呢排精神狀況不佳，好似瞓極都瞓唔夠，每朝都要幾經掙扎先願意起身呢！而今日返工嘅狀態極差，心情就極度惡劣，冇mood唔開心苦悶統統一次過出現在我身上，無辦法啦！同事突然要求我每個月嘅cut-off date run多一個額外嘅report俾佢作參考，對於所有嘅”第一次”我都會覺得有點兒困難，其實同平時整開嘅report分別唔大，但我仍然感到好困擾，一方面唔明點解有咁嘅需要，另一方面又質疑自己run果堆data嘅準確性，雖然話同平時差唔多，但係present嘅方法應該好唔同，所以feel到好苦惱，及後因為發覺自己做得太慢，開始心急起來，一心急就會好易出錯，慶幸嘅係我驚覺自己嘅問題，因此盡量prevent有任何出錯嘅機會。