我竟然做漏嘢…平時weekly每逢星期一我需要run一個report俾相關同時，由於今個星期一係勞工假期，我assume下星期一次過run 返d data，今日個同事打嚟查詢先知道原來係自己嘅錯覺，於是乎急促幫佢run out d data，後來又由於日期嘅問題要我run多次，我仲要勞煩IT同事幫我cancel之前嘅process，如果我唔估估吓，勇敢d問吓同事，相信會減少好多不必要嘅步驟，但問題係我冇膽量，唉！

細妹生日嘅大日子，在此祝佢生日快樂，原本只想買個公仔俾佢但亦因為out of stock嘅緣故，前幾日佢為咗正日冇禮物收而好唔開心，今日放工就去咗買佢第二心頭好，佢收咗話好鐘意，真不枉我嘅苦心！尋日開始電腦冇得上網，因為阿哥冇renew張contract，今朝上司問我多咗一日假做咗d乜，諗落又真係數唔出，真懷疑如何度過一整日的寶貴時間。

一到星期日，當然少不了每星期嘅活動──行山，今次原先打算由香港仔水塘道途經布力徑再落跑馬地，點知行到黃泥涌峽道見時間尚早，我哋決定再行多一段，因為今次我帶咗本圖書館借嘅書，所以諗住由陽明山莊途經大潭水塘道行去鰂魚涌，雖則我哋係follow本書敍述果段路，但我哋係逆行，於是惟有估估吓咁展開另一次新探索，開頭我哋明顯係行arm路，點知去到分岔口就揀錯路，之後就唔知行咗去邊，只知道經過了幾個不知名嘅水塘，行過為數不少嘅燒烤場，最後到達了一條馬路，而巴士站名係大潭道嘅大潭郊野公園，我哋其實有諗過行返轉頭，因為我哋知道係分岔口出事，但行咗咁耐都覺得有點兒攰，於是只好搭巴士回家，今次終於可以一程車回家呢！

呢兩日心情終於冇咁鬱悶，雖然問題仍然存在，但冇理由要自己繼續down落去，我知道有好多嘢需要我去改善，因此我一定要加油努力。今日返工包含了少許空閒時間，以前一encounter呢個狀況，我就會覺得好唔自在，但宜家有本excel書讓我寄託俾我去專研，更何況適逢月尾，我可以利用d free time create定下個月d file，為下個月作好準備，唔駛下個月臨急抱佛腳呢！

點解，點解我做事總欠缺技巧，人際關係係一個當前問題，我想同多d人溝通......

一路以來都覺得自己要handle嘅嘢唔多，但經常性都不能夠準時放工，係我睇小自己嘅任務抑或自己效率太慢？我自己無法深究，而對自己嘅performance更加不願置評，每日我都會盡力做好本份，我唔知返工其實應該抱住什麼心態，有時我會質疑我是否適合出社會工作，但係我又會諗如果唔工作難道待在家中發呆虛度光陰，今日返工狀態不佳，可能因為中途要我enter第二樣任務嘅data先，攪到自己有點兒混亂，做report時好似發緊夢夢遊咁，因此速度比平時慢了些少，及後另一個任務又jam唔到d record，於是惟有尋求IT同事的協助，一路做竟然忽略忘記了食飯同放工時間tim。

今朝天氣並唔係想像中咁理想，但我和同事堅持要去行山，最特別嘅係今次我哋係漫無目的咁行，原本打算行幾段港島徑，亦因為我哋冇買地圖，大致上我哋都係見路就行，出發地點依舊在置富花園附近的薄扶林水塘道，及後應該係沿著港島徑第二段直到貝璐道，再由香港仔水塘道行去灣仔峽，然後再行上布力徑直到黃泥涌峽道，跟住沿大潭水塘道直到陽明山莊，由於一路行香港仔水塘道一路落雨嘅關係，我哋兩個身體都濕咗少少，再加上行咗咁耐都感到有點兒攰，於是決定放棄行港島徑第五段，折返黃泥涌峽道乘車回家，唔講我都唔覺自己行咗咁多條道路，雖然唔係follow港島徑，但至少同同事又交流了不少資訊。

小時候總希望快些長大，為要得到更多選擇權和自主空間。

 終於長大，自主權真的擁有了，才發現需要自行抉擇的事情，實在多不勝數─
學業、工作、家庭、朋友、生活方式……

 眼前是一堆亂草般的路標和燈號，該怎樣走才好？向左走？向右走？

前晚在MSN向SZ admin同事指教一d excel嘅問題，佢竟然唔理三七廿一話打電話同我講，於是我又識多樣嘢，係間公司做咗成九個月有多，雖然我做果d嘢好多時都要SZ admin同事follow，但係我哋純粹 send完email就算，根本好少溝通，始終都分隔兩地，要溝通就要利用電話，電話唔係唔好，但係人唔係經常性stay在座位，行開行埋分分鐘 miss咗d calls，因此好少打電話查詢任何嘢，但自從准許SZ admin同事利用MSN傳遞消息，我覺得同SZ admin同事多咗交流，，雖則暫時仍未有機會讓我親身上去了解，但前晚SZ admin同事的來電至少讓我知道了不少SZ centre的運作，呢位SZ admin同事細過我，但我feel到佢d excel知識好豐富，我所知道嘅其實係好少好少，但佢知道得頗為深入，因此呢兩日間唔中都有向佢指教，佢間唔中都問吓我d英文，大家展開互相鼓勵互相幫助呢！