今日過得好充實呀！d返工時間俾我fully utilized駛，每分每秒嘅我都係做緊嘢，好enjoy呢！其實呢個情況出現嘅機會係萬分之一，今日俾我感受到可以話融合咗天時地利人和，總知需要我去做嘅今日都統統俾我自己一個人去做番，呢種返工生涯就係我想擁有的。無論要做嘅嘢有幾微不足道，只要有嘢俾我做，我就會努力去完成，宜家嘅我有時都要摺吓d信，每次當我正在摺信時，我都會諗起之前係維園返attachment要摺poster嘅日子，呢d嘢睇落的確幾無聊，不過我好記得Stephen Beech在我做attachment期間同我講過凡事都應該eager to learn，我係時候又要專研一下何謂”eager to learn”。

前陣子我突然發覺自從返咗呢份工後，個人開心咗好多，自己好似好耐無喊過咁，不過今日沖涼時我d眼淚又不其然流了出來，呢段日子每日我都在審判自己，唔明點解自己要成日口不對心，唔明點解攞d勇氣出來都當作係一種難事，唔明點解自己缺點多多優點極少？今日嘅我比昨天還黑仔，一朝早我部電腦竟然開唔到，唔知係咪個hard disk俾我整壞咗，我知嘅係呢幾日都俾我遇到d麻煩嘢，都唔明點解d嘢唔係發生在我身上就第一個俾我發現，攪到IT同事要作出緊急維修，冇得用自己部腦惟有用住另一部電腦先，唔知係咪用慣咗自己個部，一用第二部就周身唔自在，後來IT同事幫我換咗主機，我又要重新map返d drive，add返d bookmark等等，之後又要部電腦做testing，搞到我用一陣停一陣，所有工作都需要斷斷續續，好唔習慣呢！

其中一個程式又勁hang，攪到要晏畫先整好，我又要download 果d files再upload返上去，最後要攪到成七點半先可以收工，要記住我仍然未整駛全部，不過d speed咁慢，惟有等待明天才continue，不過今日嘅我真係好攰好攰，或者因為”攰”嘅關係，自己心情有點兒低落呢！回家後我不停地反省自己今日的表現，discover到自己做錯咗好多嘢，無論係工作上定係待人處事方面，發覺好多地方需要改進，我知我的無知的確浪費咗大家好多寶貴時間，耽誤咗同事做嘢或食早餐等，我亦知道自己欠缺了幽默感，好多時我會心直口快、衝口而出講咗d 唔應該講嘅嘢，對唔住呀！我嘅無能反而加重了大家的負擔……

今日勁黑仔，一開部電腦就有兩個頗為重要嘅程式壞咗，攪到我以為今日係黑色星期五tim，本來佢壞佢嘅事，不過我d duties就係需要利用果兩個程式，因此我嘅速度慢咗好多，唔知係咪個問題太嚴重，IT同事整到晏晝先整好，而我仍然在一個頗輕鬆的情況下繼續扮忙碌地工作。開始發覺自己做嘢有點兒衝動，有d嘢未得到上司的允許就做咗，最敗就係上司話d嘢未settle好ga bor，但我已send了email出去叫人follow，無計啦！有時做完自己嘅duties又唔知做乜好，咪搵其他嘢嚟充實吓d時間，唔係我唔想通知我上司，只不過見佢咁忙我又不敢打擾，一打擾到別人我個心就會唔舒服，但係其實我唔出聲我上司又知否我冇嘢可做呢？出聲問又好似好冒昧，唔出聲問上司又會覺得我做極都做唔完咁，都唔知應否出聲，唉！！！

今日放工打咗個電話搵Sunny傾計，其實我都唔知有乜好講，或者只係想聽吓佢把聲，諗諗吓原來大家都好耐冇見，唔知city同學仔幾時先有敍會呢？唔係唔得閒又話太攰，睇嚟約十年都約唔到一日lu。一路講一路發覺”去”或”留”其實有好多因素影響，份工令人做得開開心心，有人會唔計較收入的多寡，因為快樂時光已經遮蓋其他嘢；又或者份工要做到好辛苦，有同事走咗阿head叫你做埋果堆tasks而又冇心再請人，只要收入係樂觀，甚至係一個滿意嘅數字，你就會唔捨得走，雖然覺得好辛苦，但係亦因為個收入金額而令你想繼續留下來。好多時我會諗讀完個associate出來我係咪甘心只有微薄的收入，其實有邊個唔想”人望高處”呀？每個人都會祈求可以升職加薪，但有時現實就係需要從底做起，唔係你想要就會俾到你，更何況自己不但冇工作經驗，而且讀個科又唔係專門，人哋讀咗個專科出來搵嘢做當然會有高人工，諗起我份人工比起其他人係低成截，都唔知係咪應該感嘆呢？

Sunny，我只可以同你講你份人工的確令人好吸引，其實只要係你接受到份工要cover嘅所有duties，就算其他同事相繼離開，你都應該remain unchanged，不過如果真係接受唔到，咪一路做一路搵囉！

仲有呀，其實我做嘢真係好快咩，點解我唔覺gei？

今日嘅我又再一次進入了自我審判的階段，我會懷疑自己做錯嘢，我會質疑自己的態度，我會諗自己係咪阻手阻腳……好多好多疑問充斥在我腦海中，但我對有關疑問找不出真正的答案，例如我會好concern別人對我的冷淡，不過可能我看起來的冷淡根本不是現實，但我始終都認為自己有問題才導致”冷淡”情況出現，於是我會沉思，繼而變得越來越靜，靜到一句說話都不願講呢！

