今日晏晝又要出動去見工，成朝個腦不斷尋找十萬個藉口話唔想去interview，呢d情況經常出現在我見工前嘅時間，唔知點解好驚走去interview呢？後來在ICQ見到陳仔online，於是同佢傾咗幾句，佢叫我唔好諗咁多，去完都唔知人哋請唔請你ga la，我所afraid嘅又未必係事實，試咗先算啦！雖然佢只不過同我講咗幾句，但已對我起了很大的作用，在此感謝陳仔嘅鼓勵。差不多三點就到達interview嘅地方，去到都係循例填form，之後做咗個computer test，然後先進行interview呢個過程，在臨完結時，個interviewer突然問咗我一樣嘢，當時嘅我感到好突然，因為佢可以一觸即中。

今晚Coco約咗我出去灣仔食buffet，佢話餐buffet當作我份生日禮物，其實佢係想介紹一位朋友俾我認識，從而睇吓佢有冇工介紹俾我做，Coco同Sunny真係用心良苦啦！兩個都在不同時期介紹d人俾我識，真的很感謝！我哋去咗灣仔合和中心果間R66旋轉餐廳食buffet，原本Coco約咗我六點九地鐵站等，我今次又遲大到，成七點九先到，真係超級唔好意思tim，今次純粹係我判斷錯誤，一心諗住搭巴士會快d，點知我冇concern塞車的問題，下次都係寧願用多d車錢搭地鐵啦！間餐廳超好feel，可以高空睇香港d夜景，又有專人唱歌，雖然我唔係好鍾意食buffet，但係間餐廳嘅環境令我好舒服，而最勁當然係餐廳嘅360度旋轉啦！

今日接近中午時份走咗去西灣河同一個親戚飲茶，我阿爸原意係希望果位親戚介紹d工俾我做，席間她問及我往後有什麼計劃，我即時無言以對，對於將來…我只知道見步行步，但實際我想向那一方面發展我真係唔清唔楚，對於前景我仲有點兒迷茫呢！我明白搵咗成個月工都冇人請，自己係有一定的問題存在，但係係咪一定要靠人事嘅幫助呢？我無可否認人事關係其實可以幫到一大把gei。她同我傾咗整個晏晝，講嘅多數係佢點take care佢屋企人，佢點由零直至現在事業有成，點樣將自己的生活提至有質數等等，無疑佢嘅成功可以當係我一個借鑒，但我質疑自己有冇佢咁嘅毅力，更何況我適應能力冇佢咁高呢？

另外，剛剛睇完本書，其中一句話”失戀不用死，也不用急就章找個人填補，因為戀愛是一輩子的事，不可兒戲。但失業不同，一定要找工作，沒有工作除了要捱餓，消沉得太耐，人會失去鬥志。”的確我因為失業呢個問題已經開始失去我應有的鬥志了。

嘩！今日嘅我唔知點解好攰呀！到目前為止，我已經瞓咗十四個鐘，要記住全日都只不過係得廿四小時，佔咗足足大半日呢！冇嘢做我個人就變成咁樣，本來雄心壯志嘅我越來越變得極度頹廢，或者係因為一次又一次嘅挫折令我覺得人生根本就冇乜意義，瞓可以短暫地令我忘記煩惱。再加上近期天氣凍咗，冇乜特別我都不大願意離開溫暖的(被)(舖)，因為我好怕凍，手腳經常性處於寒冷之下。其實凍只係一個藉口，真正原因係我懶惰only。

P.S. 雖然瞓咗都有十四個鐘，但到呢一刻我仍然想繼續瞓呢！

究竟乜嘢已經ok lei？咪就係...(登)(登)(登)(登)graduation同迪士尼嘅相已經upload咗上網，邊個想睇就俾個email address我啦！

