人心難測，好多時候都係你睇我好我睇你好，一個人嘅外表唔一定同內心一樣，個樣開心內心係咪真係開心，根本好難判斷，生存在世每個人都會有自己嘅煩惱，有自己獨特嘅遭遇，encounter任何困難之後我就會覺得好大件事，但好有可能係一件芝麻小事，只不過我將件事放大咗，我所經歷過嘅嘢唔係冇人經歷過，或者我真係需要擴闊視野呢！

 今日part-time冇返，我要做埋check地址呢個步驟，但係我竟然忽略咗歡迎信的存貨數量，臨放工先知道唔夠存貨，攪到d sales同事聽日冇得出街，呢件事我唔多唔少都要負上部份責任，雖則d sales有職責去留意存貨多寡，如果發覺得早我仲可以起貨俾佢哋，無奈唔到放工都唔發覺，下次一定要防止呢種情況再出現。