eGg yUK
原本只得一種"Egg Yolk" ，但係呢度，會有好多唔同種類，請慢慢欣賞！！
anitacyy : 個人主頁 - 相簿 - 訂閱  [ QOOZA - 論壇 - 登入 ]
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•終於完結
•2010-04-09
•萬事起頭難
•hope for the best pr...
•後果
文章分類
•全部 (627)
訪客留言
最近三個月尚無任何留言
好友名單
網站連結
尚無任何連結
自訂欄位(一)
尚無任何內容
站內搜尋
RSS 訂閱
RSS Feed
2008 年 5 月 28 日  星期三   陰天


Attitude 分類: 未分類

「態度改變行為，行為影響性格，性格決定命運」雖然唔知呢句準確性有幾高，不過相信擁有一個好嘅態度凡事都會事半功倍…諗嘢其實唔應該諗埋一邊，每件事情總會有好與壞，分別只在於”好”比較多還是”壞”比較多，如果諗得正面d，心情自然會好d。 
發表時間：2008-05-29 01:12 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 26 日  星期一   時晴時雨


凡事都有價值 分類: 未分類

彷彿要從新學習，但慶幸嘅係可以及早發覺，能夠有所醒悟當然免不了得到他人指點，原來唔經意之間已經去到一個頗為惡劣嘅階段，由好變壞總係比由壞變好容易，之前浪費咗嘅時間已經徹底浪費了，呢一刻能夠做嘅其實仲有好多好多，真係要加把勁呢！邊個感覺比較舒服當事人最為清楚，與其浮浮沉沉唔上唔落，倒不如選擇一個舒適嘅…認清要改變嘅內容，著手處理吧！ 
發表時間：2008-05-27 12:43 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 23 日  星期五   晴天


2008-05-23 鬱悶 分類: 未分類

每次傾談過後終有得著，但總喜歡一而再再而三重蹈覆徹...一路都知道過於執著過於緊張，原來仲有過於偏激呢！偏要搵藉口去逃避、偏要想到唔好受、偏要扭曲事實、偏要諸多辯駁…可能只係短短嘅時間，但已經可以茅塞頓開，要知道嘅其實已經知道，問題只係選擇知而不行還是付諸實行，唔好堅持話已經努力過，有冇付出過努力好多嘢可以証明，唔同嘅態度唔同嘅反應都會顯示出唔同嘅嘢。有時唔係因為別人嘅洞悉力高而察覺，其實往往係自己嘅觀察力弱而有所忽略…三心兩意之下結果搞到兩頭唔到岸，最終損失嘅是誰呢？明知有問題出現，但故意避而不見…少少挫折已經捱唔住，怎能繼續往後嘅人生？

發表時間：2008-05-25 02:28 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 16 日  星期五   晴天


Add oil 分類: 未分類

可能會比較唐突，不過與其去猜度，倒不如勇於發問，問咗唔代表一定會有答案，但唔問又點知為何呢？睇落好似好奇怪，彷彿多此一舉般，provide出來嘅嘢係咪多餘呢？其實雖然機會未必有，但學多d根本一d壞處都冇，反而可以知多d，完全係百利而無一害，要繼續畀心機呢！或許只係因為諗得太多，無論如何，禍經已從口出，插入嘅刺就算拔咗出來都會有傷痕，根本無法彌補，惟一能做嘅只有避免重複犯錯。 好鍾意“這個站 不再是嬉戲 努力和運氣 遇到好心好報 便爭口氣”呢句歌詞，有好多嘢唔係guarantee一定會有，有嘅時候就要珍惜。 

發表時間：2008-05-17 12:24 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 15 日  星期四   晴天


別猜度 分類: 未分類

從來唔會問因由，叫做就去做，叫聽就去聽，其實每個安排都應該有其原因，想知為什麼就該去查詢，估估吓又有何用呢？不過無論如何，做多d聽多d就會知多d。有d嘢錯咗就係錯咗，無論講錯或做錯，只要勇於承認錯誤，避免再度犯錯，已經好足夠，至於是否得到別人原諒係無法控制…過咗一段感到苦悶嘅時間，終於雨過天晴，心情稍為舒緩，擁有唔同嘅心情就會出現唔同嘅行為，原來分別相當大…

