今朝返到office無端端喉嚨好乾，仿似是喉嚨痛跡象，幸好食咗粒使立消喉糖後就回復正常，近期天氣涼咗大家真係要小心身子。之後就專心做自己例行任務，突然上司叫我得閒落去買幾支光管，我當然應承咗，不過既然佢話得閒先，我於是打算清埋手頭上d duties先去買，一路拖一路拖唔經唔覺去到晏晝，由於我手頭上沒有足夠現金，三番四次我想開口問上司攞錢，點知我見佢好忙碌又不敢打擾，一心諗住做多少少任務就出去買，但我上司已經離開座位自己去買，當佢離開後我完全進入自責狀態，我唔明點解我唔可以大膽d，每次佢叫我做嘅嘢我唔係做唔好就冇做到，成日都驚呢樣驚果樣，最終點自責根本彌補唔到，做錯咗就係做錯咗，冇做到就係冇做到，果一刻心情一下子down咗，我知道我應該當面同上司講”對唔住”，但我依然缺乏勇氣，我深知一句”對唔住”唔代表任何嘢，或者只係一個減低內疚嘅方法，最後硬著頭皮用最passive嘅方法 (send MSN message) 去作出道歉，上司嘅反應我已經預料到，我真係好憎恨自己嘅膽怯同懦弱，成日諗埋諗埋其他嘢，點解我唔可以將焦點放在最basic要學嘅事情上？

尋晚嘅突發性爭吵雖然我唔係主角，但係為咗表達細妹嘅感覺，我搭咗一兩句，不過都照舊冇人當我存在過，我講嘅嘢佢哋當耳邊風，畀人忽略我已經見怪不怪，我擔心嘅始終係我細妹，佢尋晚喊咗好耐，加上無意中仲講嘅d生死問題，今朝返工我冇刻意去記掛，點知臨放工前阿哥嘅來電引起我擔憂，佢話打去邊都冇人接聽，阿媽出咗去買餸屋企冇人聽唔出奇，冇理由打唔到畀細妹，於是我嘗試致電，點知真係聽到冇開電話段留言，及後阿媽又打嚟問我知唔知道細妹去咗邊，佢越講我就越擔心，攪到之後完全心不在焉，根本冇法專心做我d duties，於是我選擇放工而暫時擱置自己d職責，離開咗office之後我即刻狂致電給細妹，點知都係只聽到冇開電話段留言，我好驚佢出事，幸好之後阿媽通知我細妹已回家，帶咗電話又唔開電腦真係嚇死我，如果尋晚冇事發生我都唔會咁驚慌，最無奈就係我細妹唔當一回事。

而今日返工比較充實，因為累積咗一連四日嘅daily duties，要一次過清駛真係有難度，不過都已經做慣做熟，問題係做得快定慢，要同事follow果d我就整先，其次如果同事urgent需要嘅data我又會盡快run好畀佢哋，一大堆任務最忌就係心急，因為心急只會越做越亂，雖然話積埋積埋好多duties未做，但食完lunch之後都有眼瞓嘅跡象，我一路做一路迷迷糊糊，記得之後睇返先發覺填漏部分資料，慶幸每次我都有double check嘅習慣，唔係就會做漏嘢ga la。而晏晝好難得地食咗一頓極度豐富嘅午餐，我冇諗過我咁多煩惱都會有咁大胃口，真係出奇呢！

又去咗行山，今次唔知係咪因為中途少咗休息嘅關係，完成路程嘅時間比預期中早咗唔少，所以一睇時間我同同事都感到十分驚訝，呢排d路程都係果幾條，攪到我覺得有點兒沉悶，亦由於我哋局限於行山而唔係遠足，所以港島徑呢類遠足路徑我哋唔會涉及，而有關行山路徑嘅介紹書籍又唔多，所以好難去發掘新路線。今日原本話試吓行一條分支路，其實我同同事都唔係好記得個位置，行行吓同事問我係咪果度，我又堅持話唔係，結果又再一次行咗去大潭郊野公園，如果當初唔係我話唔係果條路，或者又會探索出一條新路線，唉，每一次都係我嘅錯誤判斷而攪到出錯，下次做決定前一定要三思而後行。

