今日嘅放假白費了，早知唔攞annual，細妹嘅會考成績不到十四分，因此乜都做唔到，最憤怒嘅係我想關心佢，我十問佢九唔應，之前問及佢d contingency plan佢已經唔係好理會我，想同佢一齊plan吓佢又不大願意去做，於是為了唔俾佢額外壓力寧願自己唔mention放榜嘅事宜，直到今日真真正正放榜，佢仍然唔同我或屋企人講佢嘅打算，我stay在家中真係唔知可以點幫佢，分數已成定局，一家人傾吓度吓以後的計劃係好正常，佢只識同佢d friend傾，對我哋嘅提問完全唔回應，我真係忍受不了呢種性格，佢自己煩又唔攤出來講，我哋惟有乾著急。

礙於聽日放假陪細妹放榜嘅關係，因此今日除咗做好daily duties外，還要prepare定d信俾part-time摺，本該可以應付自如，但係意想不到嘅係昨天的棘手問題仲有好多手尾要跟進，由於低估了reprocess過嘅嚴重性，今日先發覺自己做得過於衝動，竟然將有用嘅data delete咗，完全冇預留任何backup，雖然有辦法作出補救，不竟還是需要浪費額外時間，希望下次自己唔好再過份急促，呢個問題前前後後利用咗我好多工作時間，仲攪到呢兩日冇時間過檔學嘢，負責教我果個同事好想我去學嘢，無奈我真係抽唔到多餘嘅時間，真係超級唔好意思，明明講好咗八月開始每日都過去學習新知識，宜家好似我言而冇信tim，敗啦！

純粹同中同食飯都令同事們驚訝，有冇咁誇張呀？雖然平時我好少出街，好似足不出戶咁，但係出去食餐飯係好平常嘅事，不過其實我知道佢哋冇誇張，因為個飯局係中同嘅安排，以我呢個唔多出聲而又被動嘅人又怎會無端端攪個飯局出來，佢哋驚訝都有佢哋嘅道理嘅。今日返工遇到一d棘手問題，但係lunch仲淡定到不斷問同事今日有乜俾我學，完全忘記咗仲有一個task未handle，實況係我冇諗到reprocess過會攪到咁嚴重，其實只不過係因為同步reprocess兩日嘅record所以導致d data duplicate咗，我要做嘅當然係check against兩日嘅data然後剔除多餘嘅，唔做唔覺得煩，一做就知道今輪大鑊，d data數量完全唔match，於是索性徵詢IT同事可否刪除再regenerate過，得到嘅答案係冇可能，於是我要極度專注對於個monitor找出重複嘅data，真係睇到我眼盲，最終都能順利完成，但係就攪到我雙眼好攰呢！

尋晚同中同嘅敍會傾傾吓講到我究竟係咪鐘意做宜家做緊果份工，始終做咗七個幾月，照常理應該探索清楚、知道自己嘅感覺，佢哋問果一刻我只可以答對於要做嘅任務感到有點兒沉悶law，佢哋就話即係唔鐘意la，對於佢哋所講嘅結論我真係唔知正確與否，不過亦導致我去思考呢個問題，比起上一份工，呢份工明顯係我願意去返，或者我唔應該同其他嘢作出比較，但係鐘意與否是否真的這樣重要嗎？現況嘅我真係有點兒困惑，係我過度安於現狀唔想作出任何改變抑或我喜歡自己的工作呢？沉悶係因為我做極都係做果堆任務，而且我個post本身係需要做一d supportive 而濕碎嘅嘢，但係諗深一層，其他人每天都係重複又重複做相同嘅任務，而由低做起其實可以打好根基，係咪好矛盾呢？

每逢週末我都會同細妹首先品嚐一頓豐富的早餐，然後嘅節目多數由細妹去決定，因為佢考完會考搵唔到嘢做，日日都無聊待在家中，我都應該provide d時間陪吓佢，協助佢減少沉悶嘅感覺，因此佢話想做乜我都會順應佢嘅意思，盡量去遷就佢呢！上星期六晚同咗班大專同學敍會，今晚又出動同其中兩位中同Chiann & Ann Lam食飯，雖然屋企人對於我出去食飯有怨言，但係我冇理會佢哋嘅反對，照舊出咗銅鑼灣參與頗為即興嘅gathering，同小學同學已經失駛聯絡嘅我唔想再同中同斷駛contact，我明顯係一個被動嘅人，所以真的感謝Chiann & Ann Lam的邀請，諗落大家真係幾年冇見，對於彼此近況完全唔清楚，今次至少了解多咗，一路以來我嘅人際網絡好細，還記得中五中七寫紀念冊個個都話keep in contact，到頭來又有幾多真係可以做得到呢？Chiann & Ann Lam兩個係文科人而我係理科人，大家雖然中四中五唔同班但係佢哋仍然記得我，我哋之間嘅友誼分分鐘比起我嘅同班同學更深，食飯期間講咗好多唔同嘅話題，過程十分愉快。

