今日要考校內事，一整個禮拜我只係在臨考前藉著短短搭車時間去做revision，臨急抱佛腳係會有惡果，結果我係做唔切，因為我用咗唔少時間思索文章嘅內容，校內事時間已經相對地寬鬆，但下星期公開試時間會短好多，所以呢幾日要努力做revision。上完堂同中同一齊搭船過咗黃埔join埋其他人dinner，初時原意係補祝中同嘅生日，不過搞搞吓變咗gathering，anyway，重要嘅係中同知道我哋嘅意思，我哋食完飯之後去咗bowling，對上一次bowling好似已經係兩三年前嘅事，所以我完全忘記個步驟，even握波嘅手勢都做錯呢！十局中有一局我竟然fu look咁全中，而其中兩三局我就捧蛋，成績好fluctuate，不過最終四個人之中排行第二，都算不過不失，bowling完就去咗機舖打機，連貫性嘅活動真係非常充實，臨返屋企前仲要嚟多過促膝夜談，驚訝自己精神並未消耗…

今朝因為出咗去食早餐，搞到好早返到office…一到星期嘅結尾要處理嘅任務買少見少，除非出現突發事情，否則係有時間容許做其他平時唔可以處理或忽略嘅事宜，今日體驗咗分工合作嘅成效，三個人一齊拆信速度果然好快，不過要做到分工合作都要睇時機呢！好奇怪，有時我想自己知多d，不過當我知道之後，我又會無意中有所比較，繼而影響自己嘅心情，究竟我想知定唔想知…

呢幾日屋企部腦壞咗，搞到寫blog上網都做唔到，電腦真係化學呢！星期一嘅send email問題原來係我過度心急嘅錯覺，只係其中一封email阻塞咗個pathway，全部email最終都順利send out，過咗比較忙碌嘅星期一，跟住呢幾日d時間變得稍為鬆動，沒有了迫切嘅感覺，每個tasks都可以慢慢地完成，但係我發現自己對一d好minor嘅嘢依然唔清唔楚，我真係大意呢！唔係做好手頭上嘅嘢就叫okay，其實有好多嘢需要我去注意，但我竟然忽略了…一件事情嘅發生好有機會涉及多個部門，今日我完全體會了，就算係一個好細微嘅問題，事前真係需要考慮唔同嘅可能性，始終都係prevention is better than cure。

辛辛苦苦整好份report，點知臨門撻Q，outlook express無端端send唔到email出去，早知就留待聽日先整，真係令人氣憤…今日whole day都feel到好眼瞓，精神極度欠佳，拖慢駛所有任務嘅速度…晏晝稀有地出現同一時間process三項任務，平時我會盡量避免duties嘅夾雜，因為我清楚知道有機會做漏嘢，不過今日情況有別，時間相對地緊迫，所以要作出相應嘅措施，其實duties唔係一定要做完一樣先做另一樣，當run緊data途中可以同步做第二件事，最重要係自己思想唔好混亂。臨近放工，同事問起我個report嘅情況，我先驚覺自己一直遺忘了該項任務，work tasks schedule真係必須呢！

呢兩日留意到自己做錯咗唔少嘢，無論係工作上抑或人際溝通方面，錯漏出現嘅頻率明顯高咗，雖說”人誰無錯”，要進步就應該加以留意，避免同類情況再次出現呢！今日我只係想了解一d好細微嘅嘢，點知結果…無疑每次一提及我嘅情緒不其然就會波動，我好清楚亦知道果樣嘢一路以來對我都有某程度嘅影響，今日一句說話足以令我無法抑壓而選擇爆發，用”一發不可收拾”嚟形容最貼切，完全估唔到我竟然忍唔住，正所謂”解鈴還須繫鈴人”，其他人畀到嘅係意見，最重要係自己著手解決，有d嘢講咗做咗可能唔會有改變，但係問題重點係咪個結果呢？嘗試抽身換個角度去思考，感覺往往同身在當中嘅唔同…

