全日都感到腰酸背痛，都唔知係咪因為尋晚搬櫃嘅創傷，搞到今日返工周身唔自在，無論點拉筋都冇好轉過，似足d阿婆風濕病發作一樣，唉！今日最傷腦筋就係思考lunch食乜，因為冇帶飯嘅緣故，同事決定叫外賣，我唔係有心唔叫決意離群，只係唔知點解睇到d菜單就feel到自己冇駛胃口，final都係自己一個人出去食，而晏晝亦過了另一個department學嘢，宜家負責教我果位同事明顯地希望我去學習，因此每次過去總會遲放工，就算我話夠鐘放工佢都堅持要講完，有時其他同事見狀都會叫佢慢慢教，教唔駛咪聽日再教過，但係佢依然超級樂意指導我，既然佢唔介意遲放工我又點會介意呢，本應今晚七點約咗Sunny同佢導師銅鑼灣等，見同事講得興致勃勃我都不敢打斷，換來只有遲咗九個字才出現，真係唔好意思呢！而今日最倒霉莫過於夜晚食飯時每逢離開有蓋地方就會下起傾盆大雨，d雨越落越大，慶幸我有帶傘因此不用變成落湯雞。

極度煩惱的一天，工作上存在著一種怪誕嘅感覺，而返到屋企又要面對七零八落嘅環境，心情極度低落，發牢騷總是避免不到，唉……先講返工，大體上依然做daily tasks，今日中途讓我接觸了少許麻煩嘢，慶幸並沒有拖延我太多的時間，而怪誕感覺出自於我同上司彼此溝通嘅問題，我同佢之間彷彿存在著隔膜，大家都好似唔想見到對方一樣，每日講嘅嘢都唔夠十句，我唔識表達果種feeling，只知道種feeling令我唔好受；到講屋企，不斷嘮叨重覆講風水問題真的令我好討厭，果頭話唔好擺嘢呢頭又話高低問題，究竟佢哋可唔可以唔好咁迷信？執屋唔係唔好，但係一發脾氣就亂咁搵d有用嘅嘢拋棄，應該執果d佢哋又堅持保存唔願意放棄，間屋已經狹窄，仲要去follow所謂嘅風水，記得有人同我講過如果真係靈驗，點解見唔到風水佬發達呢？？

尋日返工一路做嘢一路打呵欠，話攰唔係，話眼瞓又唔係，惟有迫自己飲d水清醒下，lunch見同事匆忙食完飯立即埋頭苦幹，自己相對嚟講真係好清閒，於是有種技不如人嘅感覺，及後只好強烈要求自己做好份內事，迫自己唔好再諗什麼”技不如人”，但當review自己所做嘅一切時，又發覺自己連一d基本嘢都未做好，得出嘅結論就係there are still many rooms for improvement。而今日都係平平凡凡地度過，照舊好專注做自己要handle嘅tasks，惟一唔同嘅係part-time冇返，我要tackle埋check地址呢個任務，奇怪就係今日明顯特別多地址，每次我負責check時數量都會無端端增加，不過做咗咁耐，多與少已經唔重要，中原網站聽話嘅咪check得快d，唔聽話嘅咪俾d耐性等待，今日都相當聽話呢！

今日過咗海陪細妹買校服同課本，一心諗住去佢學校provide果兩間舖頭買校服，點知舖頭d環境有點兒恐怖，完全present out信唔過嘅感覺，由第一間行去第二間需要行大概一個地鐵站嘅路程，幸運地俾我哋發現咗另一間都有出售嘅舖頭，雖則當我哋入去買時d sales態度唔好，不過始終都要買，為咗將來只好忍受吓，之後去咗旺角諗住行陣街再去太子買書，適逢食lunch時間，又要為食嘢而耗盡心思，在朗豪坊行咗幾個圈終於決定食「扖王」，細妹從未食過阿媽更加唔駛講，食完個set lunch行咗一陣都覺得係時間去買書，set咗嘅targets係咪都要完全fulfill咗先，因此擱置咗shopping呢個突然加插嘅項目，買完書就拖住頗為疲倦的身軀回家了。

朝早又同自己掙扎，腦中不斷探索如何令自己諗嘢諗得正面d，在一頭霧水之際惟有請教同事，我知道我打擾到同事嘅工作，但係如果我唔問將問題收埋，最後只會令自己繼續苦惱下去，好冒昧地提出問題，該同事亦頗為仔細同我分析，重點其實一直在我身上，能否去改變掌握在我手上，但我過於性急，要改變根本唔係一朝一夕可以做嘅事情，不過就係因為我想盡快睇見個成效，所以無意中給予不少壓力自己，同同事係咁chat，攪到原本做開嘅daily tasks都做慢咗tim，不過唔緊要，之後我做返快d都唔會有特別影響gei。

 夜晚就同同事出咗去食dinner，雖則我平時唔多講嘢，但總有機會講返 一兩 句，由於佢哋係finance department，話題有時會關於account嘅term，我冇讀過account當然唔明佢哋講緊d乜，其實佢哋圍繞嘅話題係多元化，問題係我好似冇意見發表，成晚做咗一個聆聽者，全程都冇乜點出聲，靜到連同事都問我發生乜事，顯得超級格格不入嘅我到最尾仲做咗件低能事情，今輪真係瘀爆。

