話咁快又過咗一個禮拜，呢兩個禮拜嘅我會比較忙，因為個part-time請咗假去旅行，原本佢handle嘅check地址同入信都會由我去完成，所以冇之前咁清閒，不過handle埋果堆嘢都唔會令我好遲放工，只不過比以前遲幾個字，當佢返咗嚟，真不敢想像到時我如何打發自己多餘嘅時間，呢一刻都係唔好諗咁多，因為越諗越煩惱呢！今日lunch同個同事傾談，言談間我提及冇嘢會令我開心，佢話其實每一日冇嘢令我傷心已經值得開心，佢仲叫我唔好咁執著、諗嘢唔好諗得太灰，佢講嘅嘢其實有好多人同我講過，問題係我接受完相關信息後不到一秒就會放棄實踐，道理無疑有好多好多，主要係我是否能夠堅持去學習。