今朝返工原本覺得可以在指定時間內做駛所有duties，但事與願違，中途想搵個folder又搵唔到，之後d流程冇想像中咁順利，因此最後未能夠做到完美收場，而晏晝就出咗旺角行街，僥倖地在地鐵站俾我撞到陳仔…雖則今日嘅天氣唔係咁好，但得到上天嘅眷顧，沒有讓我遇到大雨，而今次旺角之旅都尚算有收穫，不過有收穫嘅同時係要付出金錢，呢排有好多嘢需要開支，所以真係大出血呢！

尋日因為太過內疚，攪到我好想同上司講”三個字”，呢”三個字”對我嚟講難以啟齒，尋晚臨放工前我好有衝動即刻同佢講，無奈我欠缺應有嘅勇氣，其實我可以忍住唔出聲，但係我始終覺得我做錯，所以形成咗想講又唔想講嘅情況，最後我忍唔到話佢知有d嘢想同佢講但唔知點開口，佢話有嘢就講唔好收埋，因為果一刻我可以離開，所以順勢話算啦，都係聽日先同佢講，尋晚諗咗成晚應該點開口，因為唔講果”三個字”我個心真係好唔舒服，我知道講咗彌補唔到任何過錯，不過至少我個心會好過d，今日我又再一次進入想講唔想講嘅地步，所以成朝心情都好down，最終上司無端端問我最近心情有冇改變過，繼而提及我尋日話有嘢想同佢講，唔講我會繼續內疚，於是拖咗一陣先勉強講出果”三個字”，我一早已預料到佢會問我做乜會講果”三個字”，係佢問果時我即刻話唔好問咁多，只要佢接受就ok，但佢話我唔講原因佢又點可能accept呢！事實上係因為我知道自己嘅缺點係唔識表達自己，因此我prefer隱藏同收埋，我知道我唔講原因係唔應該，不過我真係唔知點講，我驚越講越亂越複雜…

好多時候我唔知自己有冇做錯，”對”與”錯”彷彿好難去界定，不過我偏向認為自己做錯嘢，做錯嘢俾人鬧會唔開心，冇人鬧又會自己內疚，事實上係咪真係咁矛盾？？今日上司叫我有時間幫手pack d文具入櫃，我諗住handle埋自己手頭上嘅tasks先去pack，點知最後佢自己pack駛，其實我唔係唔想做，只不過我堅守住做完個tasks先去做，見到佢自己pack嘅時候我個心好內疚，我覺得自己plan錯駛，我質問自己點解一開始唔去pack咗先，攪到我覺得自己乜都幫唔到手…

我真係好憎好討厭自己，點解我會變得咁忟咁燥ga？我真係唔想咁樣，我知道我講嘅嘢hurt到你哋，無奈我控制唔到自己，我真係好失敗…

Sunny生日快樂！！！

今日都算忙碌，全日都(枕)住有嘢做，雖則平時星期一係比較忙d，但係今日途中多咗少少extra duties要follow，所以時間頗為緊迫，而最特別嘅係我比上司嚇死完再比自己激死，話說我上司突然同我提及card嘅數量，佢問我remain多少張card，我話唔清楚，於是我去check完再匯報有350張，佢話應該唔只呢個數，因為record show到應該有850張，佢問我係咪唔記得mark條數，我頓時比佢嚇襯，不過我記得每次我都有mark低，跟住經我仔細check多次之後發覺可能仲有d放咗係stock room，原來真係未攞駛，差點兒以為我整唔見堆card tim。激死我嘅係我將d簡單事情複雜化，有個同事問我攞d 資料，我問佢駛唔駛要最update嘅，因為d data會不斷change，佢話都好wor，咁我就重申run過d data一心諗住整個最好嘅俾佢，皆因d資料係一段period，我要等d data慢慢run出來，等電腦run完就開始做，做做吓先發覺好麻煩，再仔細諗有冇快捷嘅方法可以完成，諗諗下先發覺d data其實唔駛run過，因為一路以來我generate果個file d record係全面性的，其實我只要 combine d file就可以完成，點解我會諗到咁複雜呢？明明係好簡單嘅任務，我竟然可以dull咗成個圈行咗好多冤枉路先行返條正路，真係激死我啦！