發表時間：2008-05-16 01:00 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 5 月 12 日  星期一   晴天


新look 疑惑 分類: 未分類

換咗個新look，睇落真係有d唔習慣，唔知ok ng ok呢？傾談間提起所謂�H傷心事，其實沒有什麼大不了，有d嘢keep咗咁耐或許已經習慣了，心裡雖然感到難受，但可以做�H又係什麼呢？一切只可以默默接受…

發表時間：2008-05-12 06:19 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 9 日  星期五   晴天


有與冇 疲倦 分類: 未分類

有d嘢就算真係有可能性，但會否真正願意接受又係另一回事，當沒有時好正常會希望可能性嘅出現，有同冇只係一線之差，得唔到唔係一定因為能力問題，因為每件事情都會包含唔同嘅因素。好多時會出現”你睇我好，我睇你好”，結果其實早已出現，只係避而不見，雖然明顯地係冇機會，但証明了什麼呢？用平常心看待，不用太在乎呢！

今日有點兒失魂落魄，只顧開門而忘記了login，結果…login時已經係遲咗到嘅時間，認真大意呢！之後做嘢又彷彿不太順利般，棘手情況不時出現…除此之外，整天都感到頗眼瞓，打了好幾次瞌睡，d data要反覆核對才放心。差唔多臨放工同事才request幫忙，最終第一次嘗試作出拒絕，雖然好似唔係幾好，不過只怪同事太遲出聲，係urgent理應早d通報。
發表時間：2008-05-10 01:57 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 8 日  星期四   晴天


2008-05-08 不安 分類: 未分類

Admin其實係需要仔細嘅觀察力…諗得唔夠多，就會忽略應該要注意嘅細微事情，所謂細微事情，未必一定會引致嚴重問題，但prevention is better than cure。處理一件平時未曾handle過嘅任務，因為程序上有d出入，竟然不知如何是好，要尋求救援呢！救援中被提醒處理手法之不當，一個方便就可以不顧一切，反省時才驚覺做法真的存在著問題，太粗心大意了。 
發表時間：2008-05-09 01:13 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 6 日  星期二   晴天


2008-05-06 傷心 分類: 未分類

開始吵架之後，就選擇了沉默，雖則”十問九唔應”呢種態度唔好，但沉默可以防止更深層嘅誤會，每一個人都會有自己嘅思想自己嘅感受，覺得正確唔代表其他人都有相同想法，人慣於各持己見，要退一步嘗試互相體諒，其實可以好簡單，但同時都可以好困難。

唔係想開玩笑就可以開玩笑，撞正一個唔適當嘅時候，就會出現無法挽救嘅結果…出咗口嘅說話唔可以收回，深深被傷害了，要原諒談何容易，一句”對唔住”係沒有用途的…實在過於後知後覺，行徑已經一早表現出來，只係沒有加以察覺…真係唔知一句無心之失原來會咁嚴重，講嘢技巧真係好有問題L
發表時間：2008-05-07 11:41 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 5 月 4 日  星期日   晴天


Should happy or not? 分類: 未分類

唔駛返工嘅日子，就遲遲都唔願起床，幾質疑返工日子如何知醒？一到放假，就懶惰到乜都唔想做…每一次待在家中都會有情緒嘅起伏，為何總是抑制不了？也許該好好擴闊視野，接觸多d外界相信會有所改變。幾乎忘記了，當收到信嘅一刻絲毫沒有感覺，應該如何看待這事實呢？

發表時間：2008-05-06 12:37 AM  [ 訪客留言(0) ] [ 編輯日誌 ] [ 分享至FACEBOOK ]


« | 8 | 9 | 10 | 11 | 12 | 13 | 14 | 15 | 16 | 17 | ... | 63 | »