悉他人同樣地有所期望時，失望感覺更加強烈，果種苦澀滋味真係難受…不過始終都需要重新振作，為將來要繼續加油呢！沉痛嘅教訓一定要謹記。