 P.S.坐係mcdonald傾計，越坐越凍，我冇出聲話凍，但Chiann睇得出，仲悄悄地攞咗杯熱水回來，唔該駛Chiann

之前幾日地址數量頗多，結果導致d信未摺駛，所以 part-time 今日都要返，相對地我要做嘅任務減少咗，一朝又為如何利用時間而計劃，無辦法啦！一有空閒時間我就會覺得周身唔自在，我好驚自己半晝就做駛所有嘢，因此好多時候會專登放慢手腳去做，上個月我上司突然准許我今個月過另一個 department 學嘢，自己職位上要做嘅嘢只懂得五成，剩下嘅五成仍然未有機會跟進，上司反而叫我去第二個 department 學習，過界學習有好多優點，一來可以同其他同事溝通，二來可以認識不同範疇嘅知識，更何況 admin duties 每個 department 都必須包含，我根本唔屬於任何一個部門，其實凡係 admin 嘢都可以叫我幫手做，本來一號就開始呢個暑期班，不幸地該部門主管病倒了，結果今日先開始過去學嘢，最攪笑係該 department 阿 head 不斷問我幾時 ready，雖然我好期待去學習新知識，但佢好似仲緊張過我咁。

三號波，一朝早見天氣無特別反常，又見時間無多，因為要趕住出門口因此無帶傘，行去地鐵站只係大風，跟住在地鐵站內亦比我僥倖遇見阿叢，點知一出地鐵站就下起傾盆大雨，為咗唔遲到都堅持照行，由地鐵站到公司大多數地方係沒有遮蔽，淋濕身已經係預料之中，最慘就係d雨越落越大，結果當然由頭濕到落腳，完全係一隻落湯雞，返到office又有冷氣，自己又無帶外套，為咗防止自己病倒惟有飲d熱水保溫，幸好後來上司留意到，於是叫我去攞件公司 polo shirt換，初時我話唔好浪費件衫，佢話我病咗嚴重定無咗件polo shirt嚴重呢，雖然換咗件公司衫比同事恥笑，不過重要嘅係我唔會因為淋雨而病倒，就算真係病咗都只可怪自己打風都唔帶傘。

 今日返工嘅心情由平凡突然變到悶悶不樂，朝早有一個program突然down咗，冇咗果個program我就唔可以順暢地做A任務，一路以來都必須做咗A任務先，攪成咁自己惟有處理其他對該program冇直接用途嘅B任務先，雖然A任務比平日遲開始，但我已經熟悉駛d步驟，所以最後都可以用極速完成。普普通通到咗晏晝，仲有差唔多個半鐘放工時突然覺得好苦悶，從此成個人開始唔想講嘢，這樣的情緒直到放工都仍然冇變呢！

我好容易受到天氣嘅不穩定而影響，每逢陰天或下雨天都會額外冇精神，但晴天時又唔會特別有好嘅心情，真奇怪！今日個天陰陰沉沉，而我就一整天都冇乜精神，除咗覺得好眼瞓好攰外，仲覺得自己周身骨痛，差d以為係生病嘅先兆，真實當然唔係啦！一路做嘢一路打呵欠，自己惟有用僅有嘅意志去抑制自己想閉上眼睛嘅衝動，功多藝熟越來越明顯，要handle嘅嘢真係越做越快，每日都要計劃一下如何打發剩餘的時間，原本今日又以為會有free time，點知執一執個file都用咗我好多時間，之後又要為咗清晰問題在其中一個task做多少少步驟，有part-time存在我根本唔會有"忙"嘅感覺，唔忙還唔忙，但工作時間都算用得幾盡，總好過有時間比我諗其他無謂嘢。

今日做嘢嘅速度明顯比以前嘅慢咗，係果一刻無疑有d心急，有一刻仲質疑自己嘅工作能力，但諗深一層，速度慢唔緊要，我只要在指定時間內做好所有tasks咪ok，駛乜咁緊張，更何況我有嘅係時間，所以同同事講完自己速度慢之後都話有信心做好d tasks。雖然我仍然唔鐘意講嘢，全日都冇乜幾句，但睇到今日少咗納悶的心情，或者因為星期一要handle嘅tasks比較多，全日放駛d心機做好每樣嘢，無暇讓我胡思亂想了。

等咗個幾月，今晚終於可以同asso同學仔gathering，冇見咁耐，完全唔清楚大家d近況，得知陳仔做了海關，真係恭喜駛；Jovis同成成去咗一個月北京真令人羨慕，在此亦多謝Jovis的手信；而Ben在匯豐銀行做intern，遲d好有可能比匯豐請，要努力呢；Sunny就冇乜變過，不過dressing就成熟了不少；而阿Lu個look正經咗；我就比人話瘦咗，其實都唔係啫。我哋去沙爹王食完dinner再去滿記食糖水，全程都有講有笑，真的很開心。