唔經唔覺話咁快finish咗個semester break，今個禮拜開始要返學，比較特別嘅係今次需要返星期六，星期六日都習慣咗relax狀態，係時間要改變吓呢！自從新同事在廿四號返工後，發生咗好多事…有d嘢可能同新同事冇乜關係，但如果要找出關聯，總會有所原因…原來有d嘢遲早都會爆發，有好多嘢已經無形中出現，唔察覺有不妥係因為企係一個覺得冇問題嘅位置上…件事真係印象深刻，真係冇諗過會變成咁…發生咗嘅嘢已經發生咗，無論道歉幾多次，都是沒有用途的，惟一可以做嘅係在未來日子好好彌補，以及謹記曾經犯下嘅過錯。

每件事情總會有頂點，稍為超越真係可以崩潰，唔係每次都能夠隱藏，一旦到達忍唔住嘅地步，真係可以一發不可收拾…正正可能因為過於煩惱，上星期比滾水燙傷，傷勢比想像中嚴重，從中知道欠缺了基本急救知識…呢段時間返工mainly focus on training上，要train人所需要嘅effort真係可以好多，每一日完結時都會感到相當疲累，effort嘅多寡取決於要train果個人能力或者態度上…誤會是因為缺乏溝通所止，有d嘢唔講出來只會一個人獨自承受，講咗出來可能冇人理會，但至少唔會鬱埋…體驗多咗，學識嘅嘢都會越來越多，覺得唔夠別人強，下一番苦功吧！遲到好過冇到。有d嘢根本無法扭轉，但接受嘅同時應該讓他人了解擁有嘅想法…

好憎…好憎比人誣衊，好唔開心呀！講得清清楚楚，又話講咗去opposite，明明係因為沒有仔細聆聽…不發一言，轉頭做完就話剛才已經告知…係咪一定要咁過份？實在難以接受…一日仲存在，一日都要承受，好想解脫…nothing is impossible，係咪真係乜都可以改變？一個人嘅能力有限，總會到達崩潰之時…不斷去轉變，到最終可以得到什麼？

有時唔知道比知道好，知唔知道其實沒有一個準則，要知道嘅時候就會知道，想知道嘅時候可能未必有方法知道……唔係唔問，但問完有冇用心去聽係一個疑問，如果唔聽又點解要問呢？

今日做嘢做到好混亂…同事請咗sick leave，原本打算做嘅嘢完全冇時間去做，要handle嘅duties本應熟能生巧到應付自如，但做嘅時候竟然睇到出咗問題，當然問題嘅出現可能係因為唔同parties嘅出錯，不過個別process嘅時候係咪應該留意一下？如果同事今日冇請假，個問題分分鐘已經埋沒咗。

呢兩日搞add-drop，每次都勁好運，得返一個位都可以捷足先登，快人一步，add到心儀科目果種心情真係…好開心。Add唔到好自然會咒罵他人，但add到就會比他人咒罵。

又係semester break嘅時間，今次有around兩個禮拜嘅時間放鬆一下，同之前d semester有嘅時間都係差唔多，短短七個weeks嘅summer semester，選擇take咗兩科，慶幸workload都acceptable，而剛剛完成嘅examination，真係不願置評，寫咗一堆嘢，但答得啱唔啱就唔知，如果唔中point，就…

至於返工，情況越來越惡劣…上星期一，同事好有決心遞咗信，仲要喺未搵到工嘅情況下，果一刻覺得同事好灑脫，當然大家嘅處境唔同，好一個無後顧之憂。平時同事好少同上司直接交涉，但點解依然會形成辭職呢個狀況？當中隱藏住嘅有好多，而呢d因素究竟係真實定虛假？突然之間，好多嘢霎時被否定，一路嘅belief是錯誤嗎？感到好疑惑…

好耐冇update個blog，原因係乜？咪就係冇乜特別，就冇嘢好寫。每一日簡直平淡得不能再平淡…工作上一如以往，情況已經出現咗一段時間，接受事實嘅同時，應有嘅態度正在轉變中，而曾幾何時嘅感覺漸漸消失…讀書方面，話咁快完成咗summer semester，緊接著係考試，今次revision period多咗，但有點兒不知從何入手，其中一科係open-book，究竟要點revision？

剛剛完成咗科mid-term test，跟住要prepare暫時係份project，終於可以專心d做，不過時間仍然好緊迫，而今日test完發覺好多concepts尚未清楚，學嘅嘢只會越來越多，繼續累積只會越來越辛苦吃力，呢個semester真係乜都要趕...

講回一年一度嘅“盛會”，今年嘅感覺好奇怪，衡量唔到是好是壞，問題不但沒有解決，而且更加嚴重，但又彷彿等同於解決了一樣…早已思考過先後次序，但不能控制，最終出現了令人難受嘅地方，但有誰會知道呢？至於衍生嘅奇怪感覺，隨著時間流逝越來越強烈，強烈程度已經去到一個不能收拾嘅地步，究竟有冇辦法解決？大家都係人，點解對待手法會有出入？為咗peaceful，幾無理嘅要求照單全收，但真正需要解決嘅就遊花園，敷衍了事，唉……

話咁快完結咗一個星期，返學後時間過得特別快，一連四晚嘅生涯暫且未導致疲累嘅樣貌，但到星期四上堂時feel到個腦轉唔到…新知識不斷湧入，真係要盡快消化。一年一度嘅“盛會”終於知道時間，唔知道就想快d來臨，知道後就唔想到，想點？真矛盾…要嚟始終都會嚟，不能去逃避，擔心緊張係好自然嘅反應，事先做足準備功夫就會得心應手，與其去afraid倒不如做d實際嘅嘢去面對。今朝差d比句”做好心理準備”嚇死，雖然inform相關同事後不是大問題，但所謂嘅careless mistakes係要預防，遇上這情形，總會感到束手無策…

放咗一個月假後，今個星期開始要返學，由於summer semester只有七個weeks，讀一科要返兩晚，選擇了讀兩科呢！暫時每一科上咗一堂，其中一科要presentation，睇嚟要辛苦一段時間，今日果科有d迷茫，要下一番苦功。返工就…毫無進展，究竟有冇必要去提及下existing facing嘅situation？出現咗進退兩難嘅局面，不知道從何入手比較好……至於屋企，維繫住一貫嘅作風，又要問又唔聽、講乜都唔上心、待遇之差別…

情況越來越嚴重，之前都仲有時段性，宜家…簡直…how to solve？初期嘅抗拒唔係冇原因，真正體驗過就會清楚知道是否有該需要，為何仍要堅持？堅持唔係一個問題，但至少應該有後著、有適當嘅安排。曾經mention過嘅有幾多成咗事？雖然係咁，但總希望得到答案，得到嘅可能只係一堆謊言，不過只要令心情稍為舒緩，一切已經唔重要，有時人真係好矛盾，其實短暫嘅舒緩有何作用呢？又係時候一年一度嘅“盛會”，宜家每日都心掛掛，寧願快d做完，都唔知有乜計劃，經常性亂估呢！渴望盡快進行同serious嘅情況係相輔相成。

又過咗一個星期，感覺上呢個星期過得比較快，何解呢？近期心情唔多好，無論返工抑或屋企，都存在著問題…返工d free time越來越多，千祈唔好話羨慕，係經濟低迷嘅時勢出現呢個情況，其實係好危險…真係好疑惑，係咪當初嘅planning出錯咗？難道所有嘢都over-estimate？可以怎樣solve out 呢個status？屋企就…一如以往…各人嘅態度依舊，容忍係有極限，一次又一次，想點？唔係食慣就要一路食落去…