今日冬至，公司又有得早放兩個鐘畀我哋有充裕時間回家食飯，平時嘅working hour縮短咗兩個鐘，一睇就知冇可能用極速完成所有duties，要準時提早放工就要選擇擱置部份任務，如果唔想擱置就唔可以準時離開，而我選擇咗後者，不過比起平時都係早咗少少放工嘅，無疑我可以選擇擱置，但上星期已經hold起咗一堆嘢未做，我真係唔想堆積再堆積，宜家唔做遲d都係要我做，既然我唔趕時間，點解唔做駛先離開呢？

我覺得今日做嘢嘅速度比起平時已經快咗，但係d tasks都幾消耗時間，臨放工時SZ有個同事返嚟redeem Christmas gifts，佢話有時間可以幫吓我，所以幫我將d registration forms釘窿，因為我hold住一大疊forms未filing，佢唔幫手我都諗住file埋先離開，幸好有佢嘅協助，令我可以縮短filing嘅時間。我一路做都做到頗晏，由於我係最後離開嘅人，所以由我負責鎖門，點知又無端端鎖唔到，明明上次鎖得好順利，我不斷研究都搵唔到問題所在，最後只好打電話求救，已經遲走嘅我再遇到呢件事，變相更加遲走呢！

自從位置有所調動後，孤單嘅感覺越加強烈，成日細聲講大聲笑，有冇人明白我嘅感受？？

沒有期望便沒有失望，為何我總會有所期望？一次又一次嘅承諾擱置又擱置，如果係冇心嘅，就唔好講出來，宜家講咗又唔做，搞到我每日都渴望，又要做相應嘅動作去配合，.所以當今日宣佈再一次需要押後時，我個心好唔舒服，搞到我食lunch都冇駛胃口，係我太在意嗎？我知道其實係一件芝麻綠豆小事，有人記得我已經好開心，點解我會咁介懷呢？當fulfill完其中一樣之後又會出現另一種期待，期望會永無止境地出現，為何不能知足常樂呢？

奇怪嘅感覺又再一次出現，為何總是覺得自己什麼事情也不知道，是我驚覺性低還是事實如此？

睇嚟我真係要學習”d嘢係你就係你，唔係你就唔係你”，對於尋晚抽獎嘅結果我仍然感到唔滿意，如果我唔知道有乜獎品時，相信我嘅感覺唔會咁強烈，但冥冥中上司叫咗我出去協助佢，因此我完全知道獎品嘅種類，同其他人有所比較時就會覺得自己果份唔好，今日眼見同事redeem相應獎品時，特別係我勁渴望擁有嘅一份時，我個心超級唔好受，我唔明點解咁高機會率都抽唔中我，或者有d嘢真係唔可以強求。

尋日急促趕住出席Christmas party而擱置咗嘅任務冇想像中咁多，所以都可以在輕鬆自如嘅情況下小心翼翼地做好，”忙碌”嘅感覺一掃而空，全日大部份時間我都在介懷自己嘅命運，所以有一段時間變得好沉靜，我完全唔想同其他人溝通，其實抽獎嘅結果同時引申出好多唔同嘅問題，一時三刻根本冇辦法解決，不過晏晝嘅心情慢慢好轉，至少有問必有答，而臨放工前發覺我做錯咗嘢，繼而需要逐個account click入去更改資料，慶幸嘅係被我上司發覺得早，唔係都唔知幾時先被同事睇出。

返工只可以用”忙”嚟形容，三日嘅data要一次過清駛，原本plan好咗工作嘅先後次序，但突發事件嘅出現令我嘅預計時間延長，原以為做完其中一個task，轉頭同事又話唔記得send 某日嘅data畀我，做做吓又要做返轉頭，之後都係不斷埋頭苦幹做自己嘅duties，多咗extra嘢要做已經覺得時間唔足夠，再加上知道夜晚有Christmas party要早少少離開，令我更驚覺時間嘅缺乏。

