擁有罪疚感的一夜…今日我未完成任務就離開office放工，離開果刻我覺得自己好無用，我不斷反問自己”明明要做嘅嘢唔多，點解我會做唔駛？”，雖然上司都叫我聽日先整個report出來，但我真係好想今日攪點，話駛一早已經set好每逢星期四係deadline，無奈我越心急就遇到越多難題，在心平氣和做嘅時間會好順利，但係今日越做越混亂，d formula攪到我頭暈眼花，亦因為我知道我無法在短時間內做好，所以我選擇離開，不過之後又責備自己嘅無能，唉！

一朝早上司就話會教我新嘢，佢話原來佢忽略咗教我好基本嘅office admin duties，直至昨天有同事同佢反映我連courier都唔知點做，佢先發覺我缺乏那些知識，其實自從佢放假時我被同事查詢後我答”唔知道”果一刻，我已經知道我連一d好簡單基本嘅admin tasks認識唔多，果時我已經feel到自己根本不足以勝任我個post，雖然我發覺自己認識了解嘅嘢好貧乏，但我冇諗過去問，因為我覺得上司要我識嘅時候佢會自自然然教我，更何況佢經常性處於忙碌中，我都不便打擾，不過我唔講上司冇可能時刻清楚我嘅情況，我都識得話佢忙，點解我諗唔到佢會有所忽略呢？

呢排精神狀況不佳，好似瞓極都瞓唔夠，每朝都要幾經掙扎先願意起身呢！而今日返工嘅狀態極差，心情就極度惡劣，冇mood唔開心苦悶統統一次過出現在我身上，無辦法啦！同事突然要求我每個月嘅cut-off date run多一個額外嘅report俾佢作參考，對於所有嘅”第一次”我都會覺得有點兒困難，其實同平時整開嘅report分別唔大，但我仍然感到好困擾，一方面唔明點解有咁嘅需要，另一方面又質疑自己run果堆data嘅準確性，雖然話同平時差唔多，但係present嘅方法應該好唔同，所以feel到好苦惱，及後因為發覺自己做得太慢，開始心急起來，一心急就會好易出錯，慶幸嘅係我驚覺自己嘅問題，因此盡量prevent有任何出錯嘅機會。

呢個星期好特別，因為每日都有d突發任務要處理，所以放工時間比以前遲咗少少，不過我冇埋怨過，反而幾enjoy整個過程，始終時間過得充實ar ma，充實還充實，手頭上仲有頗多濕碎嘢未攪點，不過我有信心可以在短時間內處理妥當，記得晏晝有個TL問我自己一個可否handle駛，其實有乜話可唔可以ga，始終都會做駛，問題係要付出幾多時間。

 今日係成個禮拜心情最低落嘅一日，究竟係乜原因令我咁冇mood？其實都冇乜特別原因，冇mood就係冇mood，全日嘅我都好似未瞓醒咁，有個同事行過都叫我精神d，無奈我對任何事情都提不起勁，不過對自己嘅工作範疇就沒有敷衍了事。今日嘅我學識咗原來有d嘢唔可以諗得咁簡單，話說晏晝我上司突然問我點解今日成日都做果堆嘢，我話因為如果我唔enter果堆data就run唔到個report出來，其實個report應該尋日generate，亦因為我收唔齊d data所以徵詢咗需要呢個report嘅同事，佢叫我收齊d data今日先一次過run俾佢，點知我上司話唔應該咁做，雖然果位同事係report嘅主幹人物，但係report唔係得佢一個人睇，我唔準時send出去只會比其他人感覺到我唔盡責，起初我以為只要得到那位同事的允許就可以延遲generate，但原來我諗得太簡單，我冇concern其他相關同事的需要呢！

由於昨天太心急嘅關係，其中一個task d data未ready好駛我已經整好send咗俾人，及後才發覺當中出現問題，為求準確無誤，惟有要求他人hold起唔好follow住，攪了一個爛攤子出來，當然需要時間去重新整理，所以今日成個晏晝攞咗出來去修補，因為d data好多，而且在不同時間run咗幾次，因此會出現double嘅情況，我要做嘅係 cross check d data睇吓邊d double然後delete，對住電腦螢幕望住成堆data，除咗睇到眼盲，仲睇到有點兒想發脾氣，因為d data好似check極都check唔駛，不過講到底都係自己心急累事，其實我可以完全regenerate過再send俾人follow，不過我考慮過”麻煩”嘅程度，我寧願自己做多d好過俾多d麻煩別人，最後都尚算用咗短時間去tackle好呢個problem。

