經過一段落雨嘅日子，呢兩日眼見太陽伯伯嘅出現，真係既開心又興奮呢！經歷完煩擾嘅心情，呢兩日盡量嘗試著改變，原來action過後嘅心情真係會折然不同，只係一路都不能持之以恆。身邊發生嘅任何事情都有值得觀賞嘅地方，如何婉轉得來含有深度、如何憤怒得來保持平靜…可以學習嘅有好多，可以改善嘅同樣都有好多。

終於完結了，可以真正鬆弛下來呢！當初選擇報考一連兩季，為嘅係唔想拖住拖住，正因為知道今次溫書情況十分惡劣，所以同之前幾次唔同選擇咗放假，深知考試當日唔應該做任何練習，因此今日只係睇吓d handmade notes，even到今日，態度仍然係半勤力半偷懶，慶幸嘅係今次d題目比上次較為淺易，雖然做完都balance唔到，但至少感覺到做咗d嘢，唔似上次做咗都彷彿冇做般，如果今次practice多d study多d，一定會有好成績，不過今次係懶散咗…

明明係知道，但不去衝破，知而不行又有何用？這樣只會令距離越來越遠、局面越來越僵硬、情況越來越惡劣、感覺越來越難受…要在社會中生存，communication根本係不能忽視嘅一環，無論工作能力有幾高、工作態度有幾好都係冇用，要知道缺乏與人溝通係一個致命傷呢！越係困難嘅事情就越係需要去解決去處理…眼見好多嘢正正因為冇報告冇查詢冇交代而出現咗唔少問題，既然察覺出嚴重性，就應該著手更改…

搞咗一大輪，用咗大部份時間，結果…依然未完成，當初爽快嘅答應，到最終不能在限期中處理好，只因高估了能力及低估了繁複…由冇到有，一個file嘅誕生唔係一件易事，跟隨著既有嘅模式一成不變，深深體會出轉變嘅重要性，沒有事情是完美無暇，亦引証凡事總有改變嘅空間，能否從慣性中抽離，就要依靠是否諗得全面諗得廣闊…正正諗得唔夠多，就不其然會忽略teamwork 嘅優勝之處，往往單獨去埋頭苦幹唔作出任何查詢，result極之可能係meet唔到承諾…如果早一步諗到可以尋求他人嘅協助，事情可能早已解決，唔駛搞到宜家嘅半桶水…

慣性去問”點解”，其實一切只係知而不行，根本唔係唔知道，同一個問題出現咗無數次，每一次都重複著舊有嘅模式，鍥而不捨用諸多藉口去逃避去避開，這樣對整件事只有百害而無一利…每一次發生過後總會覺得唔應該感到內疚，但這又如何，唔錯已經做錯咗，再內疚也於事無補，對事情毫無幫助呢！面對一個容忍力非常好嘅人都唔去踏出，將來遇上嘅係未知數，呢一刻唔去打破，將來真的能衝破嗎？communication係雙向，問一句只懂答一句，完全唔識extend去講多d，唔習慣就要養成習慣，換個角度去想想，實況可以更加嚴重，情況可能更加惡劣…

總係覺得有d嘢，但…諗極都諗唔到點解，直至郁一郁肩膀感到痛楚後，才毅然察覺疲累附帶著影響…正因為平時冇運動嘅關係，宜家只係稍為做多少少郁多一郁，肌肉酸痛就會出現，係做嘅一刻根本唔會concern會否出得太多力度，但身體機能係會sense到…昨日只係輕微幫忙移動及執拾cabinets，結果…肩膀附近d肌肉扯住扯住…

嚟得太突然，以為可用平常心看待，點知……冇預備就係冇預備，又再一次啞口無言，浪費咗個chance…驚訝用咗一個好特別嘅開始，的確好有啟發性，過程中不斷提及想帶出嘅信息，雖然起初唔係好清晰，但經解釋後完全明白，的確呢d嘢唔會有一個time frame去fulfill，不過長遠都應該好好去改善，nothing is impossible，千祈唔好因為覺得困難就卻步，板係要撞一撞呢！result其實同估計嘅差唔多，但知道真正結果後感覺不太好受，也許因為容忍唔到退步咗嘅地方，因此需要加倍努力。

撞正落大雨嘅時間，仲要一路都冇瓦遮頭，結果搞到成身濕，好唔自在呢！出現狂風雷暴嘅時間難以估計…瞬間又到了financial year end，係時候要做一做"facial"，隱約聽到同事們做完嘅feedback，講到好似上戰場咁，未做嘅真係有d擔心tim…

累透了…在束手無策嘅情況下，相信了拆機為對付機器壞咗嘅辦法，但從沒想像過砌回原狀嘅困難，清理殘渣經已出盡九牛二虎之力，誰知重組時更需絞盡腦汁，最後因拆開時嘅唔小心，所以最終要利用唔少時間研究仍然唔function嘅因由，原來一切係內部裝置稍微移位嘅後果。一係唔講一係遲講，兩個都係不適當嘅行為，覺得方法被動，但不能主動就應退而求其次選擇被動，不可停滯不前…