長大後發覺時間真係過得好快，話咁快又到咗四月尾，過埋聽日又到五月，越大越驚覺時間嘅寶貴……呢幾日我發覺自己係一個經常性想放棄嘅人，例如當一份工比我知道咗佢任務嘅範圍，又比我嘗試過去做之後，我就會不其然產生厭倦，開始嘅時候係會覺得有趣，但重複又重複做咗一段日子之後就會feel到原來果樣嘢冇想像中咁好玩，一感到厭倦就會希望有新嘅嘗試，繼而想去轉變，但往往到達”想”呢一步我就會停止，係想作出轉變，不過缺乏勇氣去尋求，只懂講而唔識做呢！

尋日上司同我講佢哋會去”杏花新城”食lunch，問我join唔join，因為尋日帶咗飯，我都唔想join，點知佢哋臨時cancel咗唔去，於是又同我講會今日去，我見上司不斷同我提及，所以今日冇帶飯，我根本唔知道”杏花新城”係邊，原來係杏花邨一個有好多食肆嘅商場，出乎意料嘅係佢哋竟然可以在lunch time專登搭的士過去杏花邨食飯，我一路都覺得好奇怪，原來目的係同其中一個同事慶祝生日，無知嘅我事前完全唔知道，唉…我發覺有好多嘢我係唔知道，唔到最後一刻我都唔知，係我警覺性低還是佢哋收得太埋？的確我觀察能力好薄弱，現實中我知道嘅嘢唔多，點解往往我都係最後一個先知道？知道嘅仲要係好表面，深層嘅我係唔會有機會去知道…

 研究咗成個星期嘅report終於俾我做到出來，我並沒有為此而興奮，因為我深知個report難度唔高，係我一路而來嘅大意才令自己做極都做錯，一句”我都話你得ga la”令我有一刻肯定自己，不過諗深一層呢個report真係幾容易，做到係應份嘅，我知道嘅係呢個report由下個月開始就pass俾我做，係就係月頭d時間又會急促咗，但係我鐘意接受唔同嘅task，咁我咪冇咁沉悶law。

“冇心情”已經成為咗我嘅例行公事，呢樣嘢間唔中就會出現，出現時段有短亦有長，出現前完全沒有徵兆，佢想出現邊個都控制唔到…而今日我又突然變得好冇心機，放咗工完全唔想返屋企，想一個人散步，又害怕孤獨嘅感覺，但同時我係希望自己一個人靜吓；想打電話搵人傾訴，你哋唔係未放工就係唔得閒，最終都係自己一個漫無目的咁行咗一陣就回家。

 我諗冇心機唔開心都係因為我太計較而起，今日係派糧單日子，每一次攞到糧單我個心都會好唔舒服，話就話個salary係自己expect嘅，但係人往往不斷去要求更多嘅嘢，失業嘅人要求自己快d搵到份工，當搵到工secure咗，人就會要求自己嘅salary有所提升，升職加薪有邊個唔想，但係我成日都去計較係咪好過份？？記得阿叢同我講過，其實人工同工作量成正比，想有高嘅薪金就要做d更加辛苦更有挑戰性嘅嘢，如果我將自己套入呢句，其實呢個價係正常，因為我做果d嘢咁濕碎，同埋做完都好似等於冇做一樣，對於現在嘅job nature開始產生厭倦嘅我，究竟自己想自己有所進步還是想不勞而穫呢？

呢期有點兒心不在焉，日日返工只不過重覆又重覆做一貫嘅tasks，慢慢開始感到苦悶，另一方面，我個心成日計較人工嘅多寡，或者係因為有一班同學嘅比較，攪到我覺得我比你哋差，”人望高處”每個人都會渴求，當然我都唔例外，但係呢一刻，毫無技能嘅我竟然諗咗去果邊，會唔會有點兒過份呢？我真係唔想諗得太多，無奈自己控制唔到，在缺乏各種條件嘅我又怎能同人爭奪，唉！點解我唔可以專心去珍惜學習嘅機會？？？

一星期返五日當然好過返五日半，不過好與壞因人而異，一個好似我平時冇乜消遣嘅人對於呢個話題完全冇意見，的確眼見其他人只需返五日而自己要返多半日初時真係好唔習慣，但係當對照其他一星期要返六日嘅人，可以返五日半已經好幸福，雖然間唔中會羨慕只需返五日嘅人，但係有d人要返六日，咁又可以點計呢？因此凡事都唔好睇得太絕，每件事都會有好與壞之分，最主要係在乎你點睇。

今朝起身已經feel到自己仍然好眼瞓，平時洗完臉就會精神嘅我今日照舊想繼續瞓覺，於是(朦)(醒)(醒)咁走去返工，返工途中打了好多次呵欠，出奇地冇精神嘅我勉強捱過返工時間，諗住自己已經唔再眼瞓，點知食完個lunch就即刻抱頭大睡，一連瞓咗兩個半鐘先起來，精神亦隨即回復駛，明明返工唔係好辛苦，點解我會咁攰gei？真係好奇怪…

今日嘅我好攰呀！難道係因為復活節假期冇好好休息過嘅關係？？？

我又再次亂諗嘢啦，點解我唔懂得珍惜我所擁有的？？？

今日要一次過清駛五日嘅duties，時間真係十分緊迫，所以話放假未必係一件好事，幸好最終都能夠順利完成，雖然當中出現咗少少錯漏，不過又要做得快又要做得準確的確存在著一定的難度，無疑由開工直至放工嘅我都在忙碌中，但我好enjoy呢個過程，別人可能覺得我好多嘢做，但在我眼中並冇此事，相對起其他同事，我做果d嘢簡直十分渺小，不過仍需時間去完成，上星期堆積咗某個task未做，攪到今日比相關部門嘅manager問起，我只可講聲”對唔住”，因為今日真係冇時間去tackle，惟有留待明天去完成。

今朝出奇地勁少full-time，於是貨場的運作交到我們part-time手上，難得有機會俾我數鞋，不過亦因為鞋倉的極度混亂攪到我要數咗四次先arm條數，可以數鞋嘅代價原來係少客，少客等於我冇嘢做，結果今日嘅我沉悶到眼瞓，身體仲要無端端腰酸背痛，導致我周身唔自在呢！呢四日心情尚算ok，想像中嘅冷言冷語並冇出現，最大問題都係果個full-time probation，對SOGO三樓嘅恐懼已經刻服咗，相對於金錢，我相信克服心理障礙是今趟最大的得着。

我份人最衰就係軟弱，只要你一開口，無論果樣嘢會帶來幾大的不便又或者我唔願意做，我最終都會沉著氣去完成，好多時我真懷疑點解我要咁做，幫你完成不但沒有得到任何感激反而受你無理的取鬧，我真係好後悔幫你去做，不過後悔還後悔，下次我同樣會忍不住去協助你完成，最後結果就係只有我一個去承受駛所有的冤氣，有乜事都搵我去出氣，彷彿通通都係我嘅錯，我真係怨恨自己嘅軟弱。