幾日冇update日記，呢幾日嘅我病咗，生病除咗令我覺得好唔舒服，同時亦令我唔想做任何嘢…上星期四因為心情舒緩咗嘅關係所以工作效率明顯提升了不少，同事所有嘅request我都會盡量做到最好，這証明了”情緒”的確對其他事情帶來不便；而星期五生病徵兆逐漸嚴重起來，鼻塞令我需要用口嚟呼吸，一路做嘢一路覺得好辛苦，直至lunch出去食飯，同事叫我去睇醫生，我仲極度固執堅持唔去睇，同事同時提醒我公司有medicine，因此食完飯返到office我嗱嗱淋走去食咗粒藥丸，食完感覺冇咁辛苦，但突然嘅生病導致我無法協助上司佈置公司，搞到我覺得唔好意思，而我自己都feel到唔可以再固執，因此放工後即刻走咗去睇醫生；而今日就出咗去掃貨，一個農歷新年原來所費不菲，要prepare嘅嘢有好多…而我嘅病由鼻塞流鼻水到宜家嘅變聲，真慶幸同事嘅不斷催促引致我願意去睇醫生，唔係今次可能會更加嚴重呢！

情緒低落今朝依稀存在，我諗嘅問題仍然諗唔通，又再一次鑽牛角尖，冇mood嚴重影響工作，尋晚諗住尋求同事嘅開解，我又低能到忘記抄下電話號碼，在公司討論我嘅問題根本完全唔適合，但礙於遷就唔到時間，而我好想知道真正原因，同事嘅來電引起我懇求嘅動機，同事好樂意為我分析，於是透過電話去逐一解開困擾我嘅問題，講講吓我d眼淚突然標出來，我完全控制唔到，最後只好讓眼淚繼續流出來，講嚟講去都係一d以往聽過嘅道理，但我在苦惱時總會忘記那些道理……

上次放假就冇做其中一part，今次冇做嘅分量多咗少少，再加上要一連處理幾日嘅data，同時見到枱面擺放了幾樣duties嘅materials，我放假係咪只會導致呢種情況？一開始我仲好畀心機做，但漸漸地衝勁沒有了，我質問有冇人覺得我做得嘢，每日我付出努力為嘅究竟係乜呢？已經比平時多嘢做，但情緒實在難以操控，突發性空虛嘅心靈，嚴重影響我嘅工作效率，冇mood根本無法提起勁去做嘢，今日嘅我的確有點兒鬱鬱不歡……

選擇星期一放假係一個例外之選，因為星期一往往係最多duties要處理嘅一日，選擇今日放係因為細妹難得地有假期，於是我同細妹去咗添馬艦嘅AIA環球嘉年華玩，初時入到去真係冇乜人，d games往往需要等多d人才啟動，我哋盲摸摸試咗兩個超動感遊戲就已經feel到有點兒暈眩，事前只覺得會好好玩兼刺激，但完全冇expect過有d遊戲會將你反轉再反轉，可以whole day盡興仲打算玩盡d玩駛所有games，點知…一心諗住坐低休息吓，唔知係唔習慣還是後遺症，一坐低就極度feel到自己個身體依稀在旋轉當中，閉上眼睛感覺更加強烈，個天旋地轉feeling令我好唔舒服，之後由於入場費附送金幣嘅關係，我哋去咗玩攤位遊戲，見到個個都抱住大大小小嘅公仔，仲以為好容易，原來d攤位遊戲好tricky，最後我哋竟然空手而回，真慨嘆為何我哋沒有好運氣？而夜晚就出咗旺角同Jovis & Sunny食飯，一個完全冇經驗嘅我全程只好做一個聆聽者，做得狠心d講就容易做就難，技巧係可以套用在不同事情上，對於自己要面對嘅問題我同樣感到軟弱呢！