原本尋日晏晝細妹約咗我去行街，不過Sunny間教會嘅導師誠邀我去紅館睇YEAH SHOW異靈•靈錄棟篤笑佈道會，因此放棄咗陪細妹而去咗睇”show”，唔知係咪因為前晚太夜返屋企唔夠瞓嘅關係，全程發覺自己有點兒呆滯，不過當中嘅笑位當然有令我笑逐顏開，聽咗不同人仕嘅經歷分享，而我只接收到少少佢哋想傳遞嘅信息，不過還是不要太執着學到幾多。而今日當然係要陪返細妹，在天公不做美嘅情況下，懷着”貴人出門遇風雨”嘅偉論，我同細妹始終都出咗Causeway Bay逛，結果係攪到成身濕駛，我哋得出嘅結論係今日仲似打風。

今晚出咗旺角同Sunny預祝生日，可能因為快樂不知時日過嘅關係，食完飯影埋貼紙相唔經唔覺成十一點幾，由於明天要返工，所以唔等其他人過膠就走人lu，幸好到達巴士站就剛剛有車，因此刪減了等車嘅時間。我哋今次唔係食日本嘢，亦唔係去café，好出奇地去咗酒樓飲茶，得出來嘅feedback都好好，慶幸冇人抗拒飲茶，大家都暢所欲言，感覺係開心gei，唔知Sunny開唔開心呢？

 返工都仍然諗住”重要性”呢個問題，我記得上司同我做appraisal果時話過如果解釋唔到何謂”重要”，咁就唔好同佢講我唔重要，我唔知我對”重要”有冇誤解，不過我覺得我所做嘅一切其實可以比其他人接手……而朝早我有一刻嘅滿足感，話說有個team leader想我在其中一個report加多少少information，於是我就嘗試generate，整完send俾佢睇之後佢話”exactly what I want”， 雖則個步驟頗為簡單，但由於是親力親為，at that moment我真係幾開心ga。

今日對我嚟講好特別，因為上司無端端話要同我做performance appraisal，之前過咗probation好想知道自己嘅表現，但係真正要評估時自己原來好想抗拒，張appraisal form內容大致上分咗幾個performance factors，然後由我上司去界定我stay在邊個rating，d rating都係介乎average，同我諗嘅差唔多，不過令我煩惱嘅係我上司對我嘅recommendation，呢個recommendation需要我在未來一年有所改善，個recommendation對我嚟講真係好困難，不過我知道遲早都要改變，但呢一刻我唔知道點樣踏出第一步，我不斷同上司講”我覺得好困難”，佢話唔好未做過就話”難”，做過試過唔成功先可以用”難”呢個字wor。

 其實睇完張form俾返feedback上司簽埋名就可以finish個meeting，無奈我又係諗唔到應該俾d乜 feedback，上司見我冇乜反應就話逐個factor同我傾，佢咁做其實想我俾d意見，因為performance appraisal呢個過程係一個communication嘅機會，而communication係雙向嘅，如果得佢講冇我發表意見，佢唔係communication而係give order，佢不斷問我意見，但我嘅response少之又少，佢點迫我我都冇乜講嘢，我真係越來越沉靜…

今日狀態好差，成個人唔知點解好冇精神，坐係個位度好幾次想合埋眼瞓陣覺，明明冇乜嘢消耗咗我嘅精神，但身體好似好攰咁，都唔知發生乜事？？越來越發覺自己在任何時候都幫唔到手，好似今日有個同事向我查詢一d問題，佢不斷重複又重複同我解釋問題所在，雖則個report係我整俾佢，但係佢講果個問題係涉及多個reports，我明嘅只係數字上有出入，佢問我點solve個problem，我個腦係咁轉都冇可能一下子了解清楚，後來佢話佢諗到點解決，at that moment，其實我仍然思考緊個problem，我記得上次佢問我另一條問題時我嘅狀況同今次一樣，我嘅角色係一位聆聽者，佢講果d嘢其實我明白嘅係好少好少，但係佢講完一輪就會話諗到解決方法，我為佢諗到辦法而值得高興，整個過程雖則我有盡量嘗試協助佢solve，但係final都係由佢自己解開，我當中嘅作用究竟係乜呢？？