尋晚無意中睇返d舊記錄，發覺自己原來忽略咗好多細微嘅嘢，一路以來自己建立咗好多問題俾自己，d問題一個覆蓋另一個，舊有而最基本根本冇解決過，諗諗吓只會「貪新忘舊」，簡單嘅我都solve唔到，試問如何handle艱深的呢？？？今日返工少咗鬱悶嘅感覺，因為同事們不時都有同我講吓嘢，雖則我嘅反應能力唔高，但我都有盡量逼使自己俾d response出來，始終溝通係雙向的，唔知係咪講得太多嘢，到放工時間我手頭上依然有duties未處理，其實可能因為下星期一是公眾假期嘅關係，個心諗住快d完成d任務唔好俾佢哋堆積，但越心急就越亂，越想快現實就偏會越慢，做tasks嘅速度比平時慢了，所以利用嘅時間多咗。今日最深刻嘅係同事問我「七大州五大洋」係包含邊幾個時我竟然啞口無言，一個都答唔出，同事話我一d common sense都冇，知道與否跟讀咗幾耐書冇關係，對於我知識嘅貧乏同事覺得好驚訝，我冇介意同事咁講我，反而佢嘅說話令我醒覺自己的無知。

今日又極度眼瞓，呢排可以話日日都會feel到眼瞓，究竟發生乜事？係自己精神狀況唔好還是job nature導致我這樣子，我真係唔知道，但係眼瞓呢個毛病攪到我經常性處於半睡半醒狀態下，唔知有冇方法令我醒神d呢？除咗呢個急切性嘅問題需要解決，其實仲有一大堆問題需要我去deal with，有時傾傾吓計會無端端講起一d嘢，唔講可以當冇事發生，但一提起就會令我好苦惱，好多時我會選擇逃避，一逃避我就唔駛咁煩，但逃避過後問題依舊存在，唉……我嘅想法係乜？我應該點做好？講了又如何？腦海中浮現出一連串嘅問號，真係向左走還是向右走……

尋日晏晝CEO請食tea，由收集同事嘅選擇到整理後fax去餐廳，及至送嚟之後嘅分派，一件看似簡單嘅事情原來包含了頗多步驟，由於星期一同事們都會比較忙碌，以上提及嘅步驟由不同同事負責，而我就被assign為分派食物，對住一大堆食物我真係感到束手無策，幸好得到一齊行山果個同事協助，分派工作才得以順利完成，亦由於利用了不少時間作分派嘅動作，攪到要好急促地完成自己嘅任務然後趕去上堂，而今次上堂唔知係因為教嘅嘢淺咗還是事先我預習過d內容，明顯地我跟得上阿sir嘅速度，就算我覺得阿sir唔識教書，既然我give out咗course fee，我都唔可以waste money而選擇唔上堂呢！但願以後幾堂我都能夠像昨日一樣明白理解阿sir講嘅嘢。

 而今日再一次冇厘精神，一整天我都感到極度眼瞓，在半睡半醒的狀態下勉強完成自己的任務，近期我d精神狀況顯然下降了不少呢！我完全驚覺做嘢嘅speed比起平時減慢了，食完lunch見冇進展，諗住飲杯咖啡會令我提起精神，誰知效果完全欠缺，我依舊覺得好眼瞓，不過就算我放慢咗去做，我仍然能夠準時收工，大家可想而知我要handle嘅嘢有幾多……

上星期五情緒低落完全表露了出來，我就係唔識掩飾自己，果日原本可以準時放工，亦因為我嘅情緒拖慢了工作的進度，所以當我上司離開時我仍然處理緊我嘅duties，還記得上司臨離開前，佢驚覺我出現問題，所以都有問我發生乜事，我依舊保持緘默，堅持話自己冇事，我知道我嘅黑口黑臉佢完全察覺到，之後佢沒有繼續追問，但我真係估唔到過咗個weekend佢仍然記得我星期五嘅唔開心，今日佢竟然問我上星期五做乜嘢，尋日同同事行山我哋都討論過有冇人會記得，當時我仲話如果上司問到我會如實告訴他我嘅感覺，到頭來我依舊說”都過咗去，冇事ga la，不提也吧”，我依然無法將我心中所想說出來，我嘅表達能力仍然欠缺，但係我想講嘅係我好開心接觸到一個關心下屬的上司，無疑有時我會覺得佢忽略了我，好多嘢屋企achieve唔到我會轉移到工作上尋找，因此可能我嘅要求太高，當佢問我果一刻我feel到好warm，俾人關心的感覺真好。 

