今日又再一次極度唔開心，或者d嘢真係鬱埋鬱埋，一返到屋企就同阿媽發咗場脾氣，我好想大喊一場，不過喊完又能代表什麼呢？唔開心同工作完全冇關係，一切都係我嘅心理問題，我知一個人太沉靜係超恐怖，的確我有時會懷疑自己有冇自閉，點解我可以成日都冇講過一句說話，正因為我知道我存在著好多缺點，每日我都迫自己去改善，我好想令自己思想開放d、向好嘅方面諗嘢等等，但係我發覺我能力有限，個腦有時係諗到應該點做，但我嘅行為往往同思想相違背，有時連一個”多謝”都難以啟齒，究竟我發生乜事？？返工就算要做嘅tasks冇做錯，但係待人接物果方面真係極差，有好多嘢我好想講出來，無奈一開口就好似有舊嘢阻住我去講，次次都只懂一笑而過，我真係好失敗！越希望自己有所改善，但原來要改並非一件易事…

今朝我又冇厘精神，成個人好似好唔開心咁，亦因為冇心機，攪到我眼大睇過龍，連有信件都發覺唔到，及後由於前日學咗樣新嘢，我上司打算叫我試吓做，點知我d記憶零零碎碎，連第一個步驟都忘記了，於是我便膽粗粗請求上司再次指導我，幸好上司都樂意教導我呢！不過同時地我上司話我真係太靜，有乜事都唔講出來，成日將d嘢放在心內，就連CEO都發現我有問題，仲刻意問我上司我的情況，之後嘅我突然變得好驚，成個人變得心慌慌，我上司以為我仲煩緊個task，佢叫我take it easy tim。

而夜晚就出咗旺角同大專同學gathering，對於個gathering我事前並冇特別興奮，反而有種唔想出現嘅感覺，anyway，最後見番d同學仔都係開心嘅，我哋去咗食日本嘢，之後仲去咗影貼紙相，影完貼紙相就各自回家lu。

"消遣"一詞原來一直都不存在在我的字典中，漸漸發覺每日嘅我都過得好無聊，每日都浪費時間、虛度光陰，每日都hea住咁過，乜都冇做過呢！

今日發現之前好多嘢都做錯咗呀，雖然你哋叫我唔駛擔心、話係好少事，不過始終都係我做錯嘅，一定要責備自己呢！做錯嘢攪到其他同事要幫我執手尾，對唔住呀！係我太粗心大意所造成嘅後果，以後我會仔細d ga la。

“忙”彷彿係星期一嘅指定動作，亦因為驚覺有”忙”的存在，內心一下子心急起來，心急唔會幫人帶來好處，反而會影響效率，甚至令人頭腦混亂呢！以上所說就是我今日嘅體驗，明明已經知道應該要做嘅工作範疇，不過唔知點解個心整天都唔平靜，呢邊手頭上做緊task A，但個腦自動咁諗住task B d嘢，最終咪攪到d嘢亂駛，仲差d做漏嘢tim……而我亦發覺自己嘅工作速度比一般人慢，亦不懂得好好分配時間呢！

 說話係人與人接觸嘅一個基本步驟，但”說話”對我嚟講係一件困難嘅事，我覺得我講嘅嘢多數都係廢話，又或者講極都唔到point，又或者講果句嘢係冇禮貌的表現，總之就缺乏當中應掌握的技巧，我想改變呢個毛病呀！口不對心、詞不達意已經到了一個我自己不能容忍的地步，但係我又應該從何改起呢？

昨天嘅format動作令我今天工作時有點兒阻滯，好唔開心呢！次次format完部機我都會覺得好唔慣，好多嘢都好似要重申適應過，樣樣嘢睇落都唔順眼咁，好討厭format呢個步驟，不過唔format部機d功能又唔會自動update嘅，其實我唔應該去討厭，反而應該去欣賞，只要我對電腦認識多d、明白多d，咁就算佢要format幾多次我都唔駛怕啦！係咪？不過講就容易做就難，電腦呢家嘢真係幾複雜ga。

 最近維園果邊打電話搵我，問我做唔做清潔大使，諷刺嘅係我現在已經出咗嚟做full-time佢先搵我，我讀書時又偏偏缺乏呢d part-time機會，極無奈囉！還記得christmas同new year SOGO都有打電話問我返唔返wrapping，有時我會諗如果我仍然讀緊書就好啦，semester break都有人搵上門問我做唔做part-time，咁我真係不愁寂寞，不過命運呢樣嘢真係控制唔到，我做full-time你哋先搵我做part-time，想去做都唔得啦，不過咁就証明part-time job係多數會搵番d舊人先，所以part-time都唔易搵ga。

今日嘅我好攰呀！不過其實實際上要做嘅嘢又唔多，都唔明點解可以咁攰？每個星期五都要例牌check地址，雖然係十分沉悶，但係睇到d奇怪地址真係幾攪笑(特別係d街道名稱)，不過唔知係咪我過於仔細，次次我負責check果日都特別多錯處，check咗咁耐都開始熟悉其他地方lu，但係我嫌自己check得太慢呢！而今日又要format部腦，攪到又要重申map過駛d drive、set過駛d program等等，最可悲就係我對電腦可以話一竅不通，將d嘢整番好我都唔知從何入手，又麻煩到IT同事，最邪就係佢一離開叫我用嘅時候，d drive又突然唔見駛、d program又唔work，我又唔識應付，最後又要IT同事再整過，唉！有d嘢其實係好簡單，無奈自己對電腦嘅認識十分低，人哋教過我都唔記得，真失敗！

呢兩日都係好平淡，冇乜特別事情令我難忘，我只記得尋日在冇心理準備下又學咗樣新嘢，以前一有新嘢學我就會好開心，不過尋日學完我冇特別開心興奮，或者係因為近期嘅我心情冇乜mood，好似冇一樣嘢可以令我開心咁，雖然冇令我興奮，但我知我又有多一個task令我嘅返工時間充實d。尋日lunch時突然好衝動咁打電話俾各位，向各位查詢邊日得閒出來敍吓，其實我唔想做搞手，因為我連去邊度食嘢都毫無頭緒，不過講真啦！大家其實真係好耐冇見，連大家近況如何都不知道呢！

而今日嘅我就好似唔夠瞓咁，返工時間都不知道打了多少個瞌睡，所以lunch一食完飯就伏在桌上小睡片刻，不過功效不大，幸好總算勉強捱過。呢幾日我嘗試學習唔好諗埋一邊，因為星期二嘅唔開心攪到自己心情好down，於是乎我想自己唔好諗咁多，同時亦希望自己唔好俾太多負累別人、唔好要別人去擔心自己，唔好加重別人我煩惱等等……

好唔開心呀！

今日發覺自己有好多嘢都係一知半解，個task係就係識做，不過當別人問及相關知識時，我可以頓時啞口無言、無言以對，明明自己係學過，唔知係咪因為我了解能力薄弱，同事一問之下我竟然可以話好似冇學過，最後才知道原來講緊係果樣嘢，真失敗！另外，我發覺返工生涯係會隱藏著好多樂趣，唔知點解，近期嘅我每日放工後都鐘意同細妹分享返工的所見所聞，講果一刻真係會好開心ga，或者我的生活比較苦悶，所以一d好冇厘頭嘅嘢都會令我稍為開心呢！