今個星期除咗牙痛仲有手痛，都唔知搞乜…諗住”牙牙”會自動復原，點知最終都要去睇牙醫，無端端要用幾百蚊，極度無奈；而”手手”竟然酸痛到郁唔到，真係畀佢嚇親。反應實在太懸殊…其實大家都係人，無疑適當嘅收歛係不能避免，但不至於變成這樣子，睇到問題嘅存在，要好好作出改變呢！

飲凍奶茶飲到成肚氣…原本輕鬆嘅lunch，比d唔識趣嘅waitress破壞駛，唉…真係唔明點解唔可以彈性d，只係先後次序嘅問題，轉一轉咪冇事發生，以前試過無數次，今次先話唔得，乜嘢lunch同tea用唔同嘅system，唔可以混合計算，咁以前咪做錯駛…前言不對後語，講完”可以”唔夠五秒又話”唔可以”，不斷要求叫多杯嘢飲，只知道自己嘅一套，無視客人嘅說話，最終不但做少生意，更加令客人感到不滿，值得嗎？整個過程中其實學了不少，特別係抑制怒火呢一環…

是選擇了逃避嗎？不能肯定亦不能否定，“沉默”是否一個好嘅方法？聲稱想通了嘅同時其實依然介懷…站在別人角度思考，顯然不是一件容易嘅事，但會盡量嘗試，也許一切只因過於計較吧！狀態反反覆覆，直插谷底後反彈再直插再反彈，以為諗得徹底，事實並非如此…唔想停滯不前，又唔肯踏出第一步，整個過程根本乜都冇做過，齋講齋明又有何用？

整個禮拜都冇飯帶要出去食，簡直千載難逢呢，出去食飯比起帶飯會食多好多，食到肥駛L。今個星期情緒好唔穩定，好完又壞，壞完又好，真係可以好懸殊…其中一日終於抑壓不了而爆發，爆發過後嘅疲累出奇地嚴重，也許因為收藏過久吧！有d嘢也許唔係想像中那樣子，但總喜歡困在圍牆內，「退一步海闊天空」，為何不能諗多d，偏局限於既有嘅觀點中徘徊… 

心情嘅突然變遷難以估計，正當以為開始有轉變時，”停頓”不動聲色地出現，抗衡需要利用嘅力量有誰知悉，要徹底解決談何容易，但難道選擇放棄嗎？近期有種”這麼近那麼遠”嘅感覺，關係彷彿因時間而變質，友誼真的可以長存嗎？豎立嘅圍牆越來越厚，距離越來越遠，隔膜越來越難打破…

今日終於到達公司悉心編排嘅training大日子，因為訓練地點在沙田，所以要比平時早些少wake up，也許實在有點兒令人期待，結果五點半左右就醒咗，之後輾轉反側在床上直至預計起床時間，想舒適d唔駛轉車而選擇搭巴士，幸好預(鬆)了時間，在東廊至隧道口真的塞車呢！由開始嘅生疏陌生直至最後嘅互相合作，team已經無形中build up，令人深刻嘅係無論食lunch或夜晚食buffet時有同事會suggest同一條team不如一齊坐。所有安排嘅活動，其實重質不重量，就算同一個game重複玩幾次，但只要中途插入唔同嘅criteria，前後都會有唔同嘅地方，first game係由導師們分析背後嘅含意，之後嘅games輪到由大家分享，初時大家分享可能只局限過程中嘅分別，及後大家分享時會將其連繫到工作上，彼此在玩嘅過程不斷成長…朝早同晏晝嘅group formation唔同，亦造就認識多d唔同嘅同事，同事們為咗自己條team攞分而不惜一切地投入，亦因為太投入，朝早有d小流血事件，覺得美中不足嘅係天公不做美，整日都下著雨，結果需要cancel部份outdoor activities而用contingency plan改到indoor。

今日去咗參加CAS入隊測試，量完心跳血壓就要進行三項職能及四項體能測試，如果通過所有職能體能測試就會有筆試同面試，徹底地係一個涉及好多步驟嘅篩選。對第一項測試”抬床”已經被考起，要抬起瞓住百幾磅假人嘅床一d都唔簡單，個負重重量原來好重，最後幾經九牛二虎之力先成功，呢個項目篩走唔夠力或唔夠高嘅考生呢！之後到背負10 litre嘅背泵行上行落，同樣地係非常重，不過都順利過關，pass埋最後一項職能測試”模擬高空工作”就要進入體能測試，結果…第一項已經被淘汰，由始至終擔心嘅只係哩半跑，估唔到失敗在”掌上壓”呢一關，能夠完成所有職能測試其實証明有能力去做，不過欠缺咗基本體能，雖然最後被篩走，但當中嘅經驗的確難能可貴。

出奇地尋日並沒有任何睡意，但今日天氣再度變得寒冷，朝早幾經掙扎先願意脫離被窩起床梳洗，返到公司依然sleepy，惟有借助咖啡嚟提神，咖啡嘅功能真係強勁，飲咗之後當然唔會精力旺盛，但睡意明顯減少，不過傷胃嘅咖啡都係少飲為妙，咖啡呢樣嘢好容易上癮。唔駛幾日時間，已經諗東諗西，係迷茫嘅一刻只會重複又重複諗相同嘅嘢…有d嘢明知應該要做，但往往用不同藉口來拖延，最終經已比其他人完成，結果蝕嘅是他人嗎？當focus on某樣嘢，其實有可能忽略另一樣嘢，一直埋首於同一範圍，一d都唔全面…

啟市日，要開工大吉。放假習慣遲睡遲起，今日突然要早起身，零晨只好一路諗住要早起身一路去瞓覺，結果…時不時就醒一醒睇吓時間，生怕第一日遲到呢！收開工利是，lunch一班同事一齊出去食開年飯，真係又一開始，要努力！！！

幾日紅假話咁快就完結，呢幾日d時間顛倒駛，夜晚唔到零晨兩三點都唔sleep，而朝早唔到十一二點都唔wake up，天氣實在太寒冷，真係寧願藏在被窩，唔知天氣幾時先回暖呢？亦因為“凍”嘅緣故，搞到郁都唔想郁，乜都唔想做，結果…一下子浪費咗個假期，日日只係狂食同狂瞓，簡直比起豬仲要懶惰。