呢幾日冇乜特別，星期六例行要返學，開始接觸公開試模式，覺得頗為困難，在短時間內諗完format仲要imagine個內容，吹水仲要吹得好professional，完全摸不著頭腦，都唔知應該點應付好…星期日原本plan咗睇VCD，但無法預計嘅放假立即令計劃延期，由於乜都做唔到嘅關係，最後揀咗燙衫嚟打發時間。尋日返工嘅衣著比同事形容為ladies look，只係同平時嘅有d唔同..不過間唔中變吓個look都係一件好事，但係我會諗如果要換光管，著到咁咪唔方便law，夜晚就把握時間睇dead note VCD，都唔明點解 L 估得出咁多事實？而今日嘅我有d神不守舍，朝早因為睇錯名所以send錯咗個MSN message，直至同事走過來向我查詢我才醒覺，之後又遺忘咗做其中一個task，最終做做吓另一個task時先突然醒起…呢兩日我都犯下沒有匯報嘅錯誤，搞到d嘢唔清唔楚，要多加注意呢！

每次我上司唔係公司，總會畀我有另類嘅接觸，因為冇咗上司存在，同事發現問題就會通知我，每一次對我嚟講都係鍛鍊嘅機會，有經驗嘅一講就知道出現乜問題，而我就只會大亂陣腳，密碼鎖唔function，我上司一聽就問我係咪電錶跳咗，我連電錶位置係邊都唔知又點check，於是上司叫我搵師傅處理，點知叫咗個師傅上嚟，密碼鎖完全function，最終原來真係電錶問題，如果我一早check清楚，就唔駛麻煩師傅白走一趟，的確呢單嘢又豐富我嘅經驗，當中所學會嘅知識真係十分寶貴。多咗唔少office admin嘅嘢要handle，變相搞到我d時間頗為緊迫，地址諗住叫SZ admin同事check，點知又遇上多單情況，連尋日send出去果d都未check，我又怎能做到不理會同事死活，我嘅理論係同事之間係需要彼此幫助，work係應該一齊share嚟做，所以就算我幾忙碌，我都會心甘情願擱置其他任務而協助處理稍為比較urgent嘅duties。

只要加以留意，就會發覺我說話技巧完全唔點，有時用咗一d易令人有誤會嘅語氣，有時口快快忽略咗基本嘅禮貌，真係有必要自我警惕呢！今日返工時間嘅分配好fluctuate，原本要做嘅duties唔算多，點知正當準備每周指定動作切瓜時，幾個同事同一時間MSN我話有嘢需要我協助，仲plan好切完瓜會摺信，最終要同事伸出緩手幫忙摺信，而我就埋頭苦幹做幾樣突發性要處理嘅任務，不過even我幾努力，處理時都需要特定時間，結果做到好攰，一係勁忙碌一係勁空閒，原來中間點出現百分比真係好低。

對於轉咗放工時間，第一時間諗到嘅係想改變返學地點，經查詢後話需要公司出封証明信，由於我真係好想轉地點，用我僅有嘅能力draft咗封信，當中grammar錯了不少，上司睇完即刻簽咗封証明信，不過當我遞交時學校先交待可能開唔成班要維持原判，無論結果如何，至少我做完我應該做嘅。上個星期由於放咗兩日假，尋日返工已經知道其中一個report d data出咗問題，礙於時間有限，要等待今日才可作出調查，一check發覺入錯日期，思前想後都唔明點解我會將 20/6 入咗 25/5，呢個錯處真係錯得好誇張。

夜晚中同約咗係銅鑼灣gathering，結果放飛機遲大到通通出現駛，放飛機嘅就唔駛多講，但係遲到嘅係咪有責任打電話畀其他人匯報呢？大家嘅觀點可能唔同，不過做人嘅態度係應該要有所交待，遲到仲要個電話打極都冇人聽，我都唔知有乜好講？食飯時彼此嘅話題好廣泛，對於每年都會有人工加呢個理論我完全投降，年年都會有人工加真係一個定律嗎？另外話會為咗流失率高嘅part-time苦惱，乜嘢唔想train完就走，咁同每份full-time只可做兩年呢個理論係咪有衝突呢？part-time train完做得唔耐，咁放係full-time嘅training比較上應該多好多，咁做滿兩年就走冇問題咩？

放咗五日假，第一日返工少不免會比較多嘢做，在routine duties加上了部份額外任務要處理，衡量重要性係必要而不可忽略，在熟練情況下，好多嘢會頓時變到得心應手般，大混亂根本唔會有機會出現，時間並唔係想像中咁緊迫，只要慢慢做，其實話咁快就會finish。一到七月，公司會踏入新嘅financial year，上年經歷完五日半轉五日，今年又經歷提前放工時間，每一次接觸新措施我都會有點兒唔習慣，始終keep咗咁耐，當中彷彿需要度過適應期。