經過昨早嘅密集式，終於成功地完成咗唔少嘢，不過就消耗咗唔少精神體力，最終要拖住頗為疲累嘅身軀返學，阿sir今堂講咗過另類溫書方法畀我哋參考，我覺得幾特別。孤陋寡聞嘅我其實除咗”問”，還應該學會仔細觀察及了解…當問題發生出現時，一個resourceful嘅人可以立即指出問題所在，果種能力真係令人欽佩。今日驚醒”嘗試”的重要性，唔習慣係咪等於要故步自封？唔嘗試根本無法領悟當中需要遇見嘅障礙，絆腳石係會嚴重阻礙前進呢！ 

經過昨天嘅行山加今日嘅跑步，小腿肌肉酸痛起來，過程時間唔算長久，只係太耐冇做過類似嘅活動，而心肺亦不能適應，因此在有點兒悶熱嘅天氣短暫已經感到相當疲累。抱住期待心情等待今日嘅活動，最後還是告吹了，每件事情到前一日先會出現真正嘅答案，even幾個星期前plan咗又如何…彷彿並不是完全真實，實況原來如此，一句反問令我頓悟，突然感到一份熟悉感，原來曾經出現過，但當時沒有真正探索研究，要好好改善呢！

中秋節係人月兩團圓嘅日子，唔知大家同邊個度過呢？今日返工做嘢好大意，data竟然run錯月份，多得SZ admin同事提點才知道嘅我，只好及時補救，比起平時變相用多唔少時間，之後整report又將info duplicate，結果要再sort多次，而updating record仲以為好完美，點知…原來資料係未齊全，一個又一個錯誤，要盡量避免預防。

既然已下了決定，就應該心無旁騖專心一致，唔應該諗東諗西，如果仍然十五十六中，就代表依然未做決定，做事其實唔應該拖泥帶水。自己一手建立出來嘅錯覺錯誤，自己竟不能做主動作出更正，反而需要別人做主動去破解，破解後心情舒緩了不少，繼而使我嘗試作出改變，如果別人沒有出手協助打碎我面前嘅圍牆，真不敢想像情況會繼續維持多久呢！呢兩日頭腦稍微清醒嘅我，會不其然察覺唔少不足之處，好似問多少少比問一句會有唔同嘅得著..

情緒起伏不定，嚴重影響了我…今朝一返到office就著手處理昨日尚未完成的任務，因為要趕住一log過寄信，之後整report時將d data放錯位，幸好比我及時發覺作出更改，而我心情嘅轉變係after lunch，一開始無端端嘅質疑令我好想沉默，係我察覺自己應該更改後情況稍為改善時又突如其來收到個電話，短短數句足以令我失控，果一刻我覺得自己非常軟弱，為何我不能夠作出適當嘅反抗及抑止呢？一連串non-stop嘅說話不但阻礙咗我工作嘅進度，而且令我心情down駛，由原本諗住準時放工到最後延遲數分鐘，又再一次需要趕去上堂，結果仍然遲咗幾個字，要慢慢pick up所教導嘅內容，speaking明顯地係我一個缺點，當miss企係我面前問我問題後，我可以啞口無言任有dead air出現，我應該學會放膽地多說話呢！