呢幾日都為咗non-jupas d嘢煩，直至昨夜終於俾我攪點駛，繼而有種如釋重負的感覺，non-jupas呢樣嘢在過去兩年都只能給予我一次又一次的絕望，當接受過重覆又重覆的絕望後，個人已經對有關結果感到麻木，其實我清楚知道機會率的高低，不過就即管博吓，博咗起碼同屋企人有所交待，唔好俾佢哋覺得我冇恆心ar ma，有時人就係會為咗半斤米而折腰……

 返咗呢間公司兩個月，亦代表我係時候要供強積金，由人工攞5%出來看似係一個細數目，但係對於我嚟講係一個大數，收到糧單才驚覺自己份人工係好低，不過又鬼叫自己冇經驗，每一個人都會「人望高處」，而我當然並不例外，但係同時我發覺自己缺乏好多skills，以前完全冇為出社會工作而作適當的準備，有好多空間我仍需改進呢！

好多時候嘅我都會逆來順受，明明有d嘢唔鐘意做，但係我都會忍氣吞聲咁完成，最後會產生一肚子的氣，令到自己好唔開心好憤怒，又或者擺明係一件勁唔gur嘅事情，我個心係好唔妥覺得好唔公平，但係當有人詢問我時我又會顯得唔在乎，仲會話唔緊要啦，點解我會經常性口不對心？