今日又冇帶飯，知道同事將會同CEO一齊食，所以一早已決定自己出去食，點知當上司問我有冇帶飯時，我好坦誠咁答”沒有”後，佢問我join唔join佢哋，我話要諗吓先，剛好另一位同事致電找我上司，於是上司要求呢位同事慫恿我一齊食，最後都不敵同事們的一番好意，懷着極度膽怯的心情去食飯，過程中我間中同同事傾吓計，個感覺原來冇想像中那麼可怕呢！

而夜晚就約咗Sunny同Jovis食飯，原本話出觀塘點知今日又突然話轉去旺角，係咪都係九龍果邊，去邊度都應該一樣，但當我踏進旺角地鐵站時，d人羣嘅嘈雜聲音令我好討厭，而人多擠迫嘅環境亦係我想逃避的，尋日打完羽毛球仲以為冇乜事，但後遺症腰酸背痛在晏晝開始出現，成個人開始變得好攰好冇精神，所以夜晚我講嘅嘢唔多，搞到掃駛Sunny同Jovis的興致，真係超級唔好意思呢！

P.S. 為咗叫我轉look，Sunny特登買咗件衫送俾我，真係多謝駛，不過下次唔好再咁做，因為我到現在仍對穿著方法感到疑惑...