“冇心情”已經成為咗我嘅例行公事，呢樣嘢間唔中就會出現，出現時段有短亦有長，出現前完全沒有徵兆，佢想出現邊個都控制唔到…而今日我又突然變得好冇心機，放咗工完全唔想返屋企，想一個人散步，又害怕孤獨嘅感覺，但同時我係希望自己一個人靜吓；想打電話搵人傾訴，你哋唔係未放工就係唔得閒，最終都係自己一個漫無目的咁行咗一陣就回家。

 我諗冇心機唔開心都係因為我太計較而起，今日係派糧單日子，每一次攞到糧單我個心都會好唔舒服，話就話個salary係自己expect嘅，但係人往往不斷去要求更多嘅嘢，失業嘅人要求自己快d搵到份工，當搵到工secure咗，人就會要求自己嘅salary有所提升，升職加薪有邊個唔想，但係我成日都去計較係咪好過份？？記得阿叢同我講過，其實人工同工作量成正比，想有高嘅薪金就要做d更加辛苦更有挑戰性嘅嘢，如果我將自己套入呢句，其實呢個價係正常，因為我做果d嘢咁濕碎，同埋做完都好似等於冇做一樣，對於現在嘅job nature開始產生厭倦嘅我，究竟自己想自己有所進步還是想不勞而穫呢？