第一年參加公司嘅Christmas party，一個被同事形容為最多收穫嘅一個function，終於有機會畀我經歷，而今年亦破天荒係hotel搞，有得食buffet係其次，同事最感到興奮及期待嘅係抽獎，因此全晚嘅高潮完全在抽獎嘅時間，但係抽獎嘅結果往往出人意表，越唔想抽到偏偏抽中，越想抽中往往抽唔到，或者呢個就係現實，而我同樣地只差兩步就可以得到我所渴望嘅prize，無奈就係果兩步已經截停咗我嘅去路。

 P.S. 今日SZ一個高級嘅同事送咗份生日禮物畀我，我真係好開心呢！

今日係我嘅生日，雖然冇人約我出去、想去海洋公園因冇人陪而告吹，不過我分別收到阿Lo、Jovis、陳仔、Sally Sze、Dorothy嘅祝福以及Sunny、阿哥、細妹嘅禮物，一切已經令我好滿足。三份禮物可用”得意”、”昂貴”及”有用”嚟形容，屋企人睇得我好透，佢哋知道有d嘢我嫌價錢問題而唔買，於是藉著生日送畀我，真係極度多謝。

今日lunch同dinner都唔駛畀錢，因為我嘅生日，大家都樂意請我食飯，在此鄭重感謝Dorothy同Sunny。今日返工勁忙碌，d tasks做極都做唔完，其實工作量同平時差唔多，可能自己太心急嘅關係，攪到越做越亂，做緊task A又諗緊task B d嘢，做做吓又發覺自己miss咗做另一樣嘢，由於今日我負責鎖門，所以遲走對我嚟講反而係好事，我唔係專登扮有嘢做等同事離開，而是真真正正有嘢要follow，最後攪到遲了赴Sunny嘅約，真係唔好意思呢！朝早同事嘅查詢攪到我有種無知嘅感覺，上司冇返等於冇人嚟收件，有冇咁嚴重？我知好多嘢我都幫唔到手，但係我係咪咁冇用，就算真係冇人嚟收件，難道我唔可以叫人上嚟收嗎？

做咗咁耐，原來我依然未識分邊d fax有用，今朝諗住執吓d incoming fax，我竟然將有用嘅fax當廢紙，唉…我平時真係太少留意呢！今日用得我最多時間係同事嘅查詢，尋日個task pass咗畀SZ，同事剛剛deal with一定會問題多多，我做嘅時候係第一手，所以乜都自己研究出來，宜家同事做已經係第二手，所以佢哋會問我應該點做，係佢哋問我嘅時候我好似expert咁，因為始終係我follow開，我會係最清楚嘅一個。而今日最慘就係(界)到自己隻手，print完d信諗住整返好畀PT接，可能因為d紙太鋒利嘅緣故，攪到我唔小心在手中(界)出一條線，宜家仲有少少隱隱作痛感覺。

冇嘢做時會唔習慣，所以都係有嘢做好，近期嘅我係多咗嘢做，不過我覺得未到忙碌嘅階段，今日開始做埋upload file onto website嘅嘢，一朝早就開始做嘅我用咗差唔多九個字就完成，在我不斷埋頭苦幹做緊嘅時候我嘅同事以為我收唔到個email，而我上司以為我唔知道今日開始pass畀我做，做完之後腦中突然質問點解自己要做得咁快，有時辛辛苦苦做咗一大堆嘢，往往付出同收穫不成正比，做緊嘅時候我唔會理會有任何收穫，我只知道需要盡力去做，或者其他因素令我產生以上嘅諗法。

今日我畀人問得最多就係”你多唔多嘢做”，無疑自從少咗條team後要handle埋其他嘢，不過我覺得果d嘢都唔會令我好辛苦，但我上司覺得無形中pass咗好多嘢畀我follow，可能大家對”忙碌”嘅定義唔同，當我唔覺得係一回事嘅時候其他人唔係咁諗，因此晏晝上司突然叫我唔駛做其中一個task時我好似好抗拒，當然高層作出呢個決定有佢哋嘅用意，於是我慢慢接受呢個事實，的確個task同SZ handle開冇乜分別，一開始要我follow時我心裡都有問過點解唔pass畀SZ同事做，但當我開始熟練應付自如時，我已經忘記駛開始時嘅不願意，慢慢enjoy呢個task，但最後都係由其他人follow，突然要我放手我又唔習慣呢！