尋日lunch比一個MSN message搞到我連食飯都冇心機，你哋propose出嚟當然有你哋嘅原因，但對我嚟講都唔知係好定壞……而今日嘅我簡直忙得不可開支，一個令我攪盡腦汁要思考嘅format、突然更換存貨嘅要求、出courier及daily duties嘅其中一個task已經填滿咗一個上午，而lunch就係一個補給站畀我抖擻精神，雖然明知今日比平時多咗額外嘅嘢要handle，但估唔到晏晝先係戲肉所在地，daily duties、入data、不斷催促嘅printing、同事嘅查詢，一切一切讓我體驗到只得一個人嘅辛苦，過程中包括好多不必要嘅錯誤(思路狹窄、婉拒技巧、查根問底等等)，但願下次能夠有所減低錯誤嘅出現。

五日轉眼間已經過咗兩日，幸運地沒有出現嚴重無能嘅感覺，雖然我唔係乜都知曉，但我會盡量嘗試協助，有d嘢係幫唔到就幫唔到，因為各自有自己嘅份內事。呢兩日過得頗為充實，整日(枕)住有嘢做嘅我，尋日因為一個信封拖慢咗我嘅速度，亦由此証明我嘅電腦知識有點兒貧乏，沒有handle開就係唔熟手，因此好多時我都會做得額外小心，反覆又反覆地核對，始終擔心出現任何出錯，一路只顧做完全冇留意時間，所以每次一望時鐘就會慨歎點解時間過得咁快，尋日因為錯誤判斷搞到自己一腳踢，就算我點加速都做唔駛，最終都要SZ Admin幫手，而今日因為遲來的匯報搞到同事以為我忘記了要做，最終都未能及時recover，要留待聽日先可以一次過處理。

EQ係一門我極度需要專研嘅學問，短短嘅一日，我竟然可以發咗幾次脾氣，無論事情是大是小，我總會表示出唔滿意唔鐘意，然後講出一d hurt到別人嘅說話，點解我會控制唔到自己嘅脾性？對自己嘅態度自己都覺得有問題，更何況受我氣嘅人，究竟我有冇病？呢個係一個好嚴重嘅問題，我應該點去改善呀？？

缺乏判斷力嘅我又錯誤估計自己工作嘅進度，現實往往同思想上有出入，真係要認真去學習如何能夠正確作出判斷，另外我亦缺乏理解能力，別人講第一次時我多數會唔明白，將別人原本嘅意思誤解，究竟點先可以提高理解能力？？同事一句”做得咁努力究竟為咗乜”，我竟然可以叫同事諗開d，果一刻先發覺原來每個人都會有機會感到唏噓......

個task做咗都有一段日子，直至今日你哋先同我講要排隊一個跟一個做，我唔係唔想follow固有嘅步驟，問題係點解咁耐都冇人同我提及過，係我渺小到你哋冇當我存在過嗎？？今日返工可能因為多嘢需要處理嘅關係，我嘅心情竟然有點兒暴躁，睇住同事打嘅日期，真想破口大罵，試問5號又點會用”nd”，最麻煩就係我print駛出來先發覺，搞到我correct完要再print過，時間已經緊迫，仲要遇到呢d careless mistakes，真係令我感到無奈…

我好想平心靜氣去溝通，我好想表達我嘅意見，無奈每次我嘅語氣都好差，講咗唔夠兩句就好似想嗌交咁，你有你嘅想法，就算我講乜你都覺得我唔好，因此我習慣唔出聲，與其減少彼此嗌交嘅場面，唔出聲又話唔知我點諗，當我嘗試表達時你又唔聽我講，呢樣又唔得果樣又唔得，我真係唔知應該點做好，如果你覺得我係偏幫嘅，就讓你繼續吧，你嘅思想冇人能夠改變。

尋日返工冇乜特別事情發生，只係在臨放工前精神稍為欠佳，我竟然可以做做吓突然好似瞓醒咁對自己要做嘅嘢一概不知，要review一輪後才醒起要做乜嘢，有咗呢個突然失憶嘅經驗，所以今日其他同事要我幫忙時，我一係長開個file remind自己，一係即時做咗先，唔係可能又會miss咗其中一個task，明顯地今日多咗唔少突發事情，搞到我原先嘅預算出現少少錯誤，不過影響唔大，最令我驚訝嘅係SZ同事為咗同一個task分別致電要求我協助，真質疑佢哋有冇足夠溝通，不過話駛都係第一次tackle嘅task，少少混亂都會存在嘅。

為咗幫阿婆核實永久居民身份，今朝七點半就起身，食完早餐就趕去灣仔入境事務處諗住辦理相關手續，點知…原來可以做嘅只有填寫表格及遞交，要真正批核嘅時間要成兩個月，由於兩個月期間涉及農曆新年假期，我哋需要同步做埋另一樣嘢去滿足阿婆嘅要求，要處理另一樣嘢要去另一個地方，我哋擔心已經派駛籌，只好派我作先驅睇吓仲有冇籌攞，雖然我手頭上有地址，但我唔係一本地圖，根本對地點毫無頭緒，就算唔知點去都要試吓盲撞嘅我，最後幸得MTR嘅iCentre協助，終於畀我順利搵到目的地，一路上半跑半行嘅我結果都攞到籌，証明我嘅辛苦沒有白費。由於唔想浪費車錢，搞完一切之後就同細妹去咗Causeway Bay，一齊食咗Krispy Kreme嘅Doughnuts，一齊行咗陣街，到細妹補習時我就乘車回家，忙碌完大半日返到屋企宜家覺得好眼瞓…

究竟發生乜事呀？點解呢一刻我嘅心情咁差，點解我會咁介意，點解我會有咁多顧慮，點解我會咁在乎，點解我會放唔低，點解我唔可以自我控制，點解我會亂發脾氣，點解無法改變，點解呀？？？

尋日因為太多嘢需要handle嘅關係，時間好似唔係屬於自己咁，而今日感覺已經唔同駛，時間終於由我去控制掌握，我可以真正搵d時間出來create零七年嘅folder，可以真正仔細思考做邊個task先，個感覺比較實在呢！呢兩日我留意到原來自己所諗嘅假設係錯誤，好多時候一個人會用自己嘅觀點去判斷一個人是好是壞，又或者有時會覺得其他人會注意自己嘅一舉一動，其實現實並非如此，但往往思想會左右一個人嘅思緒，遮蓋事實嘅真相。

零七年第一日返工，whole day都係non-stop咁不斷做，由於事先沒有預備零七年嘅folder，每做一個task都要額外抽時間create一個新嘅folder同related嘅file，四日嘅daily duties足以充實我嘅返工時間，點知又有突發事情發生，因此更顯得我多嘢做，所謂嘅突發事情一d都唔困難，問題只係佢會利用我不少時間去查證及解釋，依稀記得今日有一段時間個電話竟然同時間響，任務係咪都要做，自己惟有先處理稍為比較urgent果d先。

今日畀我察覺到…原來一路以來我諗得太多，有d嘢其實好簡單，係我單方面諗得太複雜，究竟一個人是否重要如何界定？