今日放工好似比人趕走咁，攪到我極之狼狽，場面有點兒滑稽呢！話說我真正放工時間為六點，在大概四點時有個IT同事through MSN問我可否在六點reboot我部腦，當時我嘅答覆係如果我做完我d duties咪ok，那位同事在五點四十五分已經出現在我面前，佢走埋嚟問我做完d duties未，我話六點就可以交腦俾佢，於是踏正六點佢就走埋我身旁，於是我立即logout俾佢攪upgrade d嘢，而我係未走得，因為有d信要(摺)，但係呢位IT同事就成日提醒我已經六點了，為何不離開呢？我都唔知應該點answer佢條question，攪到我有點兒無奈，於是我繼續(摺)我嘅信，佢繼續佢嘅upgrade程式，及後我將(摺)好咗嘅信放在另一個地方，而我只不過離開我座位半步，兩個IT同事就圍住我個位研究upgrade果個問題，我的手袋仍然放在我座位附近，於是我用最快速度攞開我的物品然後讓個位俾佢哋研究，而我就企埋一邊執拾我的物品。

擁有兩種性格嘅我旁人可能根本唔知道我個心點諗，同樣地我都唔知人哋個心諗緊d乜，正因為我欠缺呢個能力，有時嘅我會無端端揣測別人的心理，不過我多數都會估錯，不過其實點解要揣測別人的心理呢？大概因為自己冇咗一種俾人認同的感覺，冇人認同你就如孤獨一人作戰，最慘就係結果永遠都是負方，幾努力都達不到”win”呢個地步，咁就會變得好痛苦。在我嬉皮笑臉的同時你們又知否其實我好唔開心，又或者其實我係開心嘅時候我又會扮到無所事事，不過呢種情況只會間歇性出現，因為唔知一次我比人看透了我的心，別人有這種能力又何解我欠缺呢？睇嚟係因為我沒有一般人擁有的觀察力吧！凡事我只懂做好而不懂去探索背後的大道理，I am so useless。

今日狀態極差，唔知係咪因為尋晚出咗去同中同食飯嘅關係呢？返工已經feel到自己有d唔舒服，不過嘢仍然要做ga ma，工作在平穩情況下順利完成，返到屋企做乜都已經冇駛心機，問題在於我唔係攰到想瞓覺，只是我嘅靈魂唔知走咗去邊，又感到自己有點兒腰酸背痛，總知就係周身唔舒服，直至夜晚我嘅精神先好番少少，雖然係咁，今日嘅我除了欠缺應有的精神外，還欠缺應有的忍耐力，對住唔同嘅事情我發咗好多場脾氣，明明可以心平氣和嘅我，點解會變得咁暴躁，難道我個心太過煩擾呢？？？

呢兩日回復現狀，就係每日都只需run一日嘅report，所以時間好用咗好多，有d時間仲好似冇嘢做咁，不過幸好係月頭，始終有d嘢一個月先做一次，咁我就利用果d所謂嘅空閒時間做monthly duties，雖然係咁，但係我覺得自己幫唔到手，做嘅嘢相對嚟講實在太minor呢！有時唔知係我做得太快定係果d duties根本需要利用短時間就能完成，往往總會有多餘的時間，天生辛苦命嘅我唔好講話”悶”啦，眼見別人好忙好煩惱，而自己又幫助唔到佢，果種感覺好難受，我嘅(他)(條)同人哋嘅忙碌形成極強烈的對比呢！

今晚比兩個中同約咗出去食飯，唔知係咪太耐冇傾過計，大家嘅話題已經唔同咗，話題唔同其實問題不大，最大問題係我聽極都唔明佢哋講緊d乜，因為佢哋一早約咗去行街先，然後等我放工才join我，佢哋已經知道對方的一些事情，本來應該係開心嘅我都突然變得好靜，靜到佢哋係咁問我係咪返完工好攰，我並唔係攰，只是覺得自己格格不入，同佢哋完全冇話題，點解會變成咁gar？明明之前都有共同嘅topic可以討論，今日比我果種感受好惡劣。

今日開工lu，諗咗成晚應該點交SOGO買果份賀年食品俾相關人仕，諗極都諗唔到，最後惟有帶着膽怯的心情交到他們手上，整個過程尚算順利，他們的反應比預期好好多，及後在上司手上接過開工利是就正正式式開始要博命，因為放咗幾日假，所以今日要一次過做五日嘢，我唔怕辛苦只怕混亂，因此每個steps都慢慢嚟，唔知係咪冇做幾日，攪到有d嘢miss咗，幸運嘅係我發現得早，否則又要從頭做過，不過亦因為要做五日嘢，d時間好似過得特別快，連check地址時間都冇，我d速度實在太慢了，連做少少嘢都做唔好，自責……

原本lunch已經打算去飲茶，因為好耐之前A department果阿head已經約好我同我上司，點知我上司又約咗B department d同事食飯，於是上司問我去飲茶定同佢去食飯，呢個難題真係考起我，正所謂手掌又係肉手背又係肉，兩個都係上司，邊個都唔可以得失，呢個難題真係難解決，在我思索中我上司已經同我選擇了，不過咁做又會唔會得罪另一個呢？

今日真係唔想同阿媽去親戚家拜年，不過昨夜發生咗一段插曲，攪到我今日唔離開屋企唔得，呢件事可以話係因為我一時沉唔住氣而導致的後果，不過算了吧，唔想去都去咗lu。呢兩日去親戚家拜年俾我見識到好多嘢，有d嘢令我產生憐憫之心，有d嘢令我明白唔係個個人都會斤斤計較，有d嘢令我知道前一代嘅所作所為對後代原來會有咁深遠的影響等等。話咁快就完咗三日假，明天就要開工啦，呢幾日好似冇貢獻過任何嘢咁，彷似虛度而過，睇嚟今晚我要養精蓄銳迎接明天的開始，否則我又會不在狀態呢，要努力加油呀！