係我高估自己能力嗎？總覺得時間控制出現問題，想像與實況始終有差距，我唔可以好肯定咁答”是與否”，因為唔同時期會有唔同狀況。突然出現嘅幹勁令我終於願意做revision，唔study都唔知，原來當中嘅concept頗為模糊，有好多地方唔明白呢，發覺相同錯誤重複出現，一條數我只懂由上而下睇，但final result有可能係最上嘅數，我真係需要學會變通。今朝login唔到MSN，同事習慣咗用MSN溝通，冇得用真係幾唔方便，係IT同事補救途中我忍唔住畀咗d意見，雖然我無法完全洞悉同事是否介意我嘅直接，但我feel到有少少問題出現，但願以後衝口而出前衡量是否正確先。

以為已經放下，原來事實並非如此，思緒總喜歡循環兜圈…呢兩日心情麻麻地，做嘢冇駛幹勁呢！係我不斷追查原因時，我嘅心理其實冇改變過，但我從來冇諗過放棄找尋，試過唔work我都唔識轉變方法，我睇嘢睇得太過straight forward。屋企人曾經講過”踢一踢先郁一郁”，有時我覺得呢個形容好貼切，除咗睇嘢嘅層面好狹窄，仲唔識轉彎…我嘅預料往往同現況有所出入，諗住時間會充裕，點知突發性出現其他任務；諗住時間會緊迫，點知時間會出現鬆動情況，既然無法估計，係咪唔應該去預料呢？

唔舒服嘅一日…消化不良係我一路嘅問題，但今個星期胃脹腹脹感覺特別明顯，每次食完嘢我個胃就會不其然疼痛起來，當中嘅感受難以形容…痛楚令我冇乜心情，因此我選擇了沉默，慶幸晏晝情況稍為減緩，不過夜晚感覺又死灰復燃。知道放工後要趕去上堂，返工做嘢速度稍為加快，點知一個眼瞓拖延我finish嘅時間，雖然個mistakes唔大，但呢d careless mistakes應該避免。放工急速行去地鐵站，點知剛剛走咗班車，去到又兜咗個大圈先搵到條路，真無奈。

輾轉反側、重蹈覆轍、暢通完淤塞、出完又再入…一切只會浪費時間，與其只有”失”，為何不尋找”得”？突然嘅驚醒令我有點兒愕然…第一次完話咁快就有第二次，經過上一次今次對步驟比較清楚，不過仍然出錯。夜晚返學依稀有睡意，有一段時間係迷迷糊糊咁聽書呢！放學搭巴士又再次遇見A君，一個令我恨之入骨嘅人，佢畀我當初嘅體驗我一定會謹記。今日我逼咗自己幾個字先願意行動，好普通平常嘅嘢我睇得真係複雜無比，真佩服自己嘅造作功力。晏晝稍為鬆動嘅時間貢獻咗畀大問號，當中嘅過程讓我知道自己嘅無知。

講同寫我始終揀後者..每一次我都寧可用indirect嘅方法，但indirect遲早都需要變成direct，一句”點解唔直接同我講”令我啞口無言，無論我作出任何解釋目的只係掩飾其他嘢，我應該加以努力突破，”寫”可以諗過度過，但我顧及嘅根本唔夠全面，當中嘅技巧需要慢慢學習呢！唔作出嘗試無法預料錯誤，而錯誤並非大家所想的，因此嘗試係不可缺少的，礙於膽怯而卻步，實在太冇用。語氣態度嘅強硬，往往過後才能驚覺，要小心”病從口入，禍從口出”。

一件首度嘗試嘅突發性任務，當中嘅體驗十分多，開始時嘅茫然不知，繼而嘅一知半解，中途嘅自我察覺，都最後嘅做錯嘢…係唔了解嘅情況下脫離正當嘅步驟，諗得太多以致不能堅持，我知道錯得好離譜，我唔應該用第一次作藉口，反而需要好好檢討一下。感覺會不其然出現，但我感受到嘅係咪事實呢？一大堆所謂嘅判斷，當中有幾多係正確呢？

之前返工成日都feel到sleepy，呢兩日因為要就細妹返學時間出街eat breakfast所以早咗返到office，正常嚟講我會因為早咗起床唔夠精神以致覺得眼瞓，但神奇地少咗sleepy嘅感覺，睇落好似比起平時精神tim。LCCI每一堂阿sir都會有d新info，d notes由原本個人send email request直至開咗個share file瀏覽，今個week又突然話學校幫我哋影印，之前辛辛苦苦print out d notes立即變廢紙，我都唔知應該好嬲定好笑，冇特定書本真係好麻煩，學校影印呢個安排令我知道原來每個人都可以有所要求。今日畀我發覺，原來有d嘢過咗就冇得返轉頭，揀咗呢條路根本唔應該眷戀自己未曾嘗試過某些體驗…

今日要handle嘅duties比起之前某段時間截然不同，個difference相差好遠，變成咁我竟然有點兒唔習慣，不過人嘅心理其實好奇怪，有嘅時候想冇，冇嘅時候又想有…橡皮筋拉得太緊都要放鬆下，更何況係人類，歸根究底都係我適應力唔高，剎時嘅轉變我都可以改變心情，我根本唔應該咁樣，好多嘢係需要慢慢去接受呢！

眼見近期出現次數頻密，我不其然將感覺講咗出嚟，講完收到應有嘅回應，我所認為嘅事實原來係頗為狹窄，我所覺得認為嘅可能係偏激嘅行為，當我好似海龜咁固執時，無論點解釋我都會充耳不聞，我做到嘅只係重複又重複地作出相同嘅思考，直至隔咗一段時間才能嘗試抽身研究，終於知道我擁有嘅心態係錯誤，我唔應該胡思亂想，反而應該珍惜我擁有嘅。

半年緊密式嘅訓練，Sunny終於嚟到passing out嘅日子，呢個重要嘅日子點可以少咗我做見証，之前見冇飛唔敢同人講，知道可以walk in後又驚其他人要早起床，Sunny你實在諗得太多，幸好我從你blog中得知，繼而向你查詢，唔係我就枉為你asso嘅孖公仔。由於輔警總部距離地鐵站有相當嘅距離，所以我特別提早出門口，幸得細妹詳盡描述，結果到達時間比預期早咗半個鐘。唔講唔知，我可以近距離係VIP Seats睇步操係Sunny一路嘅努力，全班成績排第八，你好勁呀，Madam Chau，我要向你敬禮。