今日過得頗為充實，因為一朝早就同同事去咗行山，我哋由蒲飛路巴士總站行上山頂，條路完全唔艱辛，用咗一個鐘就到達山頂，慶幸今日天氣冇任何唔穩定，雖然唔係天朗氣清，但陰天就剛好適宜行山，一路以來都唔知原來可以行上山頂，以前學校每次越野賽跑都係搭巴士上去，山頂顯然唔係第一次踏足，但今日上到去嘅感覺好舒服，企係觀景臺吹住涼風望住香港嘅風景，簡直係一種享受，我擁有嘅煩惱可以暫時一掃而空，行咗一陣山頂廣場再行咗陣凌霄閣，亦順路參觀埋新開果間 Burger King，跟住就行另一條路下山，下山嘅目的地則是置富花園，落到去食埋個lunch就各自回家，全個過程同事同我都有傾有講，從中我知道嘅好多不同事蹟呢！