終於度過咗明愛嘅校內事，一心諗住weekend畀心機溫書，點知溫嘅時間唔多，我根本唔知從何入手，在沒有準備充足嘅情況去應考，識嘅只有一半一半。今日返工keep住有嘢做，一朝早就叫我去practice新學嘅task，繼而在我部腦install個software，我知道好快會pass畀我follow，實況就係聽日我會接咗呢個任務嚟做，d任務好似越來越多，當然我唔會介意做多d嘢，但係我想知點樣去界定自己做嘅嘢多唔多？

唔睇唔覺有問題，今日一睇張還款通知單，心情一下子沉了下去，今個月開始要還嘅金額多咗，初時睇以為計錯數，再攞返d証明出來，原來並沒有錯誤，不斷睇返d record，畀我發現咗一個我極度唔想知道嘅事實，點解會係咁？我返工返咗一段時間，d錢究竟用咗去邊度，我真係好唔明白，宜家嘅我真係好煩惱…

自從同事放完大假一返嚟，就密集式將d資料灌輸畀我，聽咗兩日嘅講解，要學嘅嘢暫時告一段落，今日d時間終於可以靈活運用係自己嘅duties當中，其實要pick up新嘢可能對我嘅工作有影響，不過我睇唔到影響有幾大，每樣嘢開始做一定會消耗比較長嘅時間，做做吓就會熟能生巧繼而做得快，同事會問點解原本個同事自己唔做而pass畀我，當然我唔知道前因後果，公司嘅政策做small potato嘅我又點會明白，每件事情唔同嘅人會有唔同嘅睇法，有嘢學對我嚟講係一件好事，因為我有機會學習新嘅知識。

往往過後就會後悔，點解一開始唔做好呢？問題”如何才是一個稱職的員工？”今朝困擾住我，有d嘢我唔知係咪應該幫手，就算想協助我又冇勇氣開口問，我會顧慮好多因素，其實正確嚟講係畀一堆藉口自己。苦惱嘅朝早緊接著充實嘅晏晝，尋日學嘅新嘢今日continue，一學學咗成兩個鐘，尋日我仲可以話easy，今日我完全有另一種感覺，我終於覺得有其難度，遲d pass畀我之後我唔係冇信心做好，只係一開始會做得比較慢，因為一link錯入錯數會影響accuracy，我feel到要做得好小心，除此之外，原來好多嘢都要自己專研，現階段冇一個expert去教我，就算同事所做嘅其實都係佢自己摸索出來，原來只係upload資料上web唔係想像中咁容易呢！

之前話今日會一齊出去食飯所以專登唔帶飯，點知臨時又話其中一個同事冇返要postpone，其他同事好似事先已經知道會cancel一樣，唔係帶咗飯就約咗人，攪到我兩頭唔到岸咁，不過最後都同同事出咗去食而唔駛孤獨一人。今朝原本為咗一件事而令我有點兒苦惱，慶幸後來要我學點樣upload file onto website，唔知係因為我接觸過抑或根本容易，教嘅其實主要係copy & paste，可能未教深嘢嘅緣故，現階段我覺得難度唔算高，做得多就會好容易上手，亦由於我抽咗部份時間學新嘢，食完lunch之後好似有好多duties未finish，事實當然並非如此，只係突然出現嘅感覺影響咗我呢！

電腦白癡嘅我每次encounter任何關於電腦嘅問題就會變得極度煩躁，好似近期阿哥唔知安裝咗個乜program，攪到我唔可以由email download d file，佢又唔教我應該點download，極度無奈呢！今日返工無乜特別事情發生，原以為適逢月頭時間會比較緊迫，點知我嘅判斷大錯特錯，今日做嘅嘢比以前多咗，唔知係因為我專心還是熟能生巧嘅結果，總知我feel到自己嘅速度快咗，上星期嘅事件令我要pick up多樣task，初時聽完同事講解非常害怕會消耗我好多時間，做咗兩日發覺難度唔高，暫時我都能夠應付自如，不過就算我真係handle唔嚟，相信已經有一堆contingency plan等住我去光臨，因為無論上司抑或相關部門嘅阿head都叫我如果真係好忙碌就開聲。

唔知係咪冇行山一段時間，尋日同阿媽行果時小腿有少少隱隱作痛，而今日同同事都唔算係去行山，因為之前協議咗在生日呢個月一嘗在山頂所開嘅Burger King美食，雖然價錢頗為昂貴，但實在太吸引，算係畀自己一份生日禮物，一個套餐已經可以令人好full，無可否認d嘢食真係幾好味，係食緊嘅時候我突然有種煩惱一掃而空嘅感覺，平時煩擾住我嘅問題突然消失，我嘅心情變得好平靜，之後就沿舊山頂道步行至中環回家。

返工嘅氣氛令我好唔自在，攪到冇乜心機做嘢，雖然多咗樣task，但感覺上時間仍然十分充裕，在多種情況影響之下，我於是變相拖慢嚟做，冇駛平時嘅幹勁，完全冇駛mood一樣，點知最終先發覺時間唔係想像中那樣充裕，依然要遲放工，在關機嘅一剎那才驚覺miss咗一樣task未finish，亦由於早前大專同學Jovis約咗我食飯，為免再度延遲再加上見唔多urgent，所以選擇離開，同Jovis首先去咗食dinner，之後由於比人迫走嘅關係我哋要一路行一路傾訴而唔可以坐低傾，當然坐低傾訴會比較深入，不過行住傾都可以傾到好多嘢，明顯地大家都唔知道彼此近況，畢咗業我真係唔想冇駛友誼呢！ 

經過幾日愁雲慘霧，直至昨日嘅滂沱大雨，一心以為雨過天晴會出現彩虹，原來現實並非如此，今日所面對嘅係黑口黑臉嘅樣子以及極度寧靜嘅環境，目無表情已經令人恐懼，但黑口黑臉比目無表情更為嚴重，我當然唔夠膽打擾，而環境簡直比自修室仲寧靜，種感覺令我好唔舒服，平時喜歡寧靜嘅我都抵擋唔住provide出來嘅氣氛呢！

奇怪嘅感覺今日終於消除，公司已經作出了決定，並且向其他同事作出解釋，原來一路以來我所擔心嘅其實係多餘，我非常同意公司所做嘅決定，因為我都覺得有必要重新架構，冇可能永遠keep住一班領可觀人工而冇乜做嘢嘅人，不過遺留下來嘅duties就需要其他同事follow，而我亦難免牽涉當中，平時幾個人分擔嘅每項任務宜家要一個人做，都唔知能否應付自如…