一件看似微不足道嘅事情，當中處理嘅手法可以引申出某種態度，所想到嘅只係一部份，諗深一層解決方法其實有好多，事情會無形中出現，果一刻冇多作思考，只可感嘆錯過了一個嘗試機會，踢一踢先郁一郁，同一部機器有分別嗎？一個提點可能換來一陣難受，但難受過後所得到嘅比失去嘅多，你會否願意承受一刻嘅難受呢？知道要珍惜機會，知道要勇於嘗試，但經常性知而不行，真的不可以再這樣子，要好好作出行動，利用每一個機會，從而改善每一個不足。

一星期嘅完結，見證變化無常嘅感覺…要衝破圍牆，除咗借助別人，還需依靠自己嘅能力，冇人可以完全了解當中嘅情況，也許一小步係微不足道，但每人都會有獨特嘅睇法，無論怎樣，都應該做好目前，要避免連鎖性影響嘅出現。一開始嘅肯定，到最終揭曉後發現肯定嘅錯誤，幸好同事當初對”懷疑”嘅堅持。依靠coffee去抗衡sleepy，同時知道飲得太多對身體唔好，但唔飲如何能夠提神呢？問多少少，探究出彼此嘅唔清楚，正因為負責範圍嘅局限，所以應該多加了解。當初嘅行動，其實已知悉原由及可以估計隨後嘅狀況，到真正需要面對現實將會落實嘅狀況，忐忑不安不其然浮現，實況是否真係想像般惡劣？在未完全做妥所有可能性前妄下定斷係多此一舉，未雨綢繆係必須，但當前情形都應勇於面對，社會現況嘅真實無法逃避。

擬定咗一連串清單，最終完成嘅只係寥寥可數，世上實在存在著唔少意想不到嘅事情，機件問題導致睇唔到DVD，親戚突然心血來潮嘅探訪導致消耗唔少時間…有計劃係一件好事，但唔應該抱住一定可以在限定時間內fulfill，事情總有可能不能預料地出現。遇上超級市場停電，由一開始嘅耐心等待直至最終嘅憤然離去，係應變能力嘅問題，亦體驗出借助機器存有某程度嘅風險。快餐服務嘅速度，出現難以想像嘅慢條斯理，寧可處理稍為比較賺錢多嘅食物，而不願製作current嘅食物，當中嘅工作態度正確嗎？顧客只係正在思考暫時未有決定，賺錢嘅動機令小巴司機沖昏了頭腦，一連串嘅所謂道理，只係將怒氣發洩在顧客身上，將情況嚴重扭曲，只會增加流失顧客嘅機會。好耐冇試過走出沙灘邊讓海水浸腳，原來感覺十分涼快，究竟當中有冇移動過仍然是一個疑問。 

每個行動總有其目的，當中包含嘅目的，唔同嘅人會有唔同嘅感受，一番好意可能會換來一個痛苦。一個少數嘅出現，平時可能因為太純熟而忽略，突然心血來潮想多加了解時，才察覺當中有好多一知半解之處，再深一層甚至驚覺彼此溝通極度之不足。也許沒有事情是必然的，當擁有時真的需要珍惜，因為消逝可能會無聲無色地出現，呢一刻係屬於你，唔代表下一秒仍然屬於你。

精神狀態可以但心情麻麻，事情是否不能兩者兼得？突然醒起有個廣告中曾提及”凡事唔係絕對””希望在明天”，呢兩句說話真係非常勵志，廣告真係有佢獨特嘅威力，反觀人何嘗唔係，其實每個人都應該有獨特之處，呢一刻你覺得其他人好勁，但係分分鐘其他人都會覺得你有可取之處。樂意選擇咗去做，其實已經知道之後嘅結果，冇人能夠預計將來，適當嘅取捨也許換來改變，當然不是百分百肯定，會出現嘅只有好與壞。

也許自己察覺能力真的薄弱，原來情況早以給其他人發現。唔同時期被唔同事情困擾，其實諗深一層是否正在兜圈？不斷在十字路口徘徊，幫到嘅只有自己，even得到其他人額外付出時間去聆聽開解輔導，最終不願action情況只會相同而重複地出現…有d嘢難道真的這般難明嗎？映入眼簾嘅已經係事實，選擇接受與否正正係問題所在，有人可以視而不見、有人可以勇於面對，記得中學時期打開筆盒就會看到「逆水中行走，不進則退」這一句，要努力抗衡還是坐以待斃，每個人都會作出唔同選擇…

別人覺得冇問題嘅嘢，自己認為唔應該做，既然覺得係唔應該，理應提醒自己唔好去做，但總有原因令自己做咗，做咗比人發現後會顯得驚慌，若是這樣，為何當初自己不能克制呢？唔習慣嘅事情，開始過後越來越發覺技巧嘅不足，依然會中途出錯，係action果一刻因為自然反應而忽略，但過後自己非常內疚，明白出錯後需要補救，但總不能永遠維持這情況，何況有d嘢係無法補救。”自己以為嘅嘢未必係事實”嘅例子又再度出現，原以為一直無人留意，其實係非常useful，突然provide少咗info換來嘅係同事嘅查詢，include埋唔會用好多時間，但我竟然憑自己感覺去作出省略，簡直就係多此一舉。今日天氣突然轉冷，身體感到十分不適應，霎時間手腳冰凍起來…今日狀態極度差勁，除咗覺得凍，還感到眼瞓，打了無數次呵欠呢！

未開始已經覺得困難，開始過後，更加覺得困難，過程中會遭遇唔同程度嘅障礙挫敗感，不過如果唔開始，又如何能夠從中明瞭多些…在A環境中原封不動，在B環境中不斷努力，在C環境中處之泰然，究竟代表咗什麼呢？行為被反覆無常嘅心情左右，想從迷惑中尋求清醒，藉着下雨天淋場雨可能係其中一個選擇。返學稀有地精神奕奕，因為專心所以對教授內容比較清楚明白，到落堂倦意慢慢浮現，個timing準確得令我詫異。

同一件事唔同嘅人有唔同嘅睇法，限定咗某個睇法，就會一路覺得該睇法正確無誤，但事實就是這樣嗎？情況唔會突然出現，係需要日積月累而成，正因為過於縱容，到達這地步想改變並唔係一朝一夕嘅事，更何況係多年嘅習慣，當依賴了就會不斷依賴，要停止係要彼此遷就…唔同嘅角度會得出唔同嘅觀點，唔同嘅觀點會予人唔同嘅感受…埋怨計較只會繼續陷入死胡同中，要好好學習收放自如呢！