長大後發覺時間真係過得好快，話咁快又到咗四月尾，過埋聽日又到五月，越大越驚覺時間嘅寶貴……呢幾日我發覺自己係一個經常性想放棄嘅人，例如當一份工比我知道咗佢任務嘅範圍，又比我嘗試過去做之後，我就會不其然產生厭倦，開始嘅時候係會覺得有趣，但重複又重複做咗一段日子之後就會feel到原來果樣嘢冇想像中咁好玩，一感到厭倦就會希望有新嘅嘗試，繼而想去轉變，但往往到達”想”呢一步我就會停止，係想作出轉變，不過缺乏勇氣去尋求，只懂講而唔識做呢！