今日我又鬧情緒，我嘅心情一下子變得好down，仲忍唔住衝入廁所喊咗出來，話說今日CEO再加上billing team其中一個同事生日，平時一有人生日一大夥人就會出去食餐生日飯，事先冇任何人專登向我提及今日係她們嘅生日，無疑平時傾談時可能有機會講起，但係我冇可能每一樣嘢都清楚記住，直至尋日放工仍然冇人叫我今日唔好帶飯，礙於我知道有生日飯呢個環節，今日我的確冇帶飯，一返到office上司問我”唔係帶咗飯ar ma，今日會出去食飯wor”，當時我諗就算我有帶飯我都冇錯，係佢哋唔通知我會一齊出去食，好啦我當作係佢哋太忙一時忘記notice我，一路做嘢我都唔知佢哋會去邊度食，到lunch time billing team離開office都唔叫我同上司，由於我個位睇唔到出面發生乜事，最後係我上司發覺佢哋已經離開咗，去到discover原來佢哋又開唔夠位，平平淡淡食完餐飯，出奇地佢哋冇行開去買cake，因為之前話過CEO生日會買個cake去conference room一齊切，lunch又冇同CEO一齊食，我同同事以為CEO冇返，點知四點我隱約見到班高層講嘢，然後我上司攞咗個銀包行開咗，我斷估佢哋去買cake，買完返嚟我上司照舊行嚟行去處理佢d任務，點知我去裝水期間轉頭見到成條billing team嘅同事唔見駛，我仲以為佢哋要discussion開會，過多一陣平時同我行山果位同事MSN問我點解唔去conference room一齊切餅，我到receive message果一刻先知道佢哋入咗去conference room，由始至終我唔知道發生乜事，又冇任何人士同我講佢哋會去切餅，一路以來我都feel到冇乜人理會我，經歷埋今次，我完完全全feel到我比人冷落，所以當我知悉後我超級極度想喊，初時我盡量迫自己要堅強d，但後來真係不能再抑壓，惟有衝入toilet大哭一場，你哋可能會覺得係一件小事，但當你代入我嘅身份，相信你哋同樣地感到我的難受，就以最後冇叫我切餅嚟講，生日果兩個人可能會覺得我好囂張，切餅都唔出現，佢哋可能質疑我係咪咁多嘢做，佢哋唔會知道係因為冇人通知我我先唔在場，唉！其中一個仲要係CEO，諗起冇人理會我嘅存在，我真係好痛苦，入咗toilet喊完出來我完全唔想同任何人講嘢，對住件cake我真係食唔落，我嬲佢哋無視我嘅存在，於是變成黑臉，明眼人會睇到我有問題，如果我唔黑臉我會一路喊，我唔想provide懦弱嘅表現，佢哋唔會覺得唔妥，但我覺得好唔妥law。 

今日返工有一段時間又感到眼瞓，每一次眼瞓都有衝動去沖杯咖啡提神，不過我知道飲得太多咖啡對身體唔好，所以盡量制止自己唔好成日飲，而晏晝眼瞓到迷迷糊糊，我相信果段時間我已經蓋上眼睛差點兒睏着，當我扎醒望住個monitor，對住個program我完全諗唔起我應該要做乜，彷彿自己的靈魂逃離了自己身體一樣，幸好我依稀記得自己返緊工，近期唔知點解經常性覺得眼瞓，係因為自己夜晚瞓得唔足夠抑或是其他因素呢？？

 輕鬆的心情無法維持，換來嘅只有膽怯和驚慌，不同部門的同事都能清楚指出我的問題，我好想去改變，但如何去重拾我完全摸不清，今日腦海中又浮現出以往一路以來的想法，唉…好似今日有空檔想過界學嘢，問咗同事然後同事答有時間時，我又繼續問有乜可以俾我學，佢話叫我實習昨天所學嘅嘢，當我知悉了之後我個心有十萬個唔願意，於是不斷搵藉口去逃避，同事當頭棒喝咁問我究竟係咪真係想學嘢時，我個心突然醒悟過來，實習無疑要我做一d我唔習慣嘅嘢，但係如果每次我都故意逃避，想自己有進步根本冇可能，因為我自己框住了自己呢！

呢兩日返工d時間好充實，d任務一樣接一樣，排住隊等我去完成，但係並不等於”忙碌”，有d嘢seldom做開突然要我做嘅時候，我需要一段時間去處理，因為我怕miss咗任何steps或者有任何錯漏，有冇出錯我無法判斷，但求凡事盡量做到最好。呢兩日part-time冇返，check地址任務又降到我手上，雖然地址數量不少，慶幸中原網站的速度頗快，減少等候loading的時間，今日d地址唔係錯地區就係串錯字，呢d攪笑情況間唔中會出現，我都唔知應該好嬲定好笑？昨天放工後繼續我book-keeping course的生涯，第一堂唔明嘅嘢經我努力後解開了不少，一心以為是初次接觸的後果，昨夜的第二堂同樣地使我好迷茫，所教果d嘢唔算困難，但我總覺跟唔上阿sir嘅速度，成堂彷彿在夢遊一樣，係我理解能力問題抑或是阿sir講解能力問題？我報嘅已經係foundation，點解我feel到自己好唔點，做d exercises又做到錯駛，又唔知自己唔明d乜，究竟發生乜事？