每日返工我都會plan住全日嘅流程，因為我總覺得時間對我嚟講係非常充裕，尋日朝早已經feel到自己好大機會可以準時放工，因為我早前預約咗去換身分證，所以食飯時間仲專登諗乘搭乜交通工具會save money d，點知人算不如天算，臨收工前先encounter上面提及嘅問題，於是乎要tackle好部份程序先可以走人，因為要download d file，而file嘅容量又相當大，所以download嘅speed好慢，如果我要等佢download駛，我相信我要等到八點，亦因為我要趕住去智能身分證中心，最後徵詢上司嘅意見後才可離開office，由原本諗住悠閒地去銅鑼灣到最後嘅急促趕去，所以話千祈唔好低估突發事情的可能性。

當別人擁有而自己沒有時，自己就會對果樣嘢有所渴望，但得悉自己好難去擁有時，就會用好多藉口去令自己安心，又或者搵另一樣嘢去令自己分心，目的只係唔想再諗果d好難擁有嘅東西，但宜家有機會去擁有果樣嘢時，自己又會莫名其妙擔心起來，或者因為一路而來都無法得到，對果樣嘢已經習以為常，雖然間唔中都會有所祈求，但真正要我去選擇擁有與否時，我好怕下錯棋子呢！

無意中我做咗好多唔應該做嘅事，亦講咗好多hurt到人嘅說話，做完講完仲可以話無意咩？係果一刻我control唔到，之後regret又有何用處呢？

今朝天文台好突然地掛紅雨，個天由好平常變成好陰暗，而我嘅心情亦同時地變得好差，成個人瞬間變得好唔開心、好冇mood，果一刻我感受到自己好孤獨無助，而腦袋就不斷思考一d negative嘅嘢，幸好lunch時我伏在桌上小休片刻後情況轉好咗少少，雖然都係唔開心，但不至於影響我做嘢嘅quality，始終唔可以受情緒去affect其他事情ga ma。

 P.S. 放工去咗剪頭髮，在此感謝Chiann嘅介紹與陪伴。

我所認識同知道的真係唔多…一路以來admin department只有我同我上司兩個人，好似今日咁，我上司放annual leave，，阿head冇返照理我呢個做細嘅唔多唔少懂得處理一些基本嘅admin duties，但係事實並非如此，例如同事問我有冇皂液，對唔住！我連d皂液放係邊都唔知道，又如何攞支新嘅俾你哋用；寄信寄文件呢d係admin tasks，不過當同事問我courier事項時我都唔知應該點做，除此之外，仲有好多好多…我上司一放假就會突顯我嘅冇能，有時我會諗其實我係屬於邊個department，話就話係under admin department，但係連一d好簡單嘅admin tasks都唔識做，係我冇eager to learn抑或其他因素引致這樣子呢？？

我的確欠缺好多嘢…例如欠缺關心別人，尋日問同事有關醫療咭d詳情，佢哋不厭其煩咁仔細解釋比我聽，無意中我亦透露自己身體上出現嘅毛病，佢哋就話俾我知睇邊個醫生好d，仲叫我盡快去check吓有乜事，直至今日，佢哋仍記掛住我嘅毛病，又專登問我睇咗醫生未？我話睇咗個冇用嘅醫生，佢哋就叫我睇個第二個，仲不斷提醒我一定要去睇，果種感覺好warm，但係睇返自己，別人生病後我連一句關心嘅說話都唔識講，就算真係想問候吓，但講極都講唔出口，唉…另外，我亦開始發覺自己識嘅嘢真係唔多(欠缺知識)，自己嘅知識真係好淺薄，宜家返工要做嘅嘢其實真係簡單到唔可以再簡單，無疑果d所謂濕碎嘅東西的確有其重要性，但係我終於明白點解我會話自己唔重要，因為我宜家做果堆任務唔駛點用腦，唔係唔駛用腦，只不過用得好少，所以有好多嘢你哋問我我都唔識答，所以我真係要好好學習。