呢幾日屋企人經常性話我係一個好得閒嘅人，又怪責我冇做果樣冇做呢種，對我諸多要求，我知道佢哋好唔鍾意我stay在家中冇所事事，但係我又可以做d乜？難道要日日都走出街hea？成日都話放得上網嘅工都係唔好ga la，如果係好嘅工都唔駛登告示，我當然清楚明白呢個事實，但我個network係好細好細，要我搵個人介紹份工俾我簡直難過登天，咁我只好靠電腦幫助我，對於冇嘢做我都感到好煩惱，成日叫我去讀”再培訓”果d課程，但據我所知果d course只適合40歲以上嘅中年人仕；另外，佢哋又成日叫我去外國讀埋個degree先，我真係唔想求其搵個degree programme去讀，我亦明白經濟上係唔許可我咁做。當佢哋話我係個得閒嘅人時，我個心就覺得佢哋嫌我悠手好閒，嫌我冇用(連搵份工做冇能力)，因此我便會突然發脾氣，心情從此down下去。

今日又要去見工啦！我已經唔想再見工啦！次次interview完都係等消息，究竟幾時先有人俾機會我呢？今日見果份工係through我阿媽嘅朋友介紹，屋企人實在太渴望我搵到份工，所以佢哋都會刻意係別人面前提及我嘅需要，雖然我總是覺得靠自己嘅努力去get a job rather than靠別人幫忙，但係佢哋一番心意冇理由拒絕ga ma，咁惟有接受啦！之前我完全唔知道間公司可以offer d乜職位，直至我填咗form先知道原來係general clerk，一個完全唔陌生嘅職位，點知個interviewer睇完張form就話我嘅學歷太高，好似唔係好適合做呢份工，佢expect個interviewee冇咁高學歷wor，我見我冇乜經驗咪打算從低做起，點解d interviewer唔係話我冇工作經驗就話我學歷太高，呢個社會究竟需要d乜人呀？我係咪做乜都唔適合呢？唉……

今日係我嘅生日，亦標誌著我老咗一歲啦！今朝唔知點解好唔開心，或者係因為之前Sunny話夜晚有節目，但係直至朝早仍未收到佢嘅電話，又加上冇乜人(包括我細妹)祝賀我，感覺好似孤獨一人咁。但lunch時Sunny終於來電，我仲以為cancel咗個節目，點知佢話唔記得通知我，好攪笑呀！約咗7:00pm佐敦等，我成7:15pm先到，哈哈…你哋應該唔介意gei，因為我係壽星女ma。跟住上咗去一間好好feel嘅café，雖然坐咗一陣就要轉吓post，再加上d嘢食麻麻，但係個環境幾好，又見到各位同學仔，都幾開心ga。我哋食完就玩，玩到一半突然d燈暗咗落來，跟住播咗首生日歌，個staff攞咗個蛋糕出來，你哋同我唱生日歌果一刻真係好感動ga，整個過程令我好深刻，超開心呢！之後又玩七級豬，呢個game勁好玩，最後彼此都能盡興而散。

今晚又突然好嬲呀！話說我想upload digital camera d相入電腦，咁我咪插條USB線law，上次部機hang咗我阿哥話係關於USB插頭，而佢認為過dc d相唔好直接用USB，因為接駁相機果個位容易爛wor，咁佢專登買咗部card reader安裝咗係佢部腦，但係我用果部電腦又冇呢舊utility，我心急upload d相咪破例直接用USB，點知我阿哥話我整壞部機，又話點解唔用佢買返嚟嘅card reader，我唔係唔想用，不過佢由頭到尾都冇教我點用個card reader，我又驚用壞咪行捷徑，俾佢鬧完一餐所以好嬲law。

今日晏晝又去咗見工lu，見工呢樣嘢開始令我感到麻木，今日嘅我又再一次想逃避，或者係因為interview嘅時間係中午，攪到我唔係好想出去囉，不過最後都有去interview，諗諗吓，呢個禮拜都出咗好多日街tim，搵工嘅狀況簡直…等於零，日日都好似好攰咁，究竟我發生乜事？

今日嘅interview形式係傾計feel，interviewer問咗我幾條問題之後都係話我冇相關工作經驗，唉！我宜家都補救唔到d乜，望嘅係有一間公司俾我gain返d experience la，今次interview嘅成功率我唔敢估計，我只覺得個interviewer幾nice，in完之後我反問自己係咪應該選擇第二個preference而唔應該choose office果d工作，冇工作經驗原來真係好麻煩ga。