都過咗差唔多兩個禮拜，宜家講乜都冇用，如果當初你唔想放棄呢個你認為係好嘅機會，咁你咪照你意思去做，駛乜問我哋意見，我哋話唔好你又話我哋成日反對，每個人都有自己嘅意見，如果大家都係同一方向就唔係意見啦，既然畀相反嘅意見你唔鐘意，問唔問其實分別唔大……一路以來對於自己所做嘅嘢真係好難判斷正確與否，我同你提及將會放假，你反問我點解要分開分開咁放、點解唔一次過放駛，你話我咁做唔會突顯我嘅重要、唔會有人覺得我做得嘢，的確我唔知道別人眼中嘅我係點，有時我會問自己做得咁辛苦為咗乜，如果結果係冇人覺得我做到嘢，點解我要咁辛苦？但係我做到嘅只係盡力做好所有任務，無疑努力過後未必一定有回報，難道凡事就係為咗得到回報而盡力嗎？可能係我過於擔憂嘅關係，我選擇分開放假係唔想我上司辛苦，而我上司覺得我嘅表現如何我都好想知道，宜家我真係好懷疑自己所做嘅一切，每日返工不停咁做，人哋(他)(他)(條)(條)賺嘅人工比我高，究竟有冇人覺得我幫到手做到嘢ga？

P.S. 由於控制唔到自己嘅情緒，無意中原來我講咗d好晦氣嘅說話，hurt到你我都懵然不知，知道後我如何後悔自責都於事無補，我真係…唉…

睇睇吓書會不知不覺地瞓著，反而該睡覺時偏偏瞓唔著，結果導致第二日唔夠精神，今日就係一個好例子，返到office嘅我好似仲未瞓醒一樣，覺得超級極度眼瞓，正因為冇乜精神嘅關係，做嘢嘅速度明顯減慢，漸漸地精神回復過嚟，但腰酸背痛嘅出現搞到我周身唔自在，整日就在唔自在嘅情況下度過，夜晚隻腳又突然抽筋，今日究竟發生乜事？

尋日休息咗大半日，點知夜晚嘅上堂令我消耗了不少精神，放咗一日假，都唔知係好事定壞事，daily duties好自然地分配到其他同事手上，而最有直接影響莫過於我上司，我上司尋日已經盡可能做咗一d稍為urgent嘅tasks，不過遺留了不少手尾需要我今日跟進，因此今日照舊頗為忙碌，疲倦嘅感覺再度出現，為咗可以趕及明天寄信，我要一次過print駛客人request嘅bill，亦要摺埋堆信……好多嘢要handle，我只好先處理比較urgent果d。

一個好簡單嘅問題，我可以將佢諗到好複雜，我會假設好多唔同嘅可能性，我嘅無謂顧慮真係多餘…要思考嘅嘢多不勝數，面對艱難嘅我往往選擇逃避，其實只要我學會適可而止，相信我必能有所進步。放假對我嚟講係多餘，自從轉咗返5 days，我覺得星期六日已經係一個讓我好好歇息嘅假期，面對我嘅年假，我真係感到非常困擾，掙扎一輪後，今日決定畀自己放一日假，雖然stay在家中冇乜特別，不過就算係時候執屋，我都唔多想郁動，因為今日我真係想好好休息一下。

為何心情總是那麼飄忽不定，究竟我嘅真正感覺是怎樣？上星期嘅一塌胡塗經已成為過去式，今日不但唔駛用極速，就算check埋地址我d時間都好鬆動自如，所以一路以來我覺得自己要handle嘅嘢唔多，朝早同事突然向我查詢有關study subsidy嘅事宜，之後我反問自己係咪應該去申請，不過因為申請完要fulfill一d criteria，從而引發出一連串問題，我個心究竟想點？我真正achieve嘅係乜嘢呢？

今個星期係我一直擔心嘅，始終係第一次出現呢個情況，宜家終於完結咗，心情頓時輕鬆了不少，當初嘅諗法出現嘅次數唔多，反而一些突發事情令我學會了不少，每件事情我處理嘅手法可能有問題，所以我需要作出自我檢討，不過最嚴重嘅莫過於控制時間嘅問題，部份duties我已經request其他同事嘅協助，但係手頭上要handle嘅嘢好似清極都清唔駛，結果搞到日日都遲走，究竟係乜事拖延我嘅時間？還是我嘅速度問題呢？