前陣子我突然發覺自從返咗呢份工後，個人開心咗好多，自己好似好耐無喊過咁，不過今日沖涼時我d眼淚又不其然流了出來，呢段日子每日我都在審判自己，唔明點解自己要成日口不對心，唔明點解攞d勇氣出來都當作係一種難事，唔明點解自己缺點多多優點極少？今日嘅我比昨天還黑仔，一朝早我部電腦竟然開唔到，唔知係咪個hard disk俾我整壞咗，我知嘅係呢幾日都俾我遇到d麻煩嘢，都唔明點解d嘢唔係發生在我身上就第一個俾我發現，攪到IT同事要作出緊急維修，冇得用自己部腦惟有用住另一部電腦先，唔知係咪用慣咗自己個部，一用第二部就周身唔自在，後來IT同事幫我換咗主機，我又要重新map返d drive，add返d bookmark等等，之後又要部電腦做testing，搞到我用一陣停一陣，所有工作都需要斷斷續續，好唔習慣呢！

其中一個程式又勁hang，攪到要晏畫先整好，我又要download 果d files再upload返上去，最後要攪到成七點半先可以收工，要記住我仍然未整駛全部，不過d speed咁慢，惟有等待明天才continue，不過今日嘅我真係好攰好攰，或者因為”攰”嘅關係，自己心情有點兒低落呢！回家後我不停地反省自己今日的表現，discover到自己做錯咗好多嘢，無論係工作上定係待人處事方面，發覺好多地方需要改進，我知我的無知的確浪費咗大家好多寶貴時間，耽誤咗同事做嘢或食早餐等，我亦知道自己欠缺了幽默感，好多時我會心直口快、衝口而出講咗d 唔應該講嘅嘢，對唔住呀！我嘅無能反而加重了大家的負擔……