尋日全日都貢獻咗俾迪士尼，成身好攰呢！不過今朝我仍要7:30am起床，為咗走去長沙灣見工，今次係見富城嘅APAO，尋晚我已經專登打電話俾阿叢攞料，佢都講咗好多嘢俾我知，仲幫我draft咗份通告tim，真係唔該駛阿叢呢！interview嘅形式同阿叢向我mention的差不多，不過interview途中我已經覺對prop mgt嘅認識唔多，係就係讀過少少，但係健忘嘅我係好快就忘記學過d乜，所以今次interview成功率應該很微，雖然我答得唔好，但係個interviewer仍然問咗我好多嘢，有時我真係要思考咗先答中部份answer，anyway，今次係我首次in prop mgt果邊d工，in完越來越發覺自己才疏學淺呢！當我驚覺自己今次可能會失敗時，果種諗法又突然出現在我腦海中，幸好今次嘅時間短暫，否則就……

今日同Sunny & Martin去咗Disneyland，多得Sunny個friend，所以我哋可以免費入場，如果今次係要俾錢就…唔抵啦！皆因今日Disneyland有好多人，乜嘢遊戲都需要花上最少半個鐘頭來輪候，排得嚟都天黑lu，不過我哋都玩咗幾種games，仲睇埋煙花tim，首次現場睇煙花，原來果種感覺係好震撼，雖然我哋唔係企在一個好嘅位置欣賞，但係d煙花真係好靚呀！去完真係好開心，雖然玩嘅遊戲唔多，但係我哋選擇出來果d都好刺激呢！

只有三個人去玩遊戲好唔方便，因為d座位多數容納兩個人，攪到一定要拆散其中一個，今次去就…次次都拆散Sunny同Martin，攪到我勁唔好意思，都話咗唔想破壞你哋兩個二人世界，早知就唔去啦！

晏晝Sunny突然來電問我明天去唔去Disneyland，在我完全冇expect嘅情況下問我呢d問題，我當然冇即時答覆，後來經過仔細考慮還是決定去吧，不過一諗到明天又要用錢，又感到有d唔捨得tim，不過都應承咗Sunny，冇得推掉呢！哈哈，不過我都係好期待明天迪士尼之旅，惟有自己控制自己唔好用咁多錢啦！

P.S.我細妹突然話明天係世貿首日，乜我唔驚有事發生？現在我真的有點兒擔心呢！

今朝嘅我又發脾氣啦！明明阿媽辛辛苦苦整咗d早餐俾我，我偏要話唔鍾意食，仲話佢餐餐都煮果d嘢，乜佢唔厭ga mei？唉…點解我會變成咁樣ga？屋企有人專登預備d早餐都唔識珍惜，難道想冇人照顧我mei？真係自己攞嚟賤，雖然之後嘅我覺得好內疚，但係講果時又唔覺自己有問題wor，何解我控制唔到自己的脾氣？？？人哋每一句hurt到我嘅說話我都會記得，現在嘅我竟然說出d hurt到人嘅嘢，理應我會明白別人的心情，所謂講者冇心聽者有意，好多時候一句說話往往被人曲解，但係我咁都發脾氣真係太過份了。

夜晚無端端俾人(鵝)住駛，想睇吓歡樂滿東華都唔得，我唔係唔想你關心我，但係你不斷追問我點解咁耐都未搵到工做，你想我點答你？搵唔到嘢做我自己都唔想，你估我想變成咁ga mei，成日話上網d工多數都係冇乜人做先擺上網，如果唔上網搵，你教我去邊度搵呀？叫我去勞工署搵，上次我係灣仔interview完已經上過去，果d就業主任話就話可以幫你轉介，但一封所謂嘅轉介信只有申請人名稱，然後大多數叫我send d resume出去，咁我又咪要等，等到有人肯叫我去interview，我冇嘢做我都唔好過，你估我stay在家中會開心mei，又話我好似唔在乎咁，又話有書都唔去讀，唉！如果你唔想見到我在家中咪出聲law，出去我又唔知點先搵到嘢做，咪選擇上網search吓，話我留在家中做埋d廢嘢，你唔清楚就唔好亂講，我宜家可以做只有等待，你究竟想我點？？？

之前用xanga，好多人都話唔方面留言，宜家呢個日記版仲可以用悄悄話留言，希望各位多d留言俾我啦！