今朝佢哋竟然可以留番我呢個part-time自己一個企貨場，真係不可思議，起初冇乜客人都可以招架到，後來一次過幾個客要鞋就攪到我心煩氣燥，要知道客人係唔可以得失，所以惟有冀望客人將就吓，幸好冇俾我遇到d麻煩客。而今日個full-time probation又窒住我，數鞋數咗一個鐘都仍然錯嘅佢好心自己檢討吓，唔好成日話我呢樣話我果樣，佢最叻就係扮嘢搵著數偷懶，對多佢一日我真係想死，慶幸聽日佢放假，最後果日唔駛見到佢真係好啦，不過域拖你一語驚醒夢中人，的確我成日都會俾唔同人針對，呢個full-time probation係一個好例子，或者係因為我太懦弱嘅關係，人哋話我鬧我我都唔會還擊，唉，我真係好冇用，成日俾人(蝦)俾人欺騙都唔知，我根本冇成熟過，唉……

無論係出面定係屋企，每每我付出咗都冇人賞識，又得唔到應有嘅收穫，真係令我心灰意冷，我唔明點解現實會係咁，斤斤計較係唔應該，但係就算我唔去計，你哋嘅冷言冷語，事實俾出來嘅答案往往令我好難受，我真係好心淡好心淡…

今日返工有點兒憤怒，皆因有個full-time probation成日(質)住我，雖則我只係一個part-time，但係佢都唔駛扮醒目，假假地我係SOGO三樓都做咗三個月，佢做咗只不過十幾日，我知嘅嘢比佢多，有d嘢正因為我明知我擁有嘅data唔update才問佢，佢不但冇俾實質答案反而同我講咗堆廢話，唔知道佢可以答唔知道，佢唔駛胡亂講胡亂吹，我真係頂佢唔順，不過還是算了吧，SOGO以後嘅好與壞與我冇關，我唔駛咁執著佢同我講個d乜，因為至少我同Ame呻完，個心舒服咗好多，真係唔該駛Ame。

今日係復活節假期嘅第一日，過咗呢四日紅假，要直至十二月先會再次有一連幾日紅假，本來我應該好好珍惜呢幾日假期，不過最後我放棄咗，我選擇返SOGO幫手，或者你哋會話我傻，有假都唔放，係咪唔夠錢用呢？的確我唔知我嘅選擇係咪一個錯誤，就算真係唔夠錢用其實可以平時減少d無謂開支，所以同錢冇關係，我究竟為乜而返去做part-time呢？或者係因為我欠缺推掉別人邀請嘅能力，又或者因為我想返去證實一d我一路以來誤解的事情，不過無論如何，唔應承都應承咗，我要提醒自己嘅係我只不過係part-time身份，人哋做得幾唔arm對我嚟講冇影響，唔需要為咗d無聊嘢而憤怒，純粹四日，何不用開心嘅心情去度過呢幾日，今日都冇乜特別，只知道有d嘢我已經忘記咗，d客問我果時我只可答”唔好意思，我唔清楚”，雖然呢句會令客人有壞印象，不過我唔可以亂講d資料ga ma，係咪？

今日嘅我又勁冇mood啦，都唔明點解會咁gei？一冇mood就算同我開玩笑我都唔會有反應，d同事見我冇厘精神，佢哋話聽日有假放叫我唔好咁愁，不過假期對我嚟講冇乜特別，平時佢哋鬼死咁多嘢做當然想放吓假relax吓，自問工作分量並不多嘅我放唔放假根本冇分別，有時我會覺得我存在與否並不重要，就算我冇返工，對任何事情都唔會有影響，因為我做果d tasks好濕碎，唔似其他同事咁重要，我嘅角色簡直係超級微小。

尋晚瞓覺等於冇瞓，因為成晚都發埋d奇怪嘅夢，所以今日嘅我冇哩精神…at this moment，我又係勁冇mood，乜都唔想做唔想講，好想搵個地方自己一個人靜吓，又或者搵樣嘢俾我嘅思想寄託，日日嘅生活都過得好平淡，放工就即刻返屋企，完全冇任何消遣活動，好沉悶呀！就算返到屋企，都唔知可以做乜，日日都只不過係度虛度時間，唉…

今日嘅我仍然咁沉靜，我相信自己唔係冇嘢講，只不過大家話題唔同，同事經已在公司做了一段日子，他們知道認識的比我多，雖然我再唔係一個新人，但對公司的事蹟所知不多，經常性在他們口中聽到某人的名字，無奈嘅係我完全唔知道係乜水，難道搵一個共同嘅話題真係好困難？？

今個禮拜只不過放多咗清明節呢個public holiday，但係好似過得特別快咁，返工要做嘅tasks做極都做唔完，直至今日都仍然未完成，要做嘅嘢的確唔多，但係因為d嘢好濕碎，所以要利用好多時間才能完成，最近有好幾位同事問我”忙唔忙？”我一貫嘅答法當然係”唔忙”，呢句比珍珠更真實，我暫時要做嘅只不過係五成任務，我仲有五成未學，咁又點算多呢？連五成任務都可以做唔完，睇嚟其實我嘅做嘢速度係唔快，仲要係好慢tim。

今日明顯冇尋日咁開心，不過開心與否其實已經唔重要，因為人唔係開心就係唔開心ga la，而今日我又再一次變得好沉靜，沉靜到連自己都覺得可怕呢！今日原本以為做嘢過程會好順利，點知俾個中原網站玩殘咗，有好幾次我真係想發脾氣，幸好我能夠抑壓住，不過check完d地址都好似冇check過咁，始終只睇地圖個accuracy會低好多，但我都要堅持去做，咁惟有小心翼翼check多幾次，因此所用嘅時間比平時多好多，其實如果我換個角度嚟睇，可以當作鍛鍊自己嘅忍耐力。

心情呢樣嘢真係難控制，只不過短短一分鐘都可以由開心到唔開心，呢一刻嘅我係唔開心，但係唔代表下一秒我會繼續唔開心，其實有時d嘢我覺得可以避免去提及，但我明白既然係事實，提唔提其實冇乜特別，不過當果樣嘢係我心中其中一條刺時，或者你唔會明白對我嘅影響有幾大，我知我擁有好多缺點，有好多嘢我自己都唔想有咁嘅結局，宜家攪成咁只會成為一個又一個嘅遺憾，咁我又可以做乜嚟補救呢？

唉！今日又做錯嘢啦！就係我attach咗另一個file俾同事，平時只試過忘記attach file，從來都未試過attach錯誤，睇嚟都係我太大意呢！亦因為個file係最後嘅task，send完我就會離開office，所以要勞煩其他同事幫我跟進，真係超級唔好意思！而今晚就同billing d同事出咗去食日本嘢，呢d係佢哋間中舉辦嘅gathering，我呢個局外人都能夠被應邀，當然又係我上司的穿針引線所致，無論如何，呢個都係一個俾我接觸其他同事嘅好機會，雖則彼此講嘅嘢唔算多，但過程尚算愉快。