忙碌嘅時候往往突如其來會出現extra嘅任務，當應接不暇完全沒有額外時間去處理而擱置咗幾日後，叫我做果個同事已經等得唔耐煩，繼而要求我俾返d資料等佢自己handle，係佢request果一刻我完全覺得自己冇口齒，或者佢一句唔urgent令我忽略咗任務嘅重要性，不過唔代表我忘記咗件事，本身想晏晝去處理偏偏朝早就問我攞返d data，呢件事係尋日發生，但我到目前為止仍然感覺到自己嘅無能，其實因為今日我有好多空閒時間才更加顯現到自己嘅useless，可以講嘅係我有能力去handle果個任務，但佢request我去做嘅timing唔好，結果就……唉！上回講到我可以過檔學嘢攝時間，今日既然有空閒時間於是過咗去另一個department，不過我全程都不在狀態，學極都唔上心，個步驟記極都記唔到入腦，同事好用心去教導，但自己冇乜心機去學，見到同事為可以教導我而感到高興，我至少知道佢冇嫌棄我，佢唔會覺得我阻礙佢嘅正常工作，但願以後我能充滿精力地去學習更多新知識，唔好浪費大家的一番心意。