今日同尋日又好唔同，情緒左右了我嘅思想，今次唔係鬱悶到覺得自己冇用，只係唔多願意開口講嘢，平時已經好沉靜嘅我，今日更加沉靜，就算風趣幽默嘅同事同我講嘢，我都冇乜點response佢，我知道我講嘢極度缺乏技巧，唔係講得太直接就係講得太大聲，畀人嘅感覺就係冇禮貌，好多時候我都係口不對心，明明唔想用果種態度偏要出現果種態度，正因為朝早無意中講咗d好似得罪人嘅嘢，晏晝我prefer唔出聲，同時畀d時間去聆聽別人嘅說話方式與技巧。