每一次派糧單，我個心就會好唔舒服，因為自己嘅人工比其他人低，at that moment先發覺原來自己係好著重”物質"嘅需求，成日口口聲聲話自己唔在乎”物質”，但事實並非如此。

最近除咗諗”得”與”失”，仲有諗”信心”呢個問題，對於某一樣嘢連自己都冇信心做得好，就算別人比幾多鼓勵讚賞，根本都冇用，自己都冇信心去做好，人哋又點會覺得你做得好，無奈我就是缺乏”信心”，我對自己所做的一切都會懷疑，經常覺得自己做得唔夠好，又或者覺得我做嘅嘢係冇用，因此今日放工我終於鼓起勇氣同上司講出我嘅感覺，其實我明知佢會俾乜答案我，但自己將d嘢屈住好辛苦，雖然佢給我的answer我早就預料到，但我心情舒服咗好多呢！