沒心情嘅一日…今日出result，睇完真係晴天霹靂，好唔滿意呢！paid左唔少effort而最有信心果科個grade強差人意，心有不甘之感簡直到達極點…之後工作上又接二連三出現問題，printer強勁jam紙，搞咗一輪都未能正常function，最後要去到拆機果一步，上司嘅協助引發極度心虛唔好意思感覺；另外check到record d data有incomplete 情況，查證後知道係因為遺漏所止，careless mistakes！？！好一個考驗，要做到知其嚴重又不能過於重語氣，當中嘅技巧真係要仔細參透。

 “能醫不自醫”…同一件事唔係當事人就唔會明白真正嘅體驗感受…做一個聆聽者可以巨細無遺去安撫他人，甚至有能力將所有負能量轉變；一旦真正身處該環境時，沒有”處變不驚”嘅情形，而負能量會不停更新及不斷打擾情緒，難道只有局外人才能抽身思考？

新一年有乜新年願望，問到…真係啞口無言，當然唔會冇，只係有d嘢唔講得出口…不過最急切相信係消除奇怪感覺，不論是胡思亂想所止，抑或是真實嘅表現，一切總有原因…

終於要來臨…也許星期三就會揭曉，但實際又是否如此呢？真的無法估計…由一開始嘅懞然不知突然要接受，經過咗一段疑惑到心緒不寧嘅時間，到慢慢開始變得處之泰然好enjoy，即將會到達結尾，會變成怎樣呢？既好奇又有所擔憂…

平時嘅weekend瞓到十一二點，但今朝八點幾就起床，為嘅係睇早場…以前好少去戲院睇戲，不過今次竟然心血來潮不惜要早起都走去睇《吸血新世紀》，套戲真係好好睇，果然不枉此行，幾辛苦都值得呢！之後去咗逛街，d sales嘅態度真係千變萬化…係顧客嘅心目中，兜售技巧其實好影響生意額，但好多sales都不知道。

尋日返工傻到…可能因為一月一日放咗假嘅關係，思想總想著是星期一，仲低能到走去run 咗weekly Monday report d data，直至放工才毅然想起記錯了。冇王管嘅一日，公司只剩下低級嘅同事，但…不是完全可以作反，工作總有一定數量，有部份同事亦因為同team同事放假而變得相當忙碌…

唔少人認為去完旅行後，對平時習以為常嘅事情會有另類嘅體會，甚至能夠消除一d擾人嘅煩惱，但…真的如此嗎？正當以為一切已經想通想透之際，處身在實際環境中感覺照舊…稍為敞開了彷彿又再度關閉，出盡九牛二虎之力才能解開繩結，但繩結總喜歡不斷地建立，而且越來越複雜…

Day 1: 由於到達仁川國際機場時間尚早，行程上嘅編排有少少需要拖延時間，是日主要係參觀 (南山公園、南山韓國村、青瓦台總統府、外國贈品展覽館) 及shopping (明洞、南大門)，夜晚好早經已到達酒店。

Day 2: 要去郊區，食完早餐坐咗差唔多五個鐘頭車程先到達第一個景點 (畫岩金礦窟博物館)，然後去了玩RAIL BIKE鐵道腳踏車，雖則四個人一架車，但只有兩個人需要負責踏，全程四十五分鐘結果一手包辦，到尾段真係踏到無力…跟住就係溫泉水上樂園，聽個名好似好大型，但原來地方好少，而下榻嘅係度假村，試咗 “ondol” 瞓地下呢！

Day 3: 最精采亦最為消費多嘅一日，全日活動只係滑雪，入咗韓國降雪量最多嘅龍平呢個地方，終於可以真真正正感受落雪，原本安排咗skiing school個導師教授滑雪基本技巧，但原來導師唔係好識講英文，後來因為導遊係滑雪教練，之後都係由佢講解，時間無疑比較短，雖則夜晚可以繼續，但礙於還未能掌握”停”，因此夜晚變咗玩雪，仲去咗look ling。

Day 4: 朝早上咗山頂，風景雖然真係好靚，但真係勁寒冷，再加上落緊雪，不過都影咗唔少相。之後要坐兩個多鐘出首爾離開度假村之旅，首先去咗韓食DIY「大長今」生活體驗(學整泡菜及著韓服)，之後參觀人蔘專賣廳，其次是另一shopping (新村梨花女子大學購物區)，接近黃昏先入華克山莊，呢度出名嘅除咗個賭場外，買化妝品亦係一個好地方，因為係tax free，有一個團友買化妝品買到可以送喼，而下榻嘅係一間五星特級酒店。

Day 5: 首站係COEX海底隧道水族館，有好多海洋生物，較為特別嘅有雙頭龜，之後有段時間逛COEX購物城，跟住嘅行程包括冬蟲夏草護肝寶專賣區、化妝品專門店(終於見到Coco想要隻化妝品牌子，但...多數都缺貨)、水晶城、土產店，尾站當然係仁川國際機場，最後一餐飛機餐竟然逃不了依然要食Korea rice。

雖然兩科考試相距Sem尾有差唔多半個月嘅時間，但可能因為要返工嘅關係，故此study進度十分緩慢，越接近應考日子就越發覺時間嘅不足…今次考試為咗settle down心情特登take咗half day leave，take leave時間除咗可以做一個quick revision，仲可以瞓一陣recover下呢！由於兩科考試中間並沒有相隔日子，所以考完第一科就立即埋首study第二科，完全沒有研究過答案對與錯，prediction攞幾分更加沒有時間去想像。