忙碌嘅時候往往突如其來會出現extra嘅任務，當應接不暇完全沒有額外時間去處理而擱置咗幾日後，叫我做果個同事已經等得唔耐煩，繼而要求我俾返d資料等佢自己handle，係佢request果一刻我完全覺得自己冇口齒，或者佢一句唔urgent令我忽略咗任務嘅重要性，不過唔代表我忘記咗件事，本身想晏晝去處理偏偏朝早就問我攞返d data，呢件事係尋日發生，但我到目前為止仍然感覺到自己嘅無能，其實因為今日我有好多空閒時間才更加顯現到自己嘅useless，可以講嘅係我有能力去handle果個任務，但佢request我去做嘅timing唔好，結果就……唉！上回講到我可以過檔學嘢攝時間，今日既然有空閒時間於是過咗去另一個department，不過我全程都不在狀態，學極都唔上心，個步驟記極都記唔到入腦，同事好用心去教導，但自己冇乜心機去學，見到同事為可以教導我而感到高興，我至少知道佢冇嫌棄我，佢唔會覺得我阻礙佢嘅正常工作，但願以後我能充滿精力地去學習更多新知識，唔好浪費大家的一番心意。

今朝我又發作，心情無端端變得好down，繼而成個人冇駛心機，連lunch都唔想食，因為冇帶飯嘅關係，原本我要相約同事一齊食飯，但鬱悶心情完全制止我去做任何事情，係冇辦法之際惟有強迫自己搵人chat下問下食飯事宜，後來得到其中一位同事嘅聆聽，雖然果一刻我依然冇胃口食嘢，但同事話點都需要食d嘢，於是不大情願跟她出去食lunch，一路行佢一路同我分析，的確好多嘢需要自己去改變，就算別人講無數次，如果我唔改變自己嘅思想根本沒有用途，佢話女性特別情緒化，我都覺得自己超級情緒化，呢一秒開心分分鐘下一秒可以極度唔開心，每個人都有自己嘅問題或者故事，重要嘅係我嘅思想想法正面與否，起初我照舊沉默，及後經過同事嘅催逼唔想出聲都要出聲，講嘅嘢雖然唔多，至少我開始願意去講，食完飯出奇地我嘅心情平伏咗，當我驚覺自己心情驟變後，即時向該位同事道謝，之後重拾精神繼續完成手頭上嘅工作，越做越起勁嘅我今日終於有空閒時間過檔學習，學習新嘢充實咗少少我返工嘅時間，以前會擔心冇嘢做但現在上司批准我去另一個department學嘢，我已經唔駛再為冇嘢做而煩惱。

一朝早個腦就充斥住自己前途嘅問題，我真係好想知道點解有d人可以在同一間公司做上好幾年，點解有d人又要不停咁轉工，以前返學唔多唔少對間學校有歸屬感，出到社會做嘢又能否建立歸屬感呢？自從我開始做daily duties之後就停止咗胡思亂想，其實諗多無謂，重要嘅係我究竟想得到d乜。而今日整體上都係不斷對住個monitor做做做，尋日覺得困難嘅任務做做吓開始慢慢上手，可能我用嘅步驟係錯誤而累贅，不過至少我覺得個flow頗順暢，但係仍然需要慢慢鑽研快而準嘅方法。

終於過咗兩日無所事事嘅weekend，今日返工立即俾我一種”攰”嘅感覺，星期一無疑會比較多嘢做，以前明明可以有剩餘時間幫忙check地址，但係呢兩個禮拜d嘢做極都做唔完咁，任務其實沒有增加，只係可能數量多咗，同埋以前我慣性將一d自己認為次要嘅tasks押後做，但係原來我認為嘅並非事實，好多嘢都需要我盡快去完成，否則就會引致不同嘅後果，麻煩到其他同事呢！而今日又多咗一樣嘢要handle，講果時唔覺麻煩，一做先知困難重重，真希望我能夠思考到一個快捷方法去處理，同時亦要remind自己防範無謂的錯處。

一返到office就俾同事問我細妹考成點，唔講唔覺自己真係極度擔心，一講就差d想喊出來，我想了解多d，細妹反而選擇收收埋埋，可能佢一時接受唔到個分數，我明白短時間要作出決定係好困難，但係中六學位係分秒必爭，時間唔可以停止俾人去思考，矛盾怕後悔嘅心情一定會出現，見到細妹愁眉苦臉我又怎會不心痛，佢嘅態度令我好忟，雖然我話唔理佢，其實我好關心佢嘅狀況，今日返工我仍記掛著細妹而無意顯出極為擔心的樣子，攪到要同事叫我唔好咁憂慮…

 由於我做嘅任務要daily完成，尋日放假因此需要上司幫我做果堆tasks，唔做開其實真係唔知個步驟，正所謂”熟能生巧”，所以今日要執手尾，不過上司已經替我完成咗一部份，今日handle都冇話特別困難，只是比起平時繁忙咗少少、遲咗少少先可以放工，每次當我覺得有好多嘢未完成時，我總會犯下心急同粗心大意嘅毛病，今日當然亦唔例外，回顧才知道自己錯咗好多careless mistakes，希望下次自己能夠謹慎些。