今個weekend兩日嘅天氣都係陰陰沉沉，攪到d跑步行山活動都要臨時取消，成日待在家中極度唔自在，想溫書又溫唔入腦咁，記得近期教嘅又忘記以前教嘅，真懷疑我係咪根本唔適宜讀account，d人話level one好容易，但係我覺得有丁點兒難度，平時上堂阿sir講嘅我又唔係好明，經常性要自我惡補，唉，又係時候要諗報唔報level two 同埋報邊間tim。尋日cancel咗跑步，我見已經起咗身，於是陪阿媽去行公園，行行吓阿媽同我呻佢嘅嘢，果一刻我先發覺原來每個人都有自己嘅煩惱，呻嘅時候又要搵一個願意聆聽而且懂得明白嘅人，我唔知自己係咪一個好嘅聆聽者，不過我希望你哋呻完會舒緩咗。