開始咗part time studies，既要返工又要讀書，原來真係幾辛苦…time mgt真係重要嘅一環，不過放完學回家後沖完涼都已經係時間上牀，唔係第二日返工就會冇精神呢！因此revision時間只好編排至weekend。要上三科，最difficult嘅係marketing，上完lecture仍然一頭霧水，呢科睇嚟要下一番苦功…至於工作上，上星期大事不妙之後果日，同同事傾過個問題，唔發生都發生咗，惟一可以做只有加倍努力。

變咗問題人，突然好多嘢想問想知道，事出必有因，選擇去問係發覺事情已經到達一個嚴峻嘅地步，個email簡直係當頭棒喝，email title足以導致唔想click入去睇內容，因為title所用嘅詞語難以接受，一路嘅謹慎小心一下子擊破，的確可以去抵賴別人，但…其實每個人都有責任，話雖如此，一時之間實在難以冷靜，打算分一分心，原來係不可能…… 

沒有抱著太大期望，但八號波真的懸掛，朝早面對出面風平浪靜嘅環境，真的感到難以置信，雖然今次係正面吹襲香港，但天文台沒有懸掛十號，因為「鸚鵡」臨場變卦呢！原本八月份沒有什麼特別假期，但到目前為止颱風嘅出現令打工一族額外多咗兩日假期，今次仲要撞正星期五，連放三日假簡直超爽。星期四夜晚出咗去同Jovis補祝生日，簡簡單單食咗餐飯，唔知Jovis開唔開心呢？*-)之後離開之際見到有奧運LEGO展，d手工好精細呀，唔知要整幾耐先完成呢？

平淡而帶點乏味嘅生活，根本沒有特別事情需要記下...是好是壞根本到呢一刻都依然難以判斷，it really depends on point of view，忙碌與清閒形成了強烈對比，但所謂嘅清閒真的是清閒嗎？上星期三去咗orientation，attend完後覺得有點兒無奈，到講解最想知道嘅事項時竟然簡略而過，仲要嚴重到搵個毋需借錢嘅人去講借loan，講同冇講有何分別呢？現階段面對將近嘅work plus study生涯，真的有點兒擔心，time management係重要嘅一環，真的需要好好分配編排。 

話咁快就完結咗一個禮拜…星期三嘅八號風球估唔到會懸掛差唔多十二個鐘，造就大多數打工仔額外多咗一日假期，是日又風又雨，最佳嘅消遣活動莫過於stay在家中休息一番；星期五嘅奧運開幕禮每個人都好期待，結果…相信大家都感到滿意，而電視台亦因為四年一次嘅奧運而抽起駛平時嘅電視節目不斷播映唔同項目嘅比賽。由於颱風嘅關係，只係返咗四日工，返兩日放一日返兩日再放兩日，簡直超爽呢！要deal with monthly duties，雖然開始時感到有點兒吃力，但時間嘅許可容許慢慢鑽研，鑽研嘅方向未必一定準確無誤，不過思考完對於當中嘅內容有一定程度嘅認識，未嘗唔係一件好事呢！

情況循環性地出現，呢一刻嘅平靜與前一刻嘅煩躁真係好大對比，一輪無謂嘅paradox擾亂思路呢！雖然唔係真實，但原來需要作出假設，也許感覺上並不好受，始終都唔係事實，不過假設都有假設嘅優勝之處…一時嘅卻步，好容易比人從後趕上，直至趕上後才懂後悔，未免太遲了。既然係認定嘅事情，就應該心無雜念落足心機去看待，在中間尋覓有何用途呢？實在太大意，為何重複提及也沒有留意，直至接近尾聲時，才毅然察覺出錯，無端端砍伐咗好多棵樹，太唔小心呢！當結果無法補救時，內疚只係多餘嘅行為…

終於可以休息一下，不過因為計劃咗去書展嘅緣故，所以都需要早起身，彷彿係每年嘅指定活動，但…其實書展有什麼吸引人之處呢？又要打蛇餅排隊又要同人迫，難道參展商嘅discount offer勝於一切？細心留意周圍，就會發現唔少人帶埋行李箱到場，但佢哋離譜到輾過其他人嘅腳都若無其事…今年買咗唔少書，嚴重到要警戒不要再購買呢！

究竟想acquire什麼呢？凡事總不能得一想二…根本沒有對與錯之分，問題只係從什麼角度去觀看。徘徊在中間位置，不但不會前進反而會後退，難道不知道嗎？”自尋煩惱”呢一句係咪代表著煩惱就是自我尋找而出？一定程度嘅顧慮係必須，但不要太過度…

先鋒嘅作用就係應該好好解決問題，擾攘咗一輪，結果要後盾出手才能find out問題所在，究竟先鋒係咪唔稱職呢？正正因為想得狹窄，往往導致做唔到做唔好，知道拉唔出仲偏要繼續強行拉扯，其實只要諗多少少，就會了解係因為其他嘢嘅影響所致…頭腦清晰就能參透當中嘅原因，只要稍微有偏差就開始胡思亂想，為何總喜歡兜兜轉轉？過於在乎只會導致痛苦，何不讓事情順其自然呢？想想有與冇之間嘅分別，其實事情不是想像中那般惡劣，要多抽身作多方面思考。一個估字意思遊戲，帶出嘅信息好positive，very impressed。

要徹底完全地就需要時間，冇嘢會一時三刻就會出現，至於等待嘅時間是否多餘？真係見仁見智。照道理多咗個幫手時間會變得比較鬆動，但因為到目前為止仍然是實習階段，even做妥後要double check才能確保準確性，再加上教導技巧嘅唔成熟，應該強硬時唔識強硬，真係要繼續努力學習。每件事情包括咗好多細節，如果要真正做到最好，功夫缺一不可，而在越細微嘅事上就更能體驗出來…慢慢開始放手，毅然驚覺原來一路以來嘅唔全面，以為有人處理就可以忽略，實在太大意。