今日又攪到成八點先放工，一路做一路做自己都唔知道原來時間已經係咁晏，公司唔鼓勵我哋開手提電話，佢寧願我哋飛條線去自己嘅內線，暫時我唔想比d無聊電話擾亂我，所以我將手機開咗(in 震機 mode)，跟住放入我個手袋，正因為我feel唔到有冇震機，攪到我阿媽狂call我，我明佢係會擔心我，但係好似太嚴重lei，其實我咁大個我自有分寸，宜家返咗份好工，連諗傻事嘅時間都冇，更何況我嘅心態開始慢慢改變，唔會好似以前咁諗埋一邊，不過下次如果又做到咁夜，我會記得打電話交待ga la。

今日好攰呀，成七點先可以放工，皆因放多咗一日假，攪到d documents累積咗一堆，我又唔熟手，每做一個steps都慢慢嚟，再加上我做完先知道做錯咗，又要重申做多次，所以我惟有善用我所擁有嘅時間，縮短自己嘅lunch time，為嘅係想做好d tasks，不過我仍然做得好慢，慢到我自己都接受唔到，我嘅partner見我做得咁慢又好似有d混亂，佢都叫我慢慢嚟，其他嘢佢自己做番，真的很感謝！正因為我嘅速度太慢，攪到佢冇時間教我新嘢，所以要到差不多放工時間才容許佢教我嘢，其實辛苦果個唔係我，我嘅partner又要教我又要做份內事，佢比我辛苦好多呢……

過去嘅2005年我經歷咗好多，踏進2006年，我希望自己事事順利同身體健康，亦希望各位返學嘅就學業進步，而返工嘅就工作愉快。

今日嘅我竟然遲到呀，點解會咁ga？？？講起遲到呢件事，都唔知係我蠢定我傻，話說我的上班時間係九時正，今日我八點九就到達office位於的大廈，一如以往，我當然係乘搭升降機上樓，殊不知打開門就發覺未拉開道閘，咁我就假定d同事遲咗少少返工，咁我就原lift搭落地面等，過咗大概五分鐘都仍見唔到有同事返工，我於是再一次搭lift上去，景象一模一樣呢，攪到我心荒荒，仲走去問個security guard今日係咪紅假，於是再等…等等吓我都懷疑公司係咪有問題，於是撥出我僅有的公司電話號碼打算查詢，點知又冇人接聽，再望吓手錶，原來已經踏正九點，我都要再上去博一博，道閘仍然冇人打開，係我束手無策嘅時候，幸好同我一齊搭lift嘅一個人遇到我相同嘅case，佢好機警地按下第二層的鍵，於是我就跟隨著然後再行上樓，係我login嘅時候已經係9:05am，我感到極無奈，雖然過咗九點，道閘都冇打開嘅，而office又得幾個人，勁多問號在我腦海中呢！

 及後當我嘅partner回來後，我即時一次過問駛所有我感到疑惑的問題，佢給予我答案時好鎮定，原來星期六日好少同事需要返工，又唔會開counter，所以要搭貨lift上樓，how come？點解冇人同我講過呢d嘢，激死我啦，攪咗我咁多時間，最唔gur係明明早到變咗遲到，講起就勁嬲law，不過就因為我有點兒憤怒，攪到我嘅工作速度有點兒緩慢，對唔住呀！我唔應該比情緒影響我嘅工作，我會努力改善的，當performance差嘅時候我唔可以賴呢樣賴果樣，我要對自己負責。

今日我又心不在焉啦，究竟發生乜事？或者係因為今朝一返到office就login唔到，攪到自己周身唔舒服，及後得到supervisor嘅協助才成功login，真係好失敗呢！之後supervisor又問我係咪覺得返工好驚，嘩！點解佢又知道我個心諗乜gei？我只可以俾個”勁”字佢，我真係未試過咁驚，但係我又唔知自己驚d乜，係驚做錯事定係驚俾人開除，無疑上次嘅事件對我做成一定的陰影，但係我應該要”經一事，長一智”，照計我唔可以俾果次經歷影響我，但係瞬間嘅我真係克服唔到那份陰影呢！

跟住supervisor又論及同事對我嘅感覺，只不過過咗兩日，呢間果然係一間communication well嘅公司，”cool”呢個字我記得中學時期已經開始有人用嚟形容我，估唔到現在thinking咁negative嘅我都係俾人咁樣形容，睇嚟我要學細妹話齋要變得富幽默感d啦！今日嘅我總括來說就係……需要學果d嘢又唔明，唉…我再唔可以咁頹廢，我要發奮呀！！！

今日嘅我唔知發生乜事，成朝都心不在焉、冇(尼)精神，又可以話只有軀殼沒有靈魂，係就係好似誇張咗d，但今日嘅我真係大失水準，雖然做錯嘢嘅頻率不高，但係都會影響整體表現，因此有一段時間我在自責中，在自責嘅同時我又同自己講”唔可以再係咁樣，我一定要做好d”，不過我仍然還未恢復到狀態呢！幸好晏晝好返少少，於是就專心地聆聽我partner嘅講解，佢今日又教咗我好多嘢，好充實呢！越臨近放工時間我就越擔心，擔心supervisor又會突擊俾個testing我，始終今日嘅我實在太不在狀態，最後慶幸佢都冇問我任何問題，不過我知道自己未完全明白所學，所以我都有惡補ga。

今日嘅我終於有工開啦！懷著緊張又擔心嘅心情回到公司，發覺膽怯的心情並冇減少，說話時仍然斷斷續續，不過我希望以後嘅我可以大膽d同埋諗嘢可以positive d，呢間公司俾我嘅感覺頗好，我sign完張contract個supervisor就教我用影印機，之前做果間教都冇教過我，兩間嘅分別真係好大。呢間公司嘅好處就係無論果件事情簡單定複雜佢都肯教我，而我又比較鍾意今次嘅工作性質，心情真係好唔同，今次嘅我開心好多，雖然lunch都係要自己一個食。

我個post都係著重用excel呢個程式，而我對有關方面亦有相當理解，乜嘢VLOOKUP、MAIL MERGE我統統學過駛，所以就比較容易上手，問題係每一part要做嘅都會涉及多個drives，所以我都會mark底都埋盡量記住d steps，最令我驚訝嘅係臨放工前個supervisor竟然問我今日學咗d乜，然後仲要我講返d steps比佢知，幸好我嘅partner教完我會俾我試吓，之後仲會俾d時間我消化，最後都答中大部份，及後我都發覺我仍未講出全部，我會比心機去學ga la。

呢幾日嘅我都過得有點兒無聊呢！日日都只不過待在家中，感到相當沉悶…最開心嘅時刻莫過於同阿媽&細妹出去買衫，除此之外，留在家中睇電視就係我嘅家常便飯，今年連睇燈飾嘅環節都刪去了，日日都係無所事事咁度過，真係羨慕一d可以出去狂歡的朋友呢！

聖誕節快樂！！！
I wish you all a Merry Christmas！！！

由11月中一路搵工，搵搵吓話咁快到12月尾，原本打算3/12之前應該搵到嘢做，日期一次又一次被（壓）後，仲諗住搵工係件容易嘅事，點知實際上係會有好多因素影響間公司請唔請你，日子於是set嘅到16/12之前，一心諗住有份新工provide offer比我，然後就當係自己一份big gift，點知事與願違，到我生日果日都仲未有人請我。我在生日前後果個禮拜嘅搵工速度逐漸放慢，或者係因為自己已經冇咗應有果份幹勁，於是，個人越來越變得頹廢，對自己完全失去信心，嚴重時嘅我仲諗過做傻事。現在越接近25號我越渴望有人請我，皆因原本SOGO有叫我返去wrapping，當時嘅我認為wrapping會阻礙我搵到一份長工的機會，所以拒絕了，假若在25號都冇offer俾我，我就會覺得我浪費了一個earn money嘅chance，跟住又會進入一個不能自拔的自責狀態呢！自從昨天interview完回家後直至今朝，我個心好掛住昨天嘅interview ok ng ok，今朝終於比我等到啦！等到一個我認為頗僥倖又幸運的result law。