考試嘅date係17同18號，結果生日都要study中度過，全日只係收到他人嘅恭賀說話以及夜晚切一切蛋糕，這樣就大了一歲變老了…不過考完試就會happy，因為plan咗去travel，五日韓國之旅，仲要係零晨機去夜機返，足足玩駛五日，簡直就係未出發先興奮…其實中途質疑過有冇choose錯date去travel，始終study period間唔中都要分心去思考要pack什麼，但…既然想去，如果過咗一段時間，心情相信會有所轉變。

18號算係比較上時間急促嘅一日，朝早要返工，lunch就同公司同事出去食補祝生日飯，晏晝回家後要趕緊revision，期間要兼顧是否執齊行李，最終需要急促趕回學校應考，考完又要趕入機場check-in，幸好有細妹做back-up，因為係趕急之際忘記了攜帶不少物品。

在此多謝Jovis及Sunny嘅款待，雖然只揀咗一樣特色小食，但…其實已經食得好滿足了，thank you!!! 

今日是黑色星期五嗎？何解會那般感覺強烈？嚴重到忍都忍唔住呢？平時不時出現嘅態度，經過一段時間相處其實已經有所習慣，不過今日其嚴重性到達了嚴峻地步，起初真的以為是想法錯誤，但同事同樣地感受到，真的是虛假嗎？有越來越多嘅不同待遇，其委屈感覺就越來越強烈…以致不自覺突然心情驟變及口淡了…嘗試找不同假設去否定，無奈彷彿事實証明一切，沒有申辯時間就已經被判了死刑般。

嘩！原來個blog個幾月冇update過，冇辦法啦！自從返學後，擁有嘅時間買少見少，而且撞上semester中段至尾段，d mid-term test同project接踵而來，busy情況嚴重到連休息嘅時間都冇，做project過程中經歷咗好多，試過連開數晚通宵…也許見識過於淺薄，完全理解唔到有d人冇乜contribute過都可以講到做咗勁多嘢，正所謂”死都拗返生”，唉…憤怒又如何？竟然比一份佔分唔多嘅project搞到大傷元氣，真係無言而對…幸好嘅係工作上不至於極度忙碌，可以在緊迫之際歇一歇呢！

出現咗一段時間嘅金融海嘯真係嚴重影響經濟，近期最引人注目莫過於裁員潮，當未踏足社會，真係乜都好似唔慣事，始終唔係切身問題，但當進入該環境後，就會feel到果種危機感，宜家focus嘅根本唔係點搵一份好工，而係點keep住有工開...

好耐都冇update個blog lu，之前想update正正遇上條link唔function，之後想update唔係lazy就係tired呢！ 

返咗學一個月有多，原來要sacrifice比想像中還要多，十月一號個個好happy多咗一日假，點知…果日因為撞正要上堂所以要補課，而九月廿三號個颱風不但沒有貢獻，而且帶來壞處，颱風影響HK時間同返工一族放工時間非常接近，原本偷雞都有幾個鐘賺，結果同平時一樣放工，惟一比較上賺到嘅係唔駛返學，但亦因為重陽節同樣係星期二嘅關係，所以之後亦要補課，呢科仲要揀星期日朝早……

而返工整體上都差唔多，稍為唔同嘅係要由今個禮拜開始要兼顧多一個範疇，雖然只係短時間嘅support，但呢個係難得嘅機會…要分身處理唔同team嘅duties，有時真係感到分身不暇，顧得呢樣又彷彿忘記了另一樣，不過都ok gei，枕住有嘢做但不至於busy，好似呢兩日見到同事忙碌，都主動提出協助呢！

好攰…疲累情況接近爆燈嘅境界，繼上周五開始直至昨日，d duties可以話源源不絕地出現，最難熬莫過於需要返學果幾日，返工已經忙到一頭煙，之後夜晚又要畀心機聽書…呢個星期返工出奇地多咗唔少嘢需要handle，有時做做吓根本唔知道時間原來過得咁快，往往不知不覺間已到達lunch hour。忙碌嘅因由有好多，數量多咗、一係唔嚟一嚟就一大log、inventory嘅負數、practicing…原本assign要handle嘅因為unexpected嘅嘢導致冇時間去做，結果要不斷麻煩同事幫忙，尋日仲要嚴重到需要request上司嘅協助，真係唔好意思呢！

 而返學值得高興就係認識到一位take相同foundation而上堂時間一樣嘅同學仔，take同等科目foundation已經難求，仲要exactly同時間上堂，真係難能可貴。上咗兩個星期，lecturer嘅教導方法強弱已經感受到，就算係唔好嘅都只有欣然接受，一個好嘅tutor彌補咗lecturer嘅不足，慶幸編排在理想嘅tutorial class。

另外，經過一句”唔通傳”洞悉問題過於嚴重，唔係因為慣性就可以刪略，唔出聲根本冇人知悉，就算真係busy又如何，只係簡單嘅一兩句說話會利用好多時間嗎？正正因為欠缺communication，好多奇怪感覺隨之而起，”乜唔係已經講咗咩”呢一句唔係第一次出現，講呢一句嘅彷彿好肯定已經訴說了，但事實真的如此？也許另一個正在疑惑，stay away問題只會越加serious，一小步慢慢嘗試將問題由closed-end變成open-ended，相信可令奇怪感覺減少，真的要がんばって。