今日做嘢速度極慢，平時用最多三個鐘完成嘅task今日要用成五個鐘，都唔知自己發生乜事？或者係因為月頭嘅關係，明知有好多嘢需要prepare，個人一心急d工作就越亂，好似乜都堆埋駛，簡直有種分身不暇的感覺，雖然看似好辛苦咁，其實要做嘅嘢真係唔多，更何況我勁享受”忙碌”呢種過程，不過我覺得最重要嘅係要檢討點解會做得咁慢。

各位俾我煩過嘅人，真係對唔住呀！Sunny你講得好arm，每一樣嘢我都會作出好多假設，明明件事係可以好簡單，但係我諗東諗西，將一d冇關係嘅嘢混為一談，當我解決唔到，我慣性搵人幫忙，唔止希望別人幫我分析，仲嚴重到想別人替我去作出決定，我真係好幼稚、好冇用，我咁做完全係唔想背負責任嘅行為，一路以來總認為自己有責住心，原來我係徹底地缺乏”責任感”呢樣嘢…

每一次派糧單，我個心就會好唔舒服，因為自己嘅人工比其他人低，at that moment先發覺原來自己係好著重”物質"嘅需求，成日口口聲聲話自己唔在乎”物質”，但事實並非如此。

最近除咗諗”得”與”失”，仲有諗”信心”呢個問題，對於某一樣嘢連自己都冇信心做得好，就算別人比幾多鼓勵讚賞，根本都冇用，自己都冇信心去做好，人哋又點會覺得你做得好，無奈我就是缺乏”信心”，我對自己所做的一切都會懷疑，經常覺得自己做得唔夠好，又或者覺得我做嘅嘢係冇用，因此今日放工我終於鼓起勇氣同上司講出我嘅感覺，其實我明知佢會俾乜答案我，但自己將d嘢屈住好辛苦，雖然佢給我的answer我早就預料到，但我心情舒服咗好多呢！

最近我思考緊”得”與”失”嘅問題，人好多時候付出咗努力但未必會得到希望嘅結果，又或者得到咗一樣嘢其實可能會失去另一樣嘢，咁究竟我哋係咪凡事都應該計算過才去作出決定呢？”得”與”失”同時令我諗起”計較”，我發覺好多事情我都會斤斤計較……

一瞬間原來喺呢間公司已經做咗三個月，今日剛剛過咗probation，感覺冇想像中咁興奮，未試過經歷仲以為會好特別，但原來過程係好平凡，我仲以為會傾吓我d performance，但事實並非如此…Sunny今日提醒咗我一樣嘢，就係當我係新人嘅時候，別人當然會關心我，但日子久了，當我在別人關心時沒有給予反應，咁人哋就會減少所謂嘅關心，多謝Sunny你嘅提醒，的確最近心情down唔多唔少都係因為好似冇人關心我咁，過咗probation標誌住我已經唔再喺一個新人，凡事我都應該主動d，過於被動係冇用的。

今日心情好down、好唔開心呀！明明平時嘅星期一可以過得好充實，點解今日會有空閒時間？難道又係因為我做得太快？我真係唔知點解我會突然極度唔開心，呢一刻我真係冇駛心機，做乜都冇駛mood，難道在生活中找出樂趣真的很困難嗎？？？

一心諗住會冷戰幾日，點知自己懦弱到唔識去堅持，其實果種憤怒可能只係火遮眼先出現，冷靜咗分分鐘會發覺其實係一件芝麻綠豆嘅小事，我份人就係咁簡單，起起跌跌嘅過程會好快，你今日激嬲我，聽日就當冇事發生，不過今次呢件事我會銘記於心，我明有時我唔講好過講，但係如果個個都唔出聲係會產生好多誤會，有時講咗之後我會反問自己點解一定要堅持講出來，唔講咪唔駛比人鬧law，咁自己咪唔會唔開心，但係唔講又好似好冇責任感咁，唉…矛盾。

尋晚發生咗一件令我好唔開心嘅事，雖然一路而來我都有間歇性經歷，但昨夜的經歷令到我個心好傷，一諗起果件事我就會忍唔住喊，今朝返到office我真係唔想再諗，無奈自己控制唔到自己嘅思想，坐係個位度d眼淚不斷湧出來，想唔喊都唔得，幸好我個位只對住我上司，因此冇乜邊個知道我喊過，出咗嚟社會大學應該要成熟d，但係我仍然好幼稚，連控制情緒都冇能力，點解我唔可以堅強d？？

人越大，要思考嘅嘢越多…有好多嘢以前諗都未諗過，但現在要學會一一面對…慢慢發覺人真係好矛盾，冇人關心嘅時候就渴望別人抽時間去關心，但過份嘅關心就會令人有壓迫感，甚至去到一個想抗拒的地步，咁究竟係想有人關心定冇人關心呢？我好質疑點解冇一個平衡點，點解凡事都會偏向某一邊？？其次我想講嘅係壓力問題，原來每個人都會有壓力，唔出聲唔代表冇壓力，出咗聲唔代表壓力舒緩咗，無形嘅壓力係會充斥住每一個人。另外，做一個在父母眼中嘅乖乖女原來係要相對地失去另一樣東西，難道真係冇辦法可以兩者兼得？

今日過得好充實，所有返工時間都比我fully utilize駛，好嚮往呢d日子、好enjoy忙碌的過程，忙碌可以令我唔分心去諗其他冇用嘅嘢，其他人會prefer多d空閒時間，但我寧願廿四小時都做緊嘢，因為就算有空閒時間，我根本都冇嘢可以做可以讓我消遣，最後還是浪費寶貴的時間，例不如用盡d時間做d稍為